مشكل و ماشي مشكل قضايا اجتماعية

عنوان الموضوع : مشكل و ماشي مشكل قضايا اجتماعية
مقدم من طرف منتديات العندليب

البيت المستقل حلم كل زوجين سواء على المدى القصير او الطويل و لكن في حالات حينما يتوفر يظهر مشكل من نوع اخر.و ضروك نحكيلكم واش صرا عندنا خويا الي عايش معانا راه خارج يسكن روحو المشكل والديا راه غايضهم الحال صح راهم راضيين عليهم مي في جال ولادهم و سوغتو وليدو الصغير بابا روحو معلقة فيه و حتا هو البارح كي رحنا معاهم قعد غير ساكت و ماهدرش كامل.و حتا كنتنا فرحت كي راهي رايحة مي قاتلنا مانيش قادرة نقعد روحي والفتكم البارح قالتنا اقعدو معايا يامات حتى نوالف و اليوم كي رجعنا للدار رجعو معانا كامل الصح حتا انا عجبني الحال و بابا فرح و حتى هوما.انا قتلهم حنا النسا وحدا نبغو نسكنو رواحنا و نبغو نقعدو مع ناسنا و ارواحو نتوما حلوها.
انا قتلهم الحل هو لازم الوحدا تخرج تمتم بدارها باه مايكون ولف مايصرا مشكل لا للوالدين و لا الذراري و حتا للراجل و المرا .انا الي راهم غايضيني هوما والديا و ولاد خويا والله علابالي رايح يكون صعيب بزاف عليهم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و الله ما فهمتك يا ختي
اكتبي بالعربية احسن باش نقدرو نجاوبوك

__________________________________________________ __________

>>>> الرد الثاني :

السلام عليكم
أختي وسيلة أنا مع الرأي الذي يقول يجب على الزوج والزوجة أن يسكنا لوحدهما تفاديا للمشاكل فكثرا ما نسمع بأن الكنة انفصلت عن السكن مع أهل زوجها لكن بعد شجار مع هؤلاء ومن الأحسن أن يختصر الواحد الطريق من الأول
وهناك حالات أخرى هناك من الرجال من لا يقبل السكن لوحده فيشترط على من سيتزوج بها القبول وهناك من عدل عن فكرة الزواج لأنه لم يجد من تقبل العيش مع والديه
وكوني أكيدة الآباء دائما في حاجة إلى الاهتمام سواء أكان الولد معهم أو يعيش بعيدا عنهم
وأنا شخصيا لا أحب من يفضل زوجته وأولاده على أمه وأبيه
لا أحب هاته الشخصيات
أما والدك وأمك فأكيد سيتأثران لأنهما تعودا على ابنهما وعائلته
لكن مع الأيام ربما سيتعودان على ذلك
المهم خوك ما ينساهمش بالزيارة والتفقد
هذا رأيي والله أعلم
احترماتي

__________________________________________________ __________

>>>> الرد الثالث :

وهذي الشي اللي راهو محيرنا فيكم يا سوسو ....نهار تنوض الحالة بين النسا تقول خلات الدنيا ومن بعد كي يتفرقوا يوليو حبابات.....مرات أنا نقول هاذو غير لعبات متفاهمين عليها على راس الراجل و كي تفرى الحاجة اللي راهم باغيينها ترجع الحالة كي بكري.


واش نقولك لكلام لمليح مليح بصح نقولك كاين مواضع تعرف باللي راهو يتقال من أجل أنه يتقال لأن الكنة راهي عارفة بلي غادية تروح تسكن وحدها ...
أما قضية أنتوما كي أهلي و ما نصبرش عليكم ....الخ تبقى جمل لا محل لها من الصدق التام ........


واش نقولكم ...هبلتونا بالخرجات نتاعكم .....ونهار اللي تفريوها لكلام لحو مانيش عارف من وين تجيبوه تقول راكم كاتبينه قدامكم هههههههه.

__________________________________________________ __________

>>>> الرد الرابع :

السلام عليكم أختي سيرين

نعم هذا المشكل يحدث كثيرا لما يتعلق الجد بالأولاد

لكن احسن شيء العرس يقام في منزل آخر ويسكن بعيد من اليوم الأول حتى لا يتعلق الأهل بالأولاد كثيرا


وأهم شيء أنه خرج برضاة والديه وهذا أهم

ربي يتم عليهم الهناء ويجعل أخاك بارا بوالديه

فقط نصيحة أختي سيرين فقط يجب ان تعرفي كيف تتصرفي إذا بدات علامات الحزن عند والديك

لأن فراق الإبن والاولاد شيء صعب

بارك الله فيك وجزاك الله فيك أختي

__________________________________________________ __________

>>>> الرد الخامس :

السلام عليكم
اختي الكريمة خلي اولا د اخوك يقعدوا يامات في داركم