راني جيت نحكيلكم على مرضي من المجتمع

عنوان الموضوع : راني جيت نحكيلكم على مرضي من المجتمع
مقدم من طرف منتديات العندليب

لبنات سمحولي والله مكان في نيتي نشوقكم.انا كان عندي تقريبا صلع في مقدمة الراس وكان شعري ضعيف وينسل كان الخمار رفيقي ليل ونهار وكانت حالتي المادية شوية شوية وخويا مسكين جراى بيا حتى كره رحت لطبيب سوري والوا درت رقية والوا السدرة.القطران الكبار الكمون الحلبة وقاع الي تتخيلوها والو والو....وسمعت بطبيب في تيارت زعما قاري في فرنسا غي دخلت قالي جيتي روتار ما فوت عليا ماقالي عيري طول بلعها في وجهي وقالي محال يرجعلك الشعر من عنده وانا نبكي وكحالت عليا الدنيا بصح املي كان كبير في ربي.وتخطبت شحال من مرة وبطلوا بسباب شعري ومرة خطبني واحد هبل عليا وانا بالحجاب وجات امه خطبتني وشافتني وبدات مشنفة تخزر فيا تقول راها تشوف في نموسةhttps://3andlib.xplainer.net/images/smilies/mad.gif شهر وعيط ولدها قالي الله يجيبلك انا نحوس على وحدة بشعر ها بكيت الدم هذي مدة 12 عام وانا قرعة شا سمعت معيرا من الرجال ونساءحتى اهلي ما رحمونيش..........وفي الاخير قررت ندير دواء اخيرفي حياتي ومنها خلاص ننسى حاجة اسمها شعر وننسى الزواج وبديت نستغفر وندعي سيد الاطباء الي علمهم الله سبحانو.وشرالي حبيبي خويا الدواء الي هو تونيك ومقوي الشعر والشموان هذو مجموعة الشعر لزين....ومن الاسبوع الاول بانت النتيجة ودروك واش صرا............ الطفلة الي كانت تبكي ليل ونهار المنبوذة الي كانت تمسخيرة عند لكبير وصغير نبت شعرها وطوال ولا تحت الاكتاف ولا قاوي وتخطبت لواحد ادب واخلاق وشبوب فطوكوبي تاع امير الي يلعب في الفيلم التركي انت قلبي في MBC والحمد لله ادعوني استجب لكم الحمدلله عدد خلقك ورضا نفسك ومداد كلماتك وزنت عرشك عوضني ربي وكتاب المصحف الشريف لا عوضني عطني شعر خير من شعري وزوج خير من الي خطبوني وعجوزة خير من الاولة حنينة وقاتلي نهار الخطبة بنتي انا مانيش جايا نحوس على الزين كلو فاني انا يهمني واش كاين داخل وعطني ربي صحبات خير من الي كانو عندي هما انتوما ربي يخليكم بديت نبكي والله هذي قصتي والله شاهد على ما اقول.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله قصتك أثرت فيا أختي الحمد لله اللي شافاك وردلك شعرك وفوقها زوج صالح الحمد لله ربي فيه غير الخير

__________________________________________________ __________

>>>> الرد الثاني :

الحمد لله لي بريتي .. وربي يهنيك و يسعدك مع خطيبك

__________________________________________________ __________

>>>> الرد الثالث :

والله أثرت فيا قصتك أختي بزااااف و الحمد لله ربي شافاك و عافاك و رزقك الزوج الصالح ربي عمرو ما يخلي عبادو ... فرحتلك بزااف برغم منعرفكش والله و تفكرت الاية عسى أن تكرهوا شيئا و هو خير لكم انتي كرهتي كي كنتي بلا شعر بصح كان خير ليك و هناك من عجوزة و زوج يهمهم المظهر .... ربي يهنيك و يرزقك الذرية الصالحة

__________________________________________________ __________

>>>> الرد الرابع :

رغرغوا عينيا صدقيني ربي حنين كريم جازااك على الصبرب لي صبرتيه ربي يهنيك و يسعدك مع راجلك

قوليلي وش هي المستحضرات لي استعملتيها لان حابه نطول شعري مانيش حابه ندير الوصل في العرس تاعي

__________________________________________________ __________

>>>> الرد الخامس :

Inchallah rabi yhanik ya khti