امثال شعبية جزائرية 100* 100 من الثقافة المحلية
عنوان الموضوع : امثال شعبية جزائرية 100* 100 من الثقافة المحلية
مقدم من طرف منتديات العندليب
المقدمة منقول
من منطلق هذا المثل الشعبي الذي يمكن أن يلخص كل ما يمكن أن يقال عن الأمثال الشعبية و مدى أهمية استعمالها في حياتنا اليومية كوسيلة للتعبير و التواصل بين الناس. و لما كان المثل الشعبي مرجعا صحيحا نرجع اليه و حكمة يتعامل بها الحكماء فقد أصبح في وقتنا الحاضر فكرة نلجأ لها لنبرر بها المواقف و نسعى لتركيـــــــــب و تنميق الكلام و من هذا و ذاك نقترح عليكم هذه المجموعة المبوبة من الأمثال الشعبية.
01- قيل في الكــــرم:
أعطي ما في الجيب يجيك ما في الغيب
- اللي يقصد يقصد الخيمة الكبيرة إذا ما تعشى ايبات دافي
- دير الخير و أنساه وإذا درت الشر تفكره
- وين تاكل إيد ياكلــــوا عشرة
- اللي طلب ساسا و اللي بخل مكشوف
02- قيل في الصــــبر:
- كل محنة اتزيد في الرأس اعقـــل
- كاين اصبر يدبر وكاين اصبر ايجبر و كاين اصبر يوصل للقبر
- لا تقنـــط لو كــــان في قلــــب الحجرة و لا تزهى لو كـــان في العقاد تسي، بعيني شفت شفت اليابسة ولات خضرة و شفت الناشفة ولات قدير.
- بالرزانة يتباع الصوف.
- العاجل ما اقضىاصلاح.
- الفار العاجل من ازهر القط
03- قيل في الصـــداقة:
- لا تضرب حتى اتقرب و لا تصاحب حتى اتجرب
- ما يتصـــاحبوا حتى يتـــشابهوا
- كثير لصحاب يقعد بلا صاحب
- إذا راك صاحب المال، المال يقدى و إذا راك صاحب الدهر، الدهر طويل
04- قيل في التعاون:
- الذراع الوافي ما يحافي
- من عندي و من عندك تنطبع و الا غير من عندي تنقطع
- ايد وحدة ما تصفق
- أنا نحفر له في قبر أباه و هو هارب لي بالفاس
05- قيل في المراة:
- الخير مرة و الشر مرة
- قصاص ولا نصاص و لا بعض من العتب
- اللي ما عنده بنات ما عرفوه باه مات
- المرأة خشبة و السعد نجــار
- سعد الزينات يخدم على الشينات
06- قيل في الرجل:
- الرجال كي العرعار قلاعين كل عار
- بكي الرجال تنحــــنيح
- كل زمان ليه رجـــــاله
07- قيل في القرابة:
- شرقة من ريقك توريك عدوك من حبيبك
- ما يبكي لك غير شفرك و ما يحكلك غير ظفرك
- خوك خوك لا يقروك
- اللي عاف يده باه ياكل
- العين ما تتفتش بالصبع
08- قيل في الدهر و الأيام:
- الا عزوك الناس الا بعز ليام
- كاينة أيام تعطف عليك كي الوالدين و كاينة ايام تنفرك كي عدوك
- قلة الشي ترشي و تنوض من الجماعة
- اللي في ايده كل يوم عيده
- إذا حسَن صاحبك بل أنت
- اللي كتفني راه يظفر لك
- منين تجي تجيبها شعرة و منين تروح تقطع السناسل
09- قيل كنصيحة وحكمة لأيام:
- كل رأس يستحق زيادة
- شاو النهار رفيق
- اقطع الواد الصرصار و لا تفوت على الواد الساكت
- بلع باب دارك و لا تخون جارك
- خوك لا تناسبه و لا تشاركه
- اللي بغى السوق يبكر له
- اللي عرضك اوجب له
- عاند و لاتـــــــــحسد
- اللي احشم منك خاف منه
- اللي تتلـــفته اجريـــــه
- اللي فاتت عليك توريك صلاحك
- اللي فات على كلمة فات على روح
- الصغير يتعلم بالسيف و الكبير يتعلم بالنيف
- بعد اتجيب الحــــطب
- اللي ما في كرشه تبن ما يخاف من النار
- المصفوق يهدر في السوق
- الميز عام والقطع ساعة
- غابوا و واش جابــــوا
- الوصاية ما تجيب القمح
- اللي بقاك ما بنالك قصر و اللي كرهك ما بنالك قبر
- لا تسرج حتى تلجم و لا تهدر حتى تخمم
ـ القياط يموت أصباعه يلعبوا .
ـ أحزم صبعك أمليح ما يخنز ما يريح
ـ دعوة زوج ولا دعوة أعجوج
ـ القافلة قافلة وحدة وكل واحد عينه على بعيره
ـ إذا تفاهمت العجوج مع الكنة إبليس يدخل للجنة
ـ ألي ما يعاون خوه في الضيق ما يلقى في الشدة رفيق
ـ ألي دارت يده يفرح قلبه
ـ دجاج الرحلة يبات مكتف
ـ الميز عام والقطع ساعة
ـ أطلع كول الكرموس أنزل من قالها لك
ـ مايحك لك غير ظفرك وما يبكيلك غير شفرك
ـ خلات راجلها ممدود وامشات تعزي في محمود
ـ المندبة كبيرة والميت فار
ـ كب القدرة على فمها تخرج البنت لأمها
ـ أشري الجار قبل الدار
ـ إذا سلفته ولفته وإذا ولفته تلفته
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا لك على هذه المجموعة الجميلة من الامثال
بارك الله فيك
__________________________________________________ __________
>>>> الرد الثاني :
الشبكة تضحك عل الغربال وتقول عينيك كبار
لي ما شبعاتو القصعة ما يشبعو لحيسها
ما نوض يا الذيب نوضي يا ذيلي
__________________________________________________ __________
>>>> الرد الثالث :
جزاك الله خيرا
__________________________________________________ __________
>>>> الرد الرابع :
شكرا على المجموعة الرائعة من الأمثال
__________________________________________________ __________
>>>> الرد الخامس :
شكرا على المجموعة الرائعة
