علاه تعرفو وتتعمدو قضايا المجتمع
عنوان الموضوع : علاه تعرفو وتتعمدو قضايا المجتمع
مقدم من طرف منتديات العندليب
السلام عليكم يا جماعة شكرا على كل مرور
سؤال للشباب وللقتيات
للشباب لما تعرفو إنو إنتم لما تجو تتزوجو الام نتاعكم راحا تختار بنت خالكم او بنت عمكم او تشوف وحدة من الاقارب علاه تتعرفو على فتاة اخرى وتوعدوها وتحبوها وتبقاو معاها بالسنوات من بعد تقولولها الله غالب ما نغضبش يمى
وين كان عضب الوالدة نتاعك لما كنت توعد في بنت الناس
البنات لما تتزوجو بواحد من الاقارب من إختيار الاهل ما يجيش في بالكم ممكن تكون فتاة اخرى تبكي أو تتعذب لأنك اخذتيلها مكانها الاصلي إنت مرا وهي مرا أين الفرق ؟ ما راناش نحكو على الحرام والحلال حتى ما تفتوليش عارفة العلاقة قبل الزواج حرام لكن تحدث معظم الشباب يعرفو بنات وعلى علاقة حب
النقاش لكم وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اعجبني الموضوع انا بالنسبة ليا هذي تربية الوالدين مع انهم يعرفوا بلي وليدهم يعرف وحدة ميرحوش يقولوا ياتكن سيريوا معاها ياتحبس ,كيما قولتي حنا مشاه نحكوا على حرام ولا حلال , بصح لكن كل واحد من هذو الشباب ولا الوالدين شاف هذي البنت في مكان بنتو ,واحد جوز بها الوقت ,تمك يفكروا مليح .
ونصيحة لبنات ماتلعبوش بطهارتكم خاطاش يكون سيريوا منهار اللول ولا مكانش
و شكرا
__________________________________________________ __________
>>>> الرد الثاني :
انا تاني من راي خطأ علاه الام تسيف علي وليدها باه يدي قريبتو ياك كاين احاديث تكره زواج الاقارب علالالالالالالالالالالالاه؟ دمرو حياة انسانة ممكن كانت تجي نعمة البنت ماشي الكنة ؟وتاني في راي كون الام متوجدش قبول مبدأ من الابن تعها مراحش تسيف علي وليدها والله اعلي واعلم الله يعينا ويهدينا
__________________________________________________ __________
>>>> الرد الثالث :
أختي مريم راني جيت و قريت الموضوع نتاعك نشكرك بزاف بزاف
كاين بزاف في المجتمعات العربية و الإسلامية لي يفرضو زوجات أو أزواج على أبناءهم رغم معرفتهم بالنتائج الوخيمة لي عادي تصرا
و لو حتى الإبن يرفض باه يتزوج بواحدة من العائلة بصح الأم تحاول بكل الطرق باش متخطبش لي هو باغيها كيما نغضب عليك و نديرلك دعوة الشر و نتا ماشي ولدي و انا ماني أمك...........................
__________________________________________________ __________
>>>> الرد الرابع :
مرات الوالدين يفرضوا الزواج و مرات يضربوا النح على علاقات الولد يقللك راه يتعلم لم ارى في حياتي ابا نصح او منع
ابنه من العلاقات مع الفتيات الزجر و الضرب يكون للفتاة فقط
__________________________________________________ __________
>>>> الرد الخامس :
أهلي لن يغصبوني على الزواج بمن يختاروه هم
