الرئيس المصري يخاطب شعبه الحبيب اخبار
عنوان الموضوع : الرئيس المصري يخاطب شعبه الحبيب اخبار
مقدم من طرف منتديات العندليب
الرئيس المصري حسني مبارك يخاطب شعبه الحبيب..! - أبيات شعر طريفه
2016-01-31 :: الشعب المصري ::
يا شعبي حبيبي.. يا روحي يا بيبي
يا حاطك في جيبي.. يا ابن الحلال
يا شعبي يا شاطر.. يا جابر الخواطر
يا ساكن مقابر.. وصابر وعال
يا واكل سمومك.. يا بايع هدومك
يا حامل همومك.. وشايل جبال
يا شعبي اللي نايم.. وسارح وهايم
وفي الفقر عايم.. وحاله دا حال
أحبك محشش.. مفرفش مطنش
ودايخ مدروخ.. وآخر انسطال
أحبك مكبر دماغك مخدر
ممشي أمورك كده باتكال
وأحب اللي ينصب.. وأحب اللي يكذب
وأحب اللي ينهب.. ويسرق تلال
وأحب اللي شايف.. وعارف وخايف
وبالع لسانه.. وكاتم ما قال
وأحب اللي قافل.. عيونه المغفل
وأحب البهايم.. وأحب البغال
وأحب اللي راضي.. وأحب اللي فاضي
وأحب اللي عايز.. يربي العيال
وأحب اللي يائس.. وأحب اللي بائس
وأحب اللي محبط.. وشايف محال
وأحبك تسافر.. وتبعد تهاجر
وتبعت فلوسك.. دولار أو ريال
وأحبك تطبل.. تهلل تهبل
عشان ماتش كورة.. وفيلم ومقال
وأحبك تأيد.. تعضد تمجد
توافق تنافق.. وتبوس النعال
تحضر نشادر.. تجمع كوادر
تلمع تقمع.. تضبط مجال
******
لكن لو تفكر.. تخطط تقرر
تشغللي مخك.. وتفتح مجال
وتبدأ تشاكل.. وتعمل مشاكل
وتنكش مسائل.. تسأل سؤال
وعايز تنور.. وعايز تطور
وتعمللي روحك.. مفرد رجال
ساعتها حجيبك .. لا يمكن أسيبك
وراح تبقى عبرة.. وتصبح مثال
حا بهدل جنابك.. وأذل اللي جابك
وحا يكون عذابك.. دا فوق الاحتمال
وأمرمط سعادتك.. واهزأ سيادتك
وأخللي كرامتك.. في حالة هزال
وتبلس قضية.. وتصبح رزية
وباقي حياتك.. تعيش في انعزال
حا تقبل حا أحبك .. حا ترفض حا ألبك
حا تطلع .. حا تنـزل .. حا أجيبلك جماااااال
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نكتة
اتصل الرئيس الامريكي باراك اوباما برئيس مصر حسني مبارك وخاطبه قائلا
يا حسني يجب ان تحضر خطاب الوداع لشعب مصر
فاجابه مبارك
لمادا اين سيدهب شعب مصر
هههههههه
داير في بالو دنيا كامل تروح وهو ميروحش
__________________________________________________ __________
>>>> الرد الثاني :
ههههههههههههههههههه
شكرا
__________________________________________________ __________
>>>> الرد الثالث :
لا حول ولا قوة الا بالله
شر البلية ما يضحك
__________________________________________________ __________
>>>> الرد الرابع :
لا حول ولا قوة الا بالله
شر البلية ما يضحك
__________________________________________________ __________
>>>> الرد الخامس :
البشر والحجر والشجر يطالبون بسقوط مبارك
ارحل ارحل يا مبارك تل أبيب في انتظارك
