الله يعطيك عرش نتاع عنب لهجة

عنوان الموضوع : الله يعطيك عرش نتاع عنب لهجة
مقدم من طرف منتديات العندليب

أ

هلا بيكم يا خوتي في الدريجة تاعنا



كيراكم لاباس




حبيت نطرح عليكم اليوم موضوع
على كلمة لوكان
وعلاقتها الحميمية
بالشعب الجزايري
( ماتخافوش مانيش
راح نقدملكم درس نحوي
علابالي تكرهو الاعراب)

ملي عرفت صلاحي
وانا نسمع في الكلمات هادو
لوكان درت و لوكان عملت

ياقريب درتها
بصح مادرتهاش

جامي فات نهار وماسمعتهاش




-مايديش الباك يقولك لوكان
غير جاني هادا الدرس برك راني نجحت


-ماتتزوج باللي حبتو
تقولك لوكان جا عندي
الزهر راني تزوجت بيه .





-لوكان تربح دزاير المروك
ولوكان تخسر افريقيا الوسطى
تروح دزاير وتولي الاولى
ياولدي هاي لوافيلا واعرة

خمم مليح يا ولدي



علاه تحلم
-لوكان جينا فاهمين ديننا
رانا مطبقينو على صحيحة
(بصح علاه ماراناش فاهمينو)

-كون مافاتش على الطريق
هاديك ماكانتش تضربو اللوطو (الطوموبيل)



(ومكتوب ربي وين راح؟)
لوكان و يكون
كلمة مشتركة وطنيا
متفق عليها ديزايريا
لاخلاف عليها

تستعمل في جميع الظروف
والمناسبات
السpور،،الزواج،النجاح...
وحتى انه قيل:

لوكان نيوتن جزائريا
لأكل التفاحة وهنانا
من تكسار الراس

في ميزكم علاه رانا نهدرو بيها بزاف؟
وديما كي منقدروش نديرو حاجة
ولاتصرالنا حاجة مقدرة من عند ربي
نعيطو ديراكت لوكان
بصحلوكان خيرمن ماكانش
وكاشما عندكم حكايات على الحاجة
لوكان غير الحقولنا بيهم


اسمحولي روحت بعيد
مي لوكان دوختني


هدا الموضوع برعاية:

-شركة ماروكو( تعرفوها ولا لا لا ) للانتاج المنغولي-

كل الحقوق محفوظة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كاين وح المثل يقل لي يستنا خير من لي يتمنا ولي يتمنا خير من اللي يقطع لياس
وهذي يالوكان دايرنها لتمني

__________________________________________________ __________

>>>> الرد الثاني :

و لوكان جات الدنيا دنيا

ما يقولونا الله يعطيك عرش نتاع عنب

و ندخلوا فرحانين باش ندوه لـــ papa

و كي ندخلوا نلقاو .. مشكل لوكان

و شركة ماروكو ... ماروكو .. ماروكو .. اسمي ماروكو الصغيرة https://3andlib.xplainer.net/images/smilies/smile.gif

طمعتني و لوكان جيت مشرفة و تشوف https://3andlib.xplainer.net/images/smilies/mad.gif

__________________________________________________ __________

>>>> الرد الثالث :

المشاركة الأصلية كتبت بواسطة احمد يحياوي https://3andlib.xplainer.net/images/...s/viewpost.gif كاين وح المثل يقل لي يستنا خير من لي يتمنا ولي يتمنا خير من اللي يقطع لياس وهذي يالوكان دايرنها لتمني

علي سلامة راني طولت عيك ولوكان ما مكتوب ما نغيب عليكم قاع عام نص
ايه هادي خاص لتمني
بصح لوكان اصصاحبي راهي داخلا في موضوع اخر
ويزيد يقولك ربهها لوكان غير غير نرجع من كنت صغير مذا يعتبر هذا............
علي اعموم صحيت حبيبي حمد عللي مشاركة

__________________________________________________ __________

>>>> الرد الرابع :

المشاركة الأصلية كتبت بواسطة أمآآآآني البنفسج https://3andlib.xplainer.net/images/...s/viewpost.gif و لوكان جات الدنيا دنيا ما يقولونا الله يعطيك عرش نتاع عنب و ندخلوا فرحانين باش ندوه لـــ papa و كي ندخلوا نلقاو .. مشكل لوكان و شركة ماروكو ... ماروكو .. ماروكو .. اسمي ماروكو الصغيرة https://3andlib.xplainer.net/images/smilies/smile.gif طمعتني و لوكان جيت مشرفة و تشوف https://3andlib.xplainer.net/images/smilies/mad.gif

https://3andlib.xplainer.net/images/smilies/mh31.gifhttps://3andlib.xplainer.net/images/smilies/34.gif
كيمت يقولو ناس بكري""نهاوها علي سوق بكرت"" هههه صبحت في سوق
ايه ماشي خصارة فيك عرش عنب تستاهلي بابكور
هههههههههه اه هدا هو المشكل وهنا يبقي اغز المحير
ايا عطينا رايك درك والعنب ساهل
الله يبارك ماروكي تسمي راكي مسميا علي شركة نتاعنا
هههههههههه
حمد اللهhttps://3andlib.xplainer.net/images/smilies/34.gifhttps://3andlib.xplainer.net/images/smilies/mh31.gifغير الي ما جيتيش مشرفة
كيما يقولو ناس بكري"""""اطماع شكون اي يحشيها ليه...................اكذاب خخخخخخخخههههههههه

__________________________________________________ __________

>>>> الرد الخامس :

لوكان اقولو ماشي ملسحة تقوليها ساعات راك تدخل في حكم ربي مثلا الواحد ادير حادت مرور اقلك لوكان دار هكة لوكان ماداش هكة اهي رايحة ماشي مليحة ساعات والعكس صحيح مي الجزائري وين تلقاه اقلك لوكان
حتى دارو عليها اغنية ويقولوا لوكان يا لوكان لوكان....................................