عبارات بدوية نايلية لهجة جزائرية

عنوان الموضوع : عبارات بدوية نايلية لهجة جزائرية
مقدم من طرف منتديات العندليب

من يعرف ماذا تعني هذه العبارات:

- يخزر فيا خزرة الكلب للبصلة
- داير روحو بطحة بقيزها
- طلبت ربي وقاثك
- ضربة في الكعبة طارت عينه
- على راس الصرا
- عطاه خبز الحمار من الكرفة
- خص العمية قا الكحل
- طارت وخلات الريش
- قبضت حبارة وهاو زقها في ايدي
- اللي ما يعرف الطير يشويه يدير عظمه كدادة
- عام الجيفة تسمن في الكلاب
- دارولو ايد دار على انسابه
- تلقى الكدادة في مرابط الكلاب
- تمسى تصر
- يتعلم الحفافة في روس اليتامي
- العرة من الجرةولا الخيار من التدوار
- هذا ما تسعى الحرةفي الصرة
- بيناتنا ربي ما تسعى
- والله ما طيرلك من ظهر
- هاهي فيك
-
إلى أن اتذكر المزيد من العبارات تقبلوا تحياتي.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صعبة، صعبة، مفهمت فيها والو.....
أضن أنها أمثال شعبية، بعض الكلمات لم أفهمها
فكيف لي أن أفهم ماتعنيه العبارات
ممكن الشرح لو سمحت

__________________________________________________ __________

>>>> الرد الثاني :

سأشرح لك لاحقا بعد أن أرى إنكان أبناء اولاد نايل في المدينة يعرفون ماذا تعني. شكرا على مرورك

__________________________________________________ __________

>>>> الرد الثالث :

السلام عليكم
أما من مجيب؟

__________________________________________________ __________

>>>> الرد الرابع :

السلام عليكم
أما من مجيب؟

__________________________________________________ __________

>>>> الرد الخامس :

اولا هدة امثال شعبيه نايلية نشرح الي قدرت عليها
- يخزر فيا خزرة الكلب للبصلة = انو متكبر عليه و يشوف فيه حاجة مافيهاش فايدة ..
خص العمية قا الكحل = للانسان الي يدير حاجة ماشي محتاجها و يترك اشياء ضرورية
اللي ما يعرف الطير يشويه يدير عظمه كدادة = و تكملتها ( و الي يعرفو يربيه و يخرجو نهارا الصيادة ) و هدا مثال على الشخص الي ما يعرف قيمة الشي و يسيء استعمالة و العكس
*- عام الجيفة تسمن في الكلاب = يعنو بيه الناس الي يستفادو من المآسي تع الناس الاخرين
-العرة من الجرةولا الخيار من التدوار= انو الانسان لازم يجتهد و يبحث على فايدتو ما يتبعش الناس و يدي القوة تاعو من الفضلة لي يرموها
هذا ما تسعى الحرةفي الصرة = او هذا ما تسعى = هدا كل ما املك
بيناتنا ربي ما تسعى = هدي اكثر من ما عنديش ههههه يعني انو مشومر كيما نقولو
هاهي فيك = هدي الكلمة كامل نخافو منها ههههه و تعني انو يتوعد فيك بالعقاب
.
.هدا واش فهمت انا و اذا غلطت في حاجة نتمنى تصححولي .. و مشكور على الموضوع