انتقالي الى مدينة الرسول صلى الله علية وسلم- عالم السياحة

عنوان الموضوع : انتقالي الى مدينة الرسول صلى الله علية وسلم- عالم السياحة
مقدم من طرف منتديات العندليب

انتقالي الى مدينة الرسول صلى الله علية وسلم



اخواتي الغاليات بسبب ظروف عمل زوجي تم نقلة الى المدينة المنورة وكان الخبر مفاجاة علي لاني مااعرف احد هناك
ودي اسال اي اخت تسكن بالمدينة كيف اهلها كيف جوها كيف اسواقها كيف الاجارات البيوت كيف الجيران انا متعودة على اهلي وصديقاتي مدري كيف اعيش خايف مرة
تكفوووووووووووووووووووووووون طمنوني يااهل المدينة https://3andlib.xplainer.net/images/...6-dbttwedi.gifhttps://3andlib.xplainer.net/images/...6-dbttwedi.gifhttps://3andlib.xplainer.net/images/...6-dbttwedi.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماني من اهل المدينة ..بس معرووف عن اهلها انهم طيبين وقلوبهم زي البفتة البيضة
لو انا مكانك افرح ..يكفي انك صرتي قرب الحبيب .."وعلى طاري الفرح" ترى افراحهم تنتهي بدري مافي شي يوصل ل 3 او 4 الفجر
وان شاء الله يفيدوكي بنات المدينة
__________________________________________________ __________

>>>> الرد الثاني :

يكفي أنك في المدينه
وسبحان الله يقولو كل شئ فيها مبارك بحول الله
يعني الفلوس اللي كنت بتصرفيها في أي مدينه ثانيه في المدينه تصرفي أقل من النصف
بدون ما تحسي أنك مقصره على نفسك بشئ
يعني كل شئ فيها ربي باركه لأن رسول الأمه الحبيب موجود فيها
__________________________________________________ __________

>>>> الرد الثالث :

اهلين عيني انا من المدينة وإن شاء الله اقدر افيدك وابدا لا تخافي ولا تشيلي هم انا ماراح امدح باهلها لاكن انا دايم اسمع الناس تقول ان اهل المدينة طيبين وقلوبهم بيضة وطبعا اكيد في ناس مش كويسة لأن اهل المدينة مش ملائكة لاكن الاغلبية ناس طيبين وبسيطين من ناحية الناس لا تشيلي هم بس انتي لا تعطي لاي احد الثقة الكاملة مهما شفتي من طيبة وكرم لا بالمدينة ولا براة المدينة

الجو حار جدا جدا صيفا بارد شتاء لاكن من صبر على برد المدينة وحرها كان له اجر وهذا الشي راح يريحك كثير

الاسواق حلوة وتقريبا فيها اغلب الماركات وكمان في الاسواق الرخيصة يعني فيها تنويع يناسب اغلب الطبقات

الاجارات تقريبا غالية يعني في الفترة الاخيرة ارتفعت الاسعار بس الله يعينكم عليها

الجيران على حسب انتي وحظك ويمكن تلاقي ناس من نفس منطقتك لان المدينة ماشاء الله صارت مليانة من برا المدينة ومافي داعي للخوف ابد اكيد كل واحد لاترك اهله راح يفتقدهم لو راح لأي بلد لاكن المدينة ان شاء الله الراحة النفسية الي فيها راح يتخفف عليكي كثير وياهلا فيكي بين اهلك وناسك واي استفسار انا حاضرة
__________________________________________________ __________

>>>> الرد الرابع :

وانا كماان انتقلت الي المدينه حسب ظرووف اهلي..و كمان لمن انتقلناا ماتعودناا عليها وخاصتا جوهاا مرره حر في الصيف ومرره برد في الشتاء..بس الحمد الله الحين تعودنا عليهاا وصارلنا سنه في المدينه
الحمد لله مرتاحين.. والجيران يناس عليهم طيبين واهلهاا معرفين بالطيبه..يكفيك انك قريبه من الحبيب صلى الله عليه وسلم
__________________________________________________ __________

>>>> الرد الخامس :

حياك انا من اهل المدينه ومنها وفيها
ما ابغا امدحلك فيها بس يكفي انها بركهه في كل شي والله
واهلها ناس طيبين بالحييل والله
ولا تشيلي هم بسرعه تحبينهم اذا تعرفتي عليهم
بس اهم شي اذا جيتي للمدينه لاتسكنين بمنطقه اسمها (العصبة)https://3andlib.xplainer.net/images/...8-ehrx1i9o.gif
واسكني باي منطقه اخره
وحياك اختي راح تنور المدينه فيك