ارووووووووووع قصيدة باللهجة الجزائرية لهجة جزائرية
عنوان الموضوع : ارووووووووووع قصيدة باللهجة الجزائرية لهجة جزائرية
مقدم من طرف منتديات العندليب
السلام عليكم ورحمة الله
*******جبت لكم اليوم قصيدة ضحكتني وحبيت تضحكو معي يلا سمو بالله ******
نصحوني مرة صحابي بالزواج ... و قالولي بركاك من التعواج
راهي رايحة تديك المواج ... إذا بقيت في العزوبية
بقيت نطلع في الحساب ... و لقيت كلامهم صواب
و في الغد بعثتهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
و يما جاها في البال ... يخطبولي وحدة بدوية
تفاهمنا على بنت المدينة ... قالو فاهمة ورزينة
راهي تمخمخ في الكوزينة ... وتطبخ طبخات زينة
عولنا وقصدنا الدار ... حاملين في يدينا النوار
ودرنا وحنا زوار ... قاصدين بنت معينة
الخال في بنتو شكر ويزيد ... قارية وما تركتش المسيد
وصحيحة كي الحديد ... بنت العلم والتربية
قلت واش هي الشروط ... راني صرت ليكم مربوط
ومالي عندكم محطوط ... ونزيدلكم الشهرية
قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
وزيد كيلو ذهب صافي ... تجيبو وانت زاهي
والشنتوف ما هو كافي ... راني درت فيكم مزية
بنتي راهي غاية وشريفة ... ما تتركش يدها خفيفة
20 خاتم في القفيفة ... تحطهم في يدها هي
وسلسله غاليه ما تنساش ... والمليون لازم يكون معاك
والحايك مرمة لازم تلقاه ... وتقدمو لبنتي هدية
قالي يا السي موووح ... بلاك تنسى خيط الروح
باش يزيد لبنتي الروح ... تبقالك ديما حية
تشريلها عشر كباش ... والدجاج مشوي ما تنساش
https://r20.imgfast.net/users/2015/6...les/681549.gif https://r20.imgfast.net/users/2015/6...les/681549.gif https://r20.imgfast.net/users/2015/6...les/681549.gif https://r20.imgfast.net/users/2015/6...les/681549.gif https://r20.imgfast.net/users/2015/6...les/681549.gif
وزيدلها مترا قماش ... هادي حاجة رمزية
بنتي ما تضربش النشاف ... ومن الحمام تخرج بالتلحاف
وشعرها جيبلو حفاف ... وتزور sa mère كل عشية
الطفلة نطقت ملهيك ... يا بابا لازم تنهيه
يتركني نحكم فيه ... ويمشي معايا بالنية
قالي الشرط ما خلاص ... نقراو الفاتحة قدام الناس
قلتلو راني لباس ... ومنين نهرب يا خويا
درنا العرس نهار الخميس ... وكثر فيه الهراج والتهراس
المطرب يخلط على الناس ... والدرباكي يعفس تعفاس
والجمهور راهو نعاس ... والبراح يبرح شوية
جابو العروسة للبيت ... كي شفتها من الخوف بكيت
شعرها على الطابلة محطوط ... وراسها من الشعر مزبوط
رافدة معاها عشر قطوط ... تلعب لعبة هزلية
لقيتها مركبة قطع غيار ... شعرها وحواجبها ولشفار
و كي ضحكت كل شيء طار ... هادي ماركة عصرية
قالت لازم نبقى حرة ... ويماك لازم ترميها برة
وما تكثرش الهدرة ... أنا طفلة متحضرة
قلت يا امرة لازم تفهمي ... ترفدي حوايجك و اخطيني
منقوووولة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي بارك
هذي تليق بيا ههههه
شكرا على الطرح الرائع
__________________________________________________ __________
>>>> الرد الثاني :
عفوااااااااااااااااااا
وشكرا للرد
__________________________________________________ __________
>>>> الرد الثالث :
هايلة هههههههه
بارك الله فيك
__________________________________________________ __________
>>>> الرد الرابع :
رووووووووووووووووووووعة الله يعيشك
__________________________________________________ __________
>>>> الرد الخامس :
بقى فيه عقل ولالا
يبيع روحو وماليه وما نعرف اذا كفاوه هههههههههههه
مشكووووووووور
