عاجل /// 11/01/2016 /// قرب القنصلية الجزائرية بباريس
عنوان الموضوع : عاجل /// 11/01/2016 /// قرب القنصلية الجزائرية بباريس
مقدم من طرف منتديات العندليب
جماعة بلحاج تجار الدم راهم في مدة قالك رايحين يقلبو باريس بمظاهرة كبيرة امام سفارة الجزائر
ويخرجو في كل الولايات الجزائرية يوم 11/01/2016
لانو النهار اللي يتصادف مع الغاء انتخابات 1992
ها هم ابناء الجالية الجزائرية الاحرار يردون بصفعة قوية عليهم وعلى كل اللي كان يحب يخرج معاهم جماعة زيطوط
و كريم مولاي الخائن و حليف بيرنار ليفي سعيد صامدي
هاهم ابناء الجزائر الاحرار يقومون بوقفة سلمية امام القنصلية للرد عليهم
و اصحاب المظاهرات ما كانش حسهم ههههه
اما الشعار الامهم كان
levly case toi
L'algerie nè pas a toi
bravo les algerien
الفيديو 2
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وحتى ما يجيش عبد يكسر لي راسي بالكلام المصدي
والجنرالات وبلى بلى كي يقرى " تجار الدم على جماعة بلحاج "
نقول ونزيد نقول انا عندي كل الاطراف غلطت
وما يجيش بلحاج وجماعتو يتقعدو بينا لاعبين فيها ملايكة
لانو هوما غلطتهم باسم الدين نهار صفاو حسابهم مع الجنرالات
على حساب الدم الجزائري وقال رانا ردينا على حقنا وواش عملو فينا برك
فيسبوك في مكان النجوم
__________________________________________________ __________
>>>> الرد الثاني :
نتا قابلت غي بلحاج
نعرفك راجل كما دير موضوع على بلحاج دير موضوع يفضح الجنرالات
ولا هدو ملائكة
انا ماندير التقة لا في بلحاج لا في الحكومة نتاع دروك
لكن كونك واقعي وهدر الحق ولم مرة في حباتك
__________________________________________________ __________
>>>> الرد الثالث :
المشاركة الأصلية كتبت بواسطة chemanow https://3andlib.xplainer.net/images/...s/viewpost.gif
نتا قابلت غي بلحاج
نعرفك راجل كما دير موضوع على بلحاج دير موضوع يفضح الجنرالات
ولا هدو ملائكة
انا ماندير التقة لا في بلحاج لا في الحكومة نتاع دروك
لكن كونك واقعي وهدر الحق ولم مرة في حباتك |
قرى واش كتبت الفوق وارواح حكي يا الرجلة
قلت كل الاطراف غلطو كي الجنرالات كي بلحاج وجماعتو
اللي ما نحبوش انو واحد القتالة اللي يدافعو على القتالة يحبونا نقولو بلحاج وجماعتو ملايكة والجنرالات هوما اللي غلطو برك
ردك هو اللي راني كاتبو في ردي الفوق مي ما قريتوش وجاي تعطينا درس فالرجلة
وكاينة حاجة واحد اخرى انت عضو جديد ما نعرفك ما تعرفني
فين لقيتني ما نحكيش الحق حتى تقولي هدر الحق مرة في حياتي
غير ادا كنت واحد عندو عضوية اخرى وما تحبش واش نكتب
جاي تسترجل هنا بهاد العضوية عليا على واش كنت نكتب من قبل ؟
__________________________________________________ __________
>>>> الرد الرابع :
ياو مشي عضو جديد وعندي غي هدي العضوية
نعرفك راجل واه دير موضوع خاص يحكي على الجنرالات
مشي تعرف دير المواضيع غي على بلحاج وجماعته ومنين داك دخل كلمت جنرال وتقول راني نعدل
__________________________________________________ __________
>>>> الرد الخامس :
لا لا من اللي حطيت هاد الموضوع قلت كي الجنرالات كي بلحاج وجماعتو
ومن اللي دخلت لهاد المنتدى وانا نقولها ونزيد نقولها
الجنارلات مجرمين وبلحاج وجماعتو مجرمين
انا حطيت الموضوع على بلحاج لانو المناسبة هي 11 / 01/ 2012
وهوما قالك رايحين نخرجو للشارع
وعندنا مظاهرات امام السفارة الجزائرية في فرانسا
وداروا لهف برك
وخرجو يبرحو هاد ليام قالك حنا ما غلطنا في والو
انا نشوف انو صفاو حسابهم مع الجينرالات على حساب الشعب هدا رايي
فين راني غالط حتى نفهم هاد المندبة اللي راك دايرها ؟
