ما تقلقنيش راني صايم............
عنوان الموضوع : ما تقلقنيش راني صايم............
مقدم من طرف منتديات العندليب
شهر رمضان الكريم على الأبواب وسيهل علينا هذا الأسبوع .
طبعا الكثيرون هم من يرونه شهر التعب و الإرهاق .......و المؤسف أن الصيام أضحى ملازم للقلق و عدم التركيز .
و أصبح عذرا لمن لا عذر له في تصرفات لا تليق بالشهر و لا هي من مقاصد الصيام.
و بالعامية : يقولك راني صايم مكان علاه تقلقني .......أو.......يحسن عونه هذاك يتقلق راهو صايم.
كيفاش تشوف أنت الصيام هل حقيقة أنك تتأثر و تكون أكثر عصبية في الصيام ؟
أم أنه الناس مراهاش نيشان؟
و نصيحتك في الشهر الفضيل.
صح رمضانكم مسبقا............................................. ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حسب رايي ان الرجال هم من يكونو اكثر عصبية من النساء .........يمكن بسسب التدخين
و رمضان مبراك عليكم
__________________________________________________ __________
>>>> الرد الثاني :
والله موضوع رائع
معك حق
خاصة الرجال الي يعودو يتكيفو حشاكم غير متهديش خلاص معاهم
يا ختي يصومو بالدلال
لكن في الحقيقة انو والله شهر الطاعة والغفران
هدا بدل مانتقربو من بعض ونزيدو في الصلة بيناتنا يقولك غير ماتقربش
كي نفطر يرحمها لربي يعني بالعامية
نصومو على كروشنا
__________________________________________________ __________
>>>> الرد الثالث :
انا الحمد الله الصيام مايقلقنيش بزاف مي السخانة هي الي مرات تهبلني مي الحمد الله ديجا نتكالما شوية بالمقارنة بليامات العاديين و الي يتاثرو بزاف هوما الرجال و الله في الدار حنا بابا مانهدروش معاه مع العشية و خويا تقول غير هو الي راه صايم يولي يداق نيشان و ولادو و يقلقوه لازم مكانش الي يهدر معاه كامل مي هذا علاجال الدخان تاع الهم.صح رمضانكم و كل عام و نتوما بالف خير
__________________________________________________ __________
>>>> الرد الرابع :
انا دروك راني مقلق-هذا وين تعشيت-
الله المستعان
__________________________________________________ __________
>>>> الرد الخامس :
واش قلقك انت ؟؟؟...........ربي يفتح عليك ويرزقك اللي تنحيلك القلقة
اما حكاية مقلق من الصيام انا العكس تماما في رمضان نولي كالحمل الوديع لي يمسني نطيح خاصة العشية نولي متعب من اعمال الصباح ان وجدت .................وابي كي يسمع واحد يقول راني مقلق يقولهم جيبولو طاس ماء يفطر وعلاه راهو صايم ههه
