اشعار جدتي غالية س-م من لهجات الجزائر

عنوان الموضوع : اشعار جدتي غالية س-م من لهجات الجزائر
مقدم من طرف منتديات العندليب

اشعار من تأليف جدتي ارجوا ان تعذروني ان لم انقلها جيدا



وهذه هي الأشعار



يا ربي نطلب فيك و انت استجب ليا
عيالي راه تفرق و الحال طال عليا
يا ربي اجمع شملي بجاه سيد رقيا
عيالي مني بعيد و الوحشة زادت عليا

نطلبك يا رب البيت تقربهم ليا


*بنتي زينة البنات

نبدا بصلاة على محمد اللي جاب المعجزات
الزين في بنتي خ**ة بنتي ريم البنات
مثيلها فز مقبل شراد لاوين يبات
العين حسكة ذهبية الخدود تفتحوا وردات
و الرقبة بلار مصفي و العقد بالحسكات
الجوف هلال مقوس باللويز ثلاث غرامات
و الساق كابوس ملمد جبدوه في قولة هات

و الصلاة على محمد الي جاب معجزات


*اولاد نايل

يا امينة طالت الفرقة بينا من فرقة الاحباب زاد الاضرار
ما ابعد برهم جاني كودا يفرج ربي نعيو قاع اجوار
عاشرنا هذه البلاد المنفية الغيم مجرف و الشجر داير ظلال
ياربي يا خالقي واش يصبر اتوحشت اولاد نايل بيت ودار
فارقنا الاجواد وتوحشناهم و بفرج ربي و نعود معاهم




*الحاج

فارقنا طير في الوطأ بابا خ**ة وحام علينا كالعقاب و خلانا
انت قلبك راه راقد متهني و خ**ة و البشير قعدوا في الهانا
نحزن عنك طول عمري في الدنيا و بوحجة باي العرب ضد الحكام
مكانش من يخلفك و لو مرة و ما قعدت غير خمامس و رعيان
من بوحجة ما قعد في دهرمان
يا بو لبة هب علينا هبة حوشك عادت تسوموا الرعيان
عيداراتك طالبين على القسمة قالوا بيعوا الحوش غيروا لا تركان
من بوحجة ما قعد في دهرمان

*طال الحال

طال الحال و طالت الفرقة بيا وعني ضاق الحال من طول فراقوا
واش يصبر راه قلبي زاد هموم راني حتى النوم بطلت رقادوا
كاتبلوا شيئ من تفَرض في كرشي وبني قايددناه من دون نتاجوا
طال الحال و طالت الفرقة بيا يا جمال
يفرح قلبي كي يقرب تسريح جمال ايام واش بيهم زادوا
يا ربي يا خالقي نستجب ليك تطلق سراحوا يجي يجاور بلادوا
طال الحال و طالت الفرقة بيا يا جمال


*حسام
يا حسام طول غيبة عني ظلوا مرة مشفنالوا خيال
عييت نصبر قلبي مابا يصبر نحس قلبي شاعلة فيه نيران
واش يصبرني على كبدي جمال زين وخيار الشبان
نطلب ربي خالقي عالي علا يلاقينا بيه في جنة رضوان

*سعدي سعدي سعدين
سعدي سعدي سعدين و انا الشينا جبت الزين
سعدي سعدي سعدين وانا بنتي خضرة العين
ومصيلة بين جدين


*عرس بنتي
بالله يا احباب كان تحبونا و تهلاو في خ**ة ما تنووهاش
قلبها صغير ما يحملش الهم مهمومة من زوجها ما تزيدهاش


*جمال علاه
جمال علاه تعمل فيا هاك أنا سخلاتك في بلاصة بابايا
أنا منيش متوحشا فان الدنيا أنا متوحشاتك نتايا


*موت الطالب
موت الطالب جات لينا بالقصبة يا كب النزلة حرقة لعيالو
قول لح.ة ما تقيضكش العودة والعودة خلى الي يركبهالو
يجاهد في الكفار وقفتي جالو وحارم ما تشوفي خيالوا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

https://3andlib.xplainer.net/images/smilies/19.gifشكرا اليك
و الله يخليلك جداتك و يطول في عمرها و يحفظها لكم
والله شاعرة بلغتنا
انا كدلك من الجزائر و عجبتني بزاف هده الكلمات

__________________________________________________ __________

>>>> الرد الثاني :

شكرا لك يا اختي الغالية

__________________________________________________ __________

>>>> الرد الثالث :

ربي يحفظها ويطول عمرها ان شاء الله

__________________________________________________ __________

>>>> الرد الرابع :

لا شكر على واجب اخي
لازم علينا نشكرو اصحاب المشاركات الرائعةhttps://3andlib.xplainer.net/images/smilies/19.gif

__________________________________________________ __________

>>>> الرد الخامس :

شُكراً على الموضوع المميز
أَعجبني في موضوعِك هو كتابةُ هذه الاشعار
وتدوينُها، هي بحقٍّ تُراث زاخر، ولكن للأسف نحن مفرطون فيهِ