زلزال بشدة 4.4 يضرب ولاية برج بوعريريج اخبار
عنوان الموضوع : زلزال بشدة 4.4 يضرب ولاية برج بوعريريج اخبار
مقدم من طرف منتديات العندليب
السلاااااااام عليكم
ضرب صبيحة اليوم زلزال بولاية برج بوعريريج
الاول قبل الساعة السادسة صباحا كان خفيف نوعا ما
أما الثاني في تمام الساعة السادسة كانت شدته 4.4
لكن الحمد لله لم يخلف اخطار
الحمد لله حمدا كثيرا
سلاااااااااااااااام................
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يستر ويحفظ اخواننا في البرج
يقول بعض الفقهاء أن زلزال الرض من النوازل
ويقول ايضا أن الأرض تشتكي من
ولد ءادم من كثرة معاصيه فترتج
الله يستر علينا ويرحمنا
__________________________________________________ __________
>>>> الرد الثاني :
ربي يـسترْ
__________________________________________________ __________
>>>> الرد الثالث :
من كثرة المعاصي و الفسق و قلة الزكاة فمن ياخذ صورة لولايات الجزائر عامة في الشوارع المزدحمة لا يصدق انه في دولة مسلمة
تبرج سرقة قتل إنتحار زنا المحارم هذه الصورة الحقيقية للجزائر لا نملك من الاسلام الا الاسم
__________________________________________________ __________
>>>> الرد الرابع :
و الله معك حق اخي الله يعاقبنا على افعلالنا
اللهم اغفر لنا ما بدر منا من خطا
امين يا رب
سلااااااااااااااااااام.............
__________________________________________________ __________
>>>> الرد الخامس :
السلام عليكم
الحمد لله على الستر
على رغم المناكير الي تصرا لكن الله باقي يرحم فينا برحمتو الواسعة
4 درجات راه تنبيه
والفاهم يفهم
الاهوال راهي جاية
سنرى العجب العجاب في المستقبل
ستكون زلالزل واعاصير وربما براكين وقحط وفياضانات واوبئة
نعم سينزل العقاب اختي عاجلا ام اجلا
مادام ولاو يضحكو من الانسان الي ينصح ويستهزؤو بيه ويقولو عليه (( هاهاها واش رايح تولينا القضاوي )) تعياي وتشوفي
مادام البنات ماهمش حاشمين بالالبسة و الفتن الي يديرو فيها رايحة تشوفي
مادام الاب والاخ الديوث يخلي اختو وبنتو بل حتى هو الي يشريلها العطر واللباس الفاضح ويقول (( سعدي ببنتي كبرت ولات تقرا في الجاميعة )) وهي خارجة وداخلة بالفيزو تعياي وتشوفي
مادام يشريلها تيليفون وما يفيريفيش وش كاين فيه (( هاذو فيدوات تاع دعارة وهاذو نوامرتاع حمير قاعد غير للفساد وهذا وهذا )) تعياي وتشوفي
مادام الشاب يروح يقصد البنت بالحلال (( الدم تاعو تشربهولو )) نسكن في بيت وحدي ولازم يكون خدام والمهر 20 مليون
بصح كون يديمونديها (( شاب )) في الجاميعة تخرج معاه تسهل عليه كل الامور وتعطيه حتى شرفها نورمال
مادام عاد الشاب يتزوج من اجل غاية وحدة ومن بعد ينسا على مرتووعلى بنتو وما يحوسش كيفاش قاعدين ياكلو ويشربو ويتكساو ومع من تدور بنتو نعياو ونشوفو اكثر
مادام ولا الراجل يطيش المراة الي رباتو على جال وحدة ما تسواش ويسمع كلامها وبالاك حتى بنتو تغلبو بالهدرة نعياو ونشوفو اكثر من الزلازل
مادام الشاب يجي يحرم اختو ينوض ليه باباه يضربو ولا يحمق فيه (( اسمع ما عندك ما دخلك كي تدير بنتك احكم فيها )) نعياو ونشوفو
مادام الشاب يطيش الملاين في السكرات والسهرات ويفخر بيها (( ها ها ها انا بايت سكران البارح في شمس الحمرا ولا في السوفيتال )) وجارو ولا بالاك اختو ما لقاتش باش تشري كتاب
نعياو ونشوفو
مادام ولا شاب في عمرو 18 سنة السروال طايح عليه من اللور ومشوك شعرو عيب والله غي عيب امو واختو يشوفو في عوراتو وتقولك (( وليدي تربية وقراية جاب 16 في بخومياخ تخيماستغ )) نعياو ونشوفو
مادام الحكومة تساوي بين الرجال والنسا و وربي الي من فوق قال ليس الذكر كالانثى نعياو ونشوفوا
مادام دراهم الشعب رايحين غير في ( تيمغاد والحفلات تاع المجون يجيبونا في فاجرات من المشرق باش لهيو بناتنا )) نعياو ونشوفو
مادام وليد الزوالي يقرى ويجبد قلبو باش يجيب الديبلوم وفي اللخر يقولولو روح اخدم كناس الخدمة ماشي عيب ووليد فلان يحلولو اونتر بريز ولا يدخل يخدم في شركة كبيرةمرصم وسالك حتى واذا ماجاش نعياو ونشوفو
مادام ولا التاجر الي عندو المليارات يحكم الباطاطا والدقيق في المخازن (( طاممع في زوج دورو الي بقاو عند الزوالي )) قتلوه بالجوع حرموه من اللحم وقال معليش
من البنان قلنا ماليش وصلت للكسرة والخبز والباطاطا ياو نعاياو ونشوفو اكثر
مادام الشاب يروح يخطب البنت الفاجرة ويخلي بنت الناس في الدار (( تهدر معاه يقوك نسترها انا نحبها )) نعياو ونشوفو
مازال الخير ومازالو الكوارث والزلازل
ربي جامي يظلمنا
احنا الي ظلمنا انفسنا
ونسلكوها غالية باذن الله
قوله تعالى : ( وما كان ربك مهلك القرى حتى يبعث في أمها رسولا يتلو عليهم آياتنا وما كنا مهلكي القرى إلا وأهلها ظالمون ( 59 ) )
