الى متى الاتكال يا شبابنا اخبار

عنوان الموضوع : الى متى الاتكال يا شبابنا اخبار
مقدم من طرف منتديات العندليب

السلام عليكم

هذا اول مواضيعي و انشاء الله مانكونش اخطات القسم و يكون موضوعي مفيد
موضوعي هاذا لا اقصد به اشهار لاحد..او اي شيء من هذا القبيل..لكن هو عبارة عن خبر و نقاش حابة ننقلو للشباب اللي يعانو من البطالة و اللي دايرين في بالهم بللي ماكانش فرص عمل

بما انني من ولاية الجلفة فشيء طبيعي اني اسلط الضوء على الاحداث اللي جارية في الولاية
شخصيا عانيت من البطالة ..............

قبل اسبوع اقيم معرض في دار الصناعات التقليدية في الجلفة للمشاريع اللي دعمتهم الensej..و فتحو هاذا المعرض و قدمو فيهم الشباب اللي استفادو من الدعم المالي و المحلات التجارية مختلف منتجاتهم....عرفت بهاذا الشيء صدفة لما كنت مارة بجنب دار الصناعة التقليدية
و كانت المفاجاة كبيرة ليا كي شفت هاذيك المشاريع...حقيقة تقدرو تقولو صدمت ..لاني عايشة في ولاية و مانيش عارفة واش راه صاير فيها

شفت مشاريع رائعة جدا و شباب تحدو البطالة و تحدو الواقع و اسسو مشاريع شخصيا كنت جاهلة بيها..
درت في المعرض و درت و زدت سقسيت و تمتعت حقيقة...و انبهرت من اجابات العارضين البسيطة........
و تناقشت مع احدهم و قتلو احنا عندنا فكرة انو الشباب يعاني من البطالة و انو المشاريع ماتنجحش..فكان رد العارض انو هاذي فكرة احنا مقنعين بيها انفسنا لهذا مانتحركوش و قاللي انو كل هاذي العروض ناجحة و فيها اللي تعدات التجارة نتاعو حدود الولاية
رجعت في اليوم الثاني و انا حاملة الكاميرا نتاعي باش نصور بعض العروض اللي عجبتني ...(حقيقة باش نبعتها لاختى في الغربة تشوف الشباب الجلفاوي واش دار) لاني ضد انو احنا مانتمتعوش بالامكانيات
مؤمنة بللي ولايتنا عندها امكانيات خيالية و قادرة تكون رقم 1 في الجزائر
برك لو كان نبدلو عقليتنا...
من بين الاشياء الغريبة اللي شفتها انو في وحدة فتحت مدرسة للتكوين بقرض مديرية التشغيل....و الله نستعرف بيها
مشروع فريد من نوعو بالنسبة لي انو يفكر واحد يستلف قرض باش يفتح مدرسة للتكوين و يضمن استمراريتها

المهم يا جماعة اذا عجبكم الموضوع راني باذن الله نحط الصور اللي عندي في الكاميرا و ماذا بيا تشاركوني رايكم في هذي القضية

و نقول لشباب ولايتي و لشباب الجزائر..راك قادر تصنع المعجزات ..فمتتهاونش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يفشلونك يا اخت بالقروض الربوية التي ينفر منها معظم الشعب الجزائري المسلم
مشكورة على الموضوع

__________________________________________________ __________

>>>> الرد الثاني :

المشاركة الأصلية كتبت بواسطة الرويسي https://3andlib.xplainer.net/images/...s/viewpost.gif يفشلونك يا اخت بالقروض الربوية التي ينفر منها معظم الشعب الجزائري المسلم مشكورة على الموضوع

ربي يجزيك اخي و لكن.....مالحل .. انا لا اعرف نسبة الفائدة و ليس لي علم بالقرض..و لكن مهما يكون هم على الاقل..اسسو مشاريعهم..و ان شاء الله نحط صور

يعني مشاريع لا تخطر على البال و لكنها ناجحة.....

كجزائرية و جلفواية غيورة على شباب بلدي ..حبيت نناقش هاذي القضية...اغلب شبابنا ضايع

__________________________________________________ __________

>>>> الرد الثالث :

سلام عليكم مشكورة بزاف الاخت على وموضوعك الطيب حقيقة ان الشباب الجزائري له من القدرات الفكرية ما لا يمكن تصوره لكن وللاسف تجدنا اليوم منهزمين بل منكسرين معنويا وهو صعيب نوعا ما ان تعود له تلك الروح التي تجعلك تحب العمل والابتكار
شوفي برك الفرق بيننا وبين الماريكانيين في الروح الحيويه على سبيل المثال
الدكتور زرهونيوهو جزائري راه كان فلماريكان هو شخصية كبيرة في امريكا في البحث العلمي وقلدو بوش احد الاوسمة
قال بفمه في اميركا كي تقترح عليهم بحث علمي او مشروع علمي يجاوبوك بجواب يحمسك يقولولك وعلاش لالا
ايماجيني الاخت تقترحي مشروع ما يجاوبوك وعلاش لالا كيفاش تحسي
وهنا كي تقترح عليهم حاجه راكي تعرفي الجواب وكل واحد فينا يعرفو لهدا حنا رانا بعاد بزاف فيهكدا امور
وشكرا مرة اخرى على موضوعك وياريت تحطينا الصور نشوفوها

__________________________________________________ __________

>>>> الرد الرابع :

المشاركة الأصلية كتبت بواسطة بوعلام العاصمي https://3andlib.xplainer.net/images/...s/viewpost.gif سلام عليكم مشكورة بزاف الاخت على وموضوعك الطيب حقيقة ان الشباب الجزائري له من القدرات الفكرية ما لا يمكن تصوره لكن وللاسف تجدنا اليوم منهزمين بل منكسرين معنويا وهو صعيب نوعا ما ان تعود له تلك الروح التي تجعلك تحب العمل والابتكار شوفي برك الفرق بيننا وبين الماريكانيين في الروح الحيويه على سبيل المثال الدكتور زرهونيوهو جزائري راه كان فلماريكان هو شخصية كبيرة في امريكا في البحث العلمي وقلدو بوش احد الاوسمة قال بفمه في اميركا كي تقترح عليهم بحث علمي او مشروع علمي يجاوبوك بجواب يحمسك يقولولك وعلاش لالا ايماجيني الاخت تقترحي مشروع ما يجاوبوك وعلاش لالا كيفاش تحسي وهنا كي تقترح عليهم حاجه راكي تعرفي الجواب وكل واحد فينا يعرفو لهدا حنا رانا بعاد بزاف فيهكدا امور وشكرا مرة اخرى على موضوعك وياريت تحطينا الصور نشوفوها

و عليكم السلام و الرحمة
اوافقك الراي خويا الواحد مالازمش ينكر..عندنا بزاف البيروقراطية و الناس مايخدموش خدمتهم....اظافة الى ظاهرة الرشوة
انا وحدة كنت نظن انو الجزائر خلاص..باي باي بلادي..مافيك الخير...حتى دخلت المعرض و شفت شيء عجبني بزاف..تتصور واحد داير مشروع المسامير و الثاني داير مشروع تغليف البهارات....و المسكين لما اخذت الاذن منو باش نصورو و قلتلو هاذون راح نبعثهم عن طريق الانترنت قاللي ..يا بنتي ماعنديش الدراهم نتاوع الاشهار
واش نقوللك غاضني و في نفس الوقت ضحكني....

اوكي ان شاء الله نحط الصور و تشوفو نوعية المشاريع..

ربي يخليك خويا..لوكان الاعضاء يناقشو هاذا الموضوع بجدية رايحين نخرجو بفايدة كبيرة

__________________________________________________ __________

>>>> الرد الخامس :

شكرا الاخت
الاخت باش نتفاهمو حاجه معندنا حتى ادنى شك في الشباب الجزائري وقدراتهم والله على ما اقول شهيد