مازال واقفين قضايا المجتمع

عنوان الموضوع : مازال واقفين قضايا المجتمع
مقدم من طرف منتديات العندليب

السلام عليكم يا جماعة شكر لكم على كل شي لكل من إتصل بي لكل من ساعدني ودعا لأمي ولي بارك الله فيكم
يا جماعة اكيد كلكلم شفتو إعلان واغنية مازال واقفين
قولولي وين واقف الزوالي في طابور الخبز وإلا الحليب وإلا فالسوق يشوف بعينيه ويتنزه
وين واقف الزوالي في بلاد معمرة حقرة مهما صار بلادنا وي هذي قدام البراني لازم نفخرو ببلادنا لكن خلونا نشوفو واقعنا لزوالي وين بلاصتو ووين يوقف وهل عندو مكان أصلا فالبلاد هذي يوقف فيها واش رايكم وخلونا نحكو بكل واقع وماكان لاه كاش رد يشبه لغنية مازال واقفين شبعنا وقفة وتهراو رجلينا
إحنا نرعاو وهوما يشربو حليب البقرة هذا كلامي انا وانا مسؤولة عليه النقاش لكم وشكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اولا لي الشرف اناكون اول من رد على موضوعك الاكثر من رائع
صحيح ما قلته ان الاوان لكشف الاقنعة
والصراحة انا الغناية تعجبني الموسيقى تاعها واللحن مي الكلمات نديها سخرية
لو كان جا فيها خير ما تغنيهاش وردة وبعدها تموت
بلا ما تزيد والوا وراها ربي يهدي ويصلح المفسدين في البلاد هذي


__________________________________________________ __________

>>>> الرد الثاني :

مازال واقفين ..............من العادة ان نقول ** قعدنا واقفين ؟؟؟**** فالقعود والوقوف عند الجزائريين سواء ................مازال واقفين او قاعدين

من ناحية الفساد وووو صح الامر محزن ومأساوي ..............لكن لو نرى الى زاوية اخرى حيث ظهر فيها الصالحون سنقول مازال واقفين ...............لو قسنا معيار الامراض التي مرت بنا لعلمنا اننا مازال واقفين .............الاستعمار والتخلف والجهل ............الارهاب وسفك الدماء ...............يعني ولو ..........مازالنا واقفين



__________________________________________________ __________

>>>> الرد الثالث :

عند ك الحق مريم فواش قلتي ربي يجيبها لحكام هاد لبلاد لي جوعونا وخلاونا بلا خدما ويخدمو بالمعارف والرشوة ودارو قانون الفتنة قالك خدم الصغير وخلي لكبير زعما حنا شرفنا خلاص اااااااااااه راني قريب نتطرطق مريم راني ماربحتش لكونكور لقيت غير موضوعك نفرغ فيه وثاني واش نقولك ربي يقلبهااعليهم رام يذلونا بقصد مي حنا حاملين ملا خلي يبردو قلوبهم والحاجة لي مدوختني كامل الشباب زعما قارين مي ماهوم فاهمين فيها والو وزيد رانا شعب خواف يحمل برك ملا نكملو هاك وخلي حنا نرعاو وهوما يشربو حليب البقرة كيما قولتي وشكرا على الموضوع

__________________________________________________ __________

>>>> الرد الرابع :

وبه تحلى السهرية ههههههههه
ردوا واسمعوها
https://www.youtube.com/watch?v=lJsDmy5AkOg
بالمرة بدلوا الكلمات كرهنا واحنا واقفين قاعدين ننتظروا فيكم

__________________________________________________ __________

>>>> الرد الخامس :

السلام عليكم
أختي مريم المشاكل تزداد يوميا
وإن لم توضع الحلول
فإن الضغط سيولد الانفجار
كلنا نحب هذا البلد ولا بلد لنا غيره
لكن تجاهل بعض الأمور الصغيرة من طرف المسؤولين عديمي الضمير
يمكن أن يوقعنا فيما لا نرضاه جميعا
شكرا لك