يــا الـــهي .. مشكلتي عويصة من قضايا الساعة

عنوان الموضوع : يــا الـــهي .. مشكلتي عويصة من قضايا الساعة
مقدم من طرف منتديات العندليب

لانها ماشي مع عبد واحد .. و ياريت لوكان جيت نعرفهم في الواقع


الله يلعن اليوم الي اخترعوا فيه النت و يلعن الهاكرز و اللي اوجد برامج الهكرز و متمرسي التنصت و التجسس و الهاكينغ



و كونهم يشوفوا فيا واش ندير و نكتب حاليا نقولهم باي شرع و باي دين تتنصتوا و تتجسوا على my privacy


باي وجه تصوروني بكاميرا الجهاز و تتنصتوا عليا بدون الحجاب و انا الي دايراتوا و شقيانة متحجبة من عقد كامل من سنواتي ال22


واش نقولكم استنيت تحبسوا ما وقفتوش لا دين و لا اخلاق ردعتكم


اتفه خلق ربي كاين اتفه و اخزى من قوم مكبوتين مخلوعين يتطفلون على بنت ما صدقوا طاحت تحت ناظريهم بنت باساها ربي بيكم آ المكبوتين المخلوعين.


و علابالاكم و علاش المشكلستة معندهاش حل الا اذا هادوا الاشخاص الله يبليهم في ارواحهم اهتدوا و تفهموا كيفاش انهم قاعدين يعرقلوا الحياة الطبيعية لانسانة كيفها كيفهم كيف خواتاتهم كيف امهاتهم كيف قريباتهم و بنات بلدهم



لانو منهم الي جايين في شركة الاتصالات الي انا مشاركة بيها و هو الله يعطيه الاحساس و الضمير الي دلهم كامل عليا و باصاني بيهم


نقولو الا ماحبستوش و رجعتوا كول شي كيما كان قبل لا تعرفوني نورمال في حالي نكمل حياتي طبيعية و الله راني نولع في دارنا ..رح اولع في بيتنا .. صايي حملتهم شهور اعصابي تلفت معلاباليش واش راحهم باغيين مني ، و الله وليت ما نقدر نتنفس و نكمل حياتي نورمال



و انا و الله لو ماجاتش صعيبة على والديا يتنقلوا فجاة ماكنتش زدت يوم واحد في ديرة فيها قوم ..... كيما هاك

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي ننصحك نحي الانترنت من داركم ولا بدلي الحوايج لي راهم يتنصتولك عليهم والله مشكل عويص سيرتو يلا طحتي في وحايد ميخافوش ربي المهم اختي متقلقيش كل مشكلة عندها حل ان شاء الله

__________________________________________________ __________

>>>> الرد الثاني :

السلام عليكمورحمة الله وبركاته
اسفة جدا ولكني قرات الموضوع وانا مبهمة ما فهمت والوا
من فضلكم فهموني اشكون هذوم الي يتنصتوا ويتجسسوا؟؟
ويتجسسوا على كل واحد عندو النتولا كيفاه؟ظ وشي هذا الها كارز........واجهزة التجسس؟
يعني كي نعود قعدين في الدار العايلة كاملة يتنصتو علينا ولا كيفه؟؟؟؟؟؟؟؟
اعرف اني اثقلت عليكم بالاسئلة.واعرف انا اسئلتي تبدو غبية؟
الرجاء تقبلوني كاخت لكم وجاوبو تساؤلاتي حتى ولو استغبيتوني
والى الاخت صاحبة الموضوع حسب ما فهمت انك في ورطة اتمنى ان تخرجي منها سالمة يارب امين
لا الله الا الله محمد رسول الله

__________________________________________________ __________

>>>> الرد الثالث :

اللي ما في كرشو التبن ما يخاف من النار

هذي اولا و ثانيا

و الله ما فهمت قصدك بالضبط
عارفتهم يتجسسو عليك و زايدة داخلة هنا ؟؟؟؟؟؟؟؟؟

__________________________________________________ __________

>>>> الرد الرابع :

اختي بارك الله فيك ممكن تفمينا المشكل بالضبط باه نقدرو نساعدوك
اذا كانو دخلو للجهاز نتاعك كاين برامج حماية
اذا فتحو لاكام نتاعك نقولك نحيها اذا كان pc de bureau و لا غطيها بورقة اذا كان بيسي بورتابل او اي مشكل اخر يمكن نلقاو حل

__________________________________________________ __________

>>>> الرد الخامس :

ربي يعينك على هدا