لماذا ترفض المرأة الزواج بـ .....؟ مجتمع

عنوان الموضوع : لماذا ترفض المرأة الزواج بـ .....؟ مجتمع
مقدم من طرف منتديات العندليب

لماذا ترفض المرأة الزواج بـمن يصغرها سنا ؟
هدي الشي لحظته بزاف عند لبنات ، رغم أن الشاب يكون واجد لزواج إلا أنه إدا كان صغير عليها ترفضه ، علاش ؟

طبعا مارنيش نهدر على المرأة مولات 40 أو 50

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أنا وحدة من الناس مانقبلش لانوا صعيب البنت تتزوج بواحد صغير و حنا عندنا في الزواج الراجل هو لي لازم يكون كبير على المرأة و تبقى ديما تحس بحاجة ناقصة بالعتبارها هي كبيرة عليه وحتة هو ثاني

و نفس السؤال لماذا يرفض الشاب بان يتزوج بفتاة أكبر منه؟؟

__________________________________________________ __________

>>>> الرد الثاني :

يا أخي عندها الحق
لأن المرأة بطبيعتها سريعة التلف " مع كل احتراماتي للمرأة "
إذا دات واحد اقل منها هي ثمثم تكبر او يبقى هو قل منها ايبان صغير
وذا كان مراهق او ما يخافش ربي رايح يبدا ايشوف لغيرها
او ممكن ايهينها او ما يعطيهاش حقها

وأقول لا مجال للمقارن بيننا وبين الرسول
صلى الله عليه وسلم وزوجته خديجة
فليس تفكيرنا كتفكيرهم
ولا أخلاقنا كأخلاقهم
ولا مجتمعنا كمجتمعهم

__________________________________________________ __________

>>>> الرد الثالث :

انا ما نقدرش شخصيا نتزوج بشخص اصغر مني حتى و ان كان ذا دين و خلق ... لان هو ممكن راهو صغير و في هذيك المرحلة شاف بلي انا نعجبو و انا الي نتفاهم معاه بصح مع الوقت يمر بمرحلة انتقالية وقد يتغير و تتغير افكارو عندما تتوسع شبكة اللعلاقات الاجتماعية ديالو و عندما يختلط بمجالات عديدة من العمل ...و هكذا يبدأ الشيطان بالوسوسة ... و بالاك يندم و يولي يحوس يعوض شبابو و يقول نعاود نتزوج مع وحدة تكون صغيرة باش نعوض واش فاتني مع الي تزوجت معاها كبيرة ...
اذن من الافضل ان اختار شخص يكبرني سنا او قريب من عمري هكدا يكون من جيلي و الله اعلم ...

بصح هدا ما يعنيش انو الزواج بالاصغر او الاكبر راهو راح يفشل لالالالالالالا

الي يكون مقتنع بواش عندووووو عمرو ما راح يندم ابدا و عمرو ما راح يبدل مرتو ابدا ...

و ما تنساوش تجربة سيدنا محمد عليه الصلاة و السلام الصادق الامين اتزوج مع خديجة السيدة الفاضلة و بقى وفي ليها حتى ماتت باش عاود اتزوج . و في الرسول صلى الله عليه و سلم المثل الاعلى . سلام

__________________________________________________ __________

>>>> الرد الرابع :

لازم توضح كم فارق السن لي راك قاصدو ؟؟؟
اذا كان فارق بسيط سنة أو اقل معليش
أما اكثر فحتى الرجل لا يقبل

__________________________________________________ __________

>>>> الرد الخامس :

المشاركة الأصلية كتبت بواسطة حكيـ الجَزآئِرِي ــم https://3andlib.xplainer.net/images/...s/viewpost.gif يا أخي عندها الحق لأن المرأة بطبيعتها سريعة التلف " مع كل احتراماتي للمرأة " إذا دات واحد اقل منها هي ثمثم تكبر او يبقى هو قل منها ايبان صغير وذا كان مراهق او ما يخافش ربي رايح يبدا ايشوف لغيرها او ممكن ايهينها او ما يعطيهاش حقها وأقول لا مجال للمقارن بيننا وبين الرسول صلى الله عليه وسلم وزوجته خديجة فليس تفكيرنا كتفكيرهم ولا أخلاقنا كأخلاقهم ولا مجتمعنا كمجتمعهم

سريعة التلف هاذي راهي باطة طماطم ؟؟؟؟؟؟؟؟؟؟؟؟؟؟