اسمحولي في هاذ الكلام و ماذا بيا تدخلو بعد الفطور مش وانتم صايمين قضايا اجتماعية
عنوان الموضوع : اسمحولي في هاذ الكلام و ماذا بيا تدخلو بعد الفطور مش وانتم صايمين قضايا اجتماعية
مقدم من طرف منتديات العندليب
*****************************************
عندي سؤال صغير لبعض الأعضاء علاه كي واحد وللا وحدة بالأخص يجبد كلمة حب تنوضو تاكلوه وكل واحد يلعبها راه من أهل الجنة و يحسس صاحب الموضوع انو كافر و داخل للنار ...
و لاحظتها خااااصة كي تعود طفلة كاتبة الموضوع .... ياسيدي معليش شايفينها غالطة ... بالاك هاذ المخلوقة معندهاش لي يوريلها الصح من الغلط جاتكم انتم ديرولها هاك؟ دير روحك في بلاصتها وواحد يرد عليك بذيك الطريقة ولله تكره
و زيد نقطع ذراعي هاذو لي يردو بطريقة تهجمية و مستفزة اما مرو بتجربة فاشلة أو مفاتش عليهم هاذ الشعور لو فات عليهم ميحكو هاك..
ولله هذا شعور مش ممكن الواحد/ اوالوحدة / تتحكم في قلبها و منلومهاش لأنو مش بيدها لكن نلومها على كيفاه تصرفت و كيفاه حاولت تعالج الموضوع
و نفس الشي بالنسبة للرجل
و متقولوليش وش وصلها/ وللا وصلو لهاذ الشعور وقتنا يوصل الخرجات للدراسة أو العمل أو...أو... و الاختلاط لي مجبرين عليه كل هاذا يوصل... ساعات مجرد سماع حكايات على شخص متعرفوش يوصلك...
المهم ... حسيت بعض الناس كي يلقى موضوع هاك يلقاها فرصة للتجريح في الهدرة ... نقولو مكلاه .. ** الدين المعاملة**
الدين ميقولش تشنف و تزير و تلعبها قافز ... بالصح تعرف كيفاه تحسس الآخر بالخطأ تاعو بطريقة لطيفة و توصلو للطريق الصواب
***
أه... قبل لا ننسى في نفس الوقت حبيت نشكر بعض الأعضاء على كلامهم الطيب و المريح ربي يفتح عليكم https://3andlib.xplainer.net/images/smilies/19.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كلامك صحيح ختي خاصة من جهة التجريح في الردود و انا وحدة صراتلي mais ما نقولهم والو pcq كامل يفوتو عليها و ما نسمحلهمش surtou في موضوع المرأة لي رجعوها مسترجلة و نحاسبهم عليها يوم الحق ان شاء الله.
المهم عجبني موضوعك شكرا
__________________________________________________ __________
>>>> الرد الثاني :
والله غير تقول طليتي على قلبي مام انا لاحظتها بـــــــــــــــــزاااف خاصة فى هذاك القسم انتاع مشكلتى صراحة الاعضاء كامل يردو بمثالية بصح لازم يحطو انفسهم فى مكان هذا الانسان ماشي يقلبوها مثالية وتقول غير هوما للى عارفين الصح
شكرا اختى موضوع قمة
__________________________________________________ __________
>>>> الرد الثالث :
المشاركة الأصلية كتبت بواسطة صفاء البشرى https://3andlib.xplainer.net/images/...s/viewpost.gif
كلامك صحيح ختي خاصة من جهة التجريح في الردود و انا وحدة صراتلي mais ما نقولهم والو pcq كامل يفوتو عليها و ما نسمحلهمش surtou في موضوع المرأة لي رجعوها مسترجلة و نحاسبهم عليها يوم الحق ان شاء الله.
المهم عجبني موضوعك شكرا |
معليش سامحيهم يجي نهار وين يفوقو لخطأهم و يتفكروك و تتلاقاي بيهم في الجنة و يقولولك سامحينا غلطنا معاك هههههه ان شالله يا رب
المشاركة الأصلية كتبت بواسطة ❀ بَسْمَةْ أَمَلْ ❀ https://3andlib.xplainer.net/images/...s/viewpost.gif
والله غير تقول طليتي على قلبي مام انا لاحظتها بـــــــــــــــــزاااف خاصة فى هذاك القسم انتاع مشكلتى صراحة الاعضاء كامل يردو بمثالية بصح لازم يحطو انفسهم فى مكان هذا الانسان ماشي يقلبوها مثالية وتقول غير هوما للى عارفين الصح
شكرا اختى موضوع قمة |
كاين لي كلامهم يريح بالصح كاين https://3andlib.xplainer.net/images/smilies/mad.gif
كامل نغلطو حتى و مش نفس الغلط ... ربي يغفرلنا برك
__________________________________________________ __________
>>>> الرد الرابع :
شوفي يا الاء يا ختي انا درت وحد الموضوع اسكتي برك حسيت روحي كفرت و لا وليت ملحدة ووصل النقاش لوحد النقطة حتا غاضتني عمري و ليت نقول واش داني نكتبو مي لما تكالمينا كي انا كلي ردو لقيت روحي انا الي ماعرفتش نوصل الفكرة و هوما مافهموهاش نيشان هذا مكان على هكا كانت ردودهم قاسية بزاف مي والله لما وليت نقرى في الردود حتى الي عطاوني شي كلايم قسمولي بيها قلبي مي والله هدرو من الغيرة تاعهم على بنات المسلمين عامة و الجزاير خاصة و هنا نهدر على واحد يعجبني كلامو صح هو شوية متشدد مي والله كلامو فيه الصح اسمو الواثق مي كاين ناس بزاف بزاف مي كون نكتبهم راح نخرج على الموضوع و انا نطول في الكلام و ارواحي تشوفي .على هكا مرات لازم تكون القسوة باه الانسان يفطن لانو الكلام الحنين ماشي دايمن ينفع مي المهم الواحد مايفوتش الحد و مايوليش قليل الادب في الرد و مرات كي تلقاي شي ناس قاسيين نوغمالمو نقولولهم صح تعرفي علاه لانو ممكن صح مرو بتجربة قاسية و لانهم فيهم الخير ماهمش باغيين الناس وخدخرين يتعذبو كيما هوما هذا مكان .الي يبغي ماشي راه كفر ولا دار حاجة عيب بالعكس هذا قلب مي العيب لما نخلوه يتحكم فينا و نديرو حوايج الي عيب و الدنيا هاذي ماشي غير حب و الحب تاع الصح الي يكمل بالزواج مي اذا انا بغيت واحد و مت عليه و مكانش الامل باه نديه وينراهي الفايدة راح نعذب روحي في باطل
__________________________________________________ __________
>>>> الرد الخامس :
يا أختي قلتها و أعيدها...المثالية و الإستعلاء الأخلاقي دايرين حاااااااااااااله هنا.....و المرأة هي الفيروس المميت فهي مسترجلة و زوجها طحان و ابوها كذلك و هوما الرجله حاشى الغيارى على عرضنا حقا ومن ليسو مجرد معقدين نفسيا....لما نشوف واحد مطبق الدين و ينهرني والله نتقبلها وكيما قالت الأخت سيرين كاين البعض و الله من الغيرة على اعراضنا ونشهد بيها لأخي الواثق و لا نزكي على الله احد لكن كاين لي خالييييييييينها مي كي يجو لينا يولو ملاااااااااائكة و لمرا وباء وووو....ألله يهدي ما خلق...تحياتي و صحا سحوركم
