اعراس بلادنا

عنوان الموضوع : اعراس بلادنا
مقدم من طرف منتديات العندليب

السلام عليكم
جا الصيف و كترو لعراس و بلادنا طويلة و عريضة كل بلاصة عندها عدات و تقاليد في عراسها هذا يخلي مشكل ادا واحد بار اكزومبل من الغرب دا وخدة من الشرق - يديرو تقاليد الغرب و لا الشرق- و كل عايلة تطلب بعاداته هوما الي يندارو
عاونونا فهاد المشكل و خطو عادات اعراس المنطقة اتاعكم هكدا نستفادو و نتفاداو امشكل هدا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا من امنطقة الشاوية لعرس يندار في 4 يام على الاقل
نهار الاول يجيبو دار العريس الكبش لدار لعروسة
نهار الثاني نهار الحنة يجيو لمعرودين لدار العروسة و يجيو تاني دار العريس يحنولها و يلبسولها الخاتم كاين الي يحني على مفياس تاع لويز ولا محزمة مشبك وكي يروحو دار العريس يحانيو للعريس و تبدا السهر
نهار الثالث يهزو لعروسة تخرج من دار باباها على برنوص تاعو من عتبة دارهم و يبدا العرس في دار العريس
نهار الرابع نهار لحزام بالمخزمة المشبك يخزملها سلفها و لا ولدو

__________________________________________________ __________

>>>> الرد الثاني :

الصراحة مانحبش لعراس ومانعرفش واش يديرو فيهم

__________________________________________________ __________

>>>> الرد الثالث :

حنا في شلف العرس يكون في ثلث ايام
اليوم الاول نديرو الحنة للعريس .و تانيك العروسة يديرولها . و يعشو الرجال فيها نسمو هاد النهار العشا
اليوم الثاني مالين العريس يجيبو العروسة من دارهم و اللي نسموه المحضر
اليوم الثالث مالين العروسة يدو جفنة كسكس لدار العريس و هاكا يكمل العرس نسمو هاد النهار الجفنة

__________________________________________________ __________

>>>> الرد الرابع :

في عنابة يومين أو يوم يديروا كلش

__________________________________________________ __________

>>>> الرد الخامس :

راهم يديروا فالعراس حطراكش قريب رمضان