سيدي الرئيس ! عندي مشروع مليح... وين نلقاك باه نحكيلك عليه ؟ اخبار الجزائر
عنوان الموضوع : سيدي الرئيس ! عندي مشروع مليح... وين نلقاك باه نحكيلك عليه ؟ اخبار الجزائر
مقدم من طرف منتديات العندليب
سيدي الرئيس ! عندي مشروع مليح... وين نلقاك باه نحكيلك عليه ؟
نسمع هاذو الأيامات في الأخبار، ونتبع حكايات القذافي والشعب تاعو...
اللي انتبهت ليه، أنّ القذافي والشعب تاعو يتكلموا مع بعضاهم بطريقة تقول عليهم اصحاب
...................
هو يتكلم بلهجة عادية تشبه للهجة اللي يتكلم بيها الشعب تاعو:
يقولهم: أنا ابن الخيمة، أنا ما عنديش حاجة نستقيل منها، أنا لوكان جيت رايس كنت نلوح الاستقالة على وجوكم....
وهوما في القناة الليبية يقولولوا: يا أخ، يا معمر، يا خونا الكبير، يا لغالي، يا لعزيز....
.......................
خلاوني نشعر أن القذافي وهو حاكم لبلاده: (الحاجة الوحيدة اللي مليحة فيه) أنو كان قريب على الشعب تاعو، كان يخرج عندهم، يتلاقهم، يتكلم معاهم.... يدور معاهم !!
واحنا.... سبحان الله.... باه تتلاقى مع بوتفليقة.... في المنام –والله- ما تَكحَّل عليها....
.....................
سيدي الرايس كاين ناس بَنَات بِينَك وبين الشعب تاعك سدّ كيما اللي بناه (ذو القرنين) على ياجوج وماجوج....
.....................
عاد الواحد فينا يتمنى يلقاك الراس في الراس....
....................
سيدي الرايس حبيت ندير مشروع في بلادي، واش الفرق بيني وبين واحد من الكويت (راني نشاتي معاه في الياهو)، راه ديما يحكيلي على مشروع في الحي تاعهم، هو اللي اقتارحوا على الحكومة ....
المشروع اللي نفكر فيه سيدي الرايس مليح بزاف.... والله غير يعجبك
..................
غير قولي وين نلقاك.... حبيت نكلملك عليه....
أنا اللي نجيك، ماكش أنت اللي تشقى ليا.... يا لغالي !!.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سيدي الرئيس إقالة الحكومة هي الحل و استبعاد رموز الفساد من الساحة
__________________________________________________ __________
>>>> الرد الثاني :
يا اخي احلم تتلقي برئيس البلدية ومن بعد احلم تتلاقى برئيس لبلاد
ههههههههههههههههههههههههه
حنا فالدزاير رئيس اللدية ومايصحلكش اتشوفو...
__________________________________________________ __________
>>>> الرد الثالث :
والله هذا هو الحال
__________________________________________________ __________
>>>> الرد الرابع :
السلام عليكم.
حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...
__________________________________________________ __________
>>>> الرد الخامس :
