رواد المساجد ، اعطيوني رأيكم قضايا المجتمع

عنوان الموضوع : رواد المساجد ، اعطيوني رأيكم قضايا المجتمع
مقدم من طرف منتديات العندليب

السلام عليكم
هادي نقطة تستاهل نفتحو عليها موضوع ،ـ هي المسجد و دوره في المجنمع ، كالعادة احنا نجربو نديرو نقد بناء لعل و عسى ملاحظاتنا تجيب نتيجة و التوفيق من الله https://3andlib.xplainer.net/images/smilies/smile.gif

الصراحة و الواقع ـ انا رأيي الشخصي انو دور المسجد اصبح بلا فعالية الا من رحم ربي ـ يعني نهار الجمعة كيما تدخل كيما تخرج ( هادي بصفة عامة برك لانو الحمد لله كاين أئمة قمة في المستوى ) ـ اعتقد ان اسباب هذه الوضعية هي:

1- اهم حاجة هي مستوى اللغة لي يستعملها الامام ـ تلقاه في الخطبة يهدر بعربية فصحى و بلا أخطاء و يستحضر ابيات شعرية و جناس و طباق و مشبه به ,,,,خاصو غير يزيد يقللنا اعرب ما تحته خط و استخرج صورة بيانية ـ يعني الامام يهتم بشكل الخطبة و ينسى المضمون ، و ما ننساوش بلي 80 بالمئة من مجتمعنا مستواه اللغوي محدود جدا ـ يعني هناك مشكل استعاب و اتصال بين الامام و المستمعين ـ انا كون جات بيدي نهدر بالدارجة و مستوى لي المهم يفهموني بيه ـ و كاين امام يستعمل الطريقة هادي و النتيجة انو ناس كل تأخذو مثال يحتذى به

2- مواضيع لي يعالجها الامام روتينية و حفظناها ، عادة ما تلقاهم يهدرو مثلا على قصص الصحابة و الفتوحات و الدين الاسلامي عبر التاريخ و قريش ، هو صحيح هادو حوايج مفروض نعرفوهم لكن محتاجين أكثر لتوجيه صحيح في حياتنا المعيشية ـ يعني نحوسوا على مواضيع تساير الواقع ،des sujets d'actualité ، لان ديننا او ماش عبادات برك في المسجد بل هو نمط حياة نتقيدو بيه c'est un mode de vie https://3andlib.xplainer.net/images/smilies/19.gif

نكتفي بهاد الزوز اسباب ، في انتظار اثراء النقطة بآراء بقية الاعضاء لمواصلة النقاش https://3andlib.xplainer.net/images/smilies/1.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نزيدلك نقطة دور ما يسمى بالمرشدات او المتطوعات الاتي اصبحن ينفرن يعني بالعامية حاطيلنا وحوش لابسين حجابات ايعقل انه وحدة بهدة الصفة نامصة لحاجبيها بل منهن من هي واشمة له متكحلة في رمضان في التراويح بل ويتعديو لفضيا ويدويا علة الوافدات للصلاة بسبب وبدون سبب !! انها كارثة بكل المقاييس غدوا نجيب بنتي تصلي تشوف وحدة كيما هكد في المسجد تحسب النمص حلال

__________________________________________________ __________

>>>> الرد الثاني :

حنا في منطقة القبائل الامام يهدر بالقبائلية و الحمد لله معظم المساجد يقدمو الخطبة باللغة القبائلية نفهمو كلشي

بصح في هاذ الرمضان في مسجدنا جا واحد امام اهدر لنا بالفرنسية و خلط شوية بالقبائلية

جات مليحة ليزيميقري فهموا مليح و القبائل ثاني يحبو بزااااف الفرنسية . دورك الامام تاعنا يخلطو الفرنسية

ما عندناش مشكل تع العربية

__________________________________________________ __________

>>>> الرد الثالث :

السلام عليكم؛

خطبة بالدارجة !

لا أتصور هذا !

مرة أحد كبار السن اعتلى المنبر و خطب بنا سرح ذهني طوال الخطبة لأنني لا أتحمل الدارجة عند سماع الدروس و المواعظ،

العكس؛ نرى أن كبار السن أيضا يفهمون اللغة العربية الفصحى ـ أتكلم عن العاصمة ـ

نعم للغة العربية الفصحى و الارتقاء بالمستوى،

فقط يجب التنبيه إلى اللغة الفصحى الصعبة و إلى الفصحى اليسيرة،

لأن الإمام لو اعتمد في خطبته على أحادجيث الرسول صلى الله عليه و سلم بكثرة لكانت الخطبة يسيرة جدا لأن أحاديث المصطفى صلى الله عليه و سلم بالرغم من فصاحتها إلا أنها سهلة الفهم،

جميل أن يزين الإمام خطبته بأبيات أو عبارات فصيحة صعبة لكن لا يكثر لمراعاة تباين مستوى المصلين،

لكن في كل الأحوال عليه أت يتحدث بالفصحى ـ عدا في بعض المناطق طبعا ـ

مواضيع إمامنا رائعة و مناسبة للأحداث و المناسبات .

__________________________________________________ __________

>>>> الرد الرابع :

المشاركة الأصلية كتبت بواسطة كاميلا https://3andlib.xplainer.net/images/...s/viewpost.gif نزيدلك نقطة دور ما يسمى بالمرشدات او المتطوعات الاتي اصبحن ينفرن يعني بالعامية حاطيلنا وحوش لابسين حجابات ايعقل انه وحدة بهدة الصفة نامصة لحاجبيها بل منهن من هي واشمة له متكحلة في رمضان في التراويح بل ويتعديو لفضيا ويدويا علة الوافدات للصلاة بسبب وبدون سبب !! انها كارثة بكل المقاييس غدوا نجيب بنتي تصلي تشوف وحدة كيما هكد في المسجد تحسب النمص حلال

و الله عندك حق ، في رمضان يصادفونا واحد المظاهر غريببة جدا و متناقضة ، كيما اشرتي الى دور المرشدات لكن أؤكد لك انه نظرة المجتمع اليهم جد راقية و محترمة من طرف الناس المحترمين و المثقفين ـ اما ان كنت تتكلمين على عالات المجتمع لي يقولو بلي المرشدات ام معقدات و متخلفات ،هادوك خلينا منهم ام ما هومش مقياس ، هدرتهم ما تزيد ما تنقص

__________________________________________________ __________

>>>> الرد الخامس :

المشاركة الأصلية كتبت بواسطة ~~ أغيلاس ~~ https://3andlib.xplainer.net/images/...s/viewpost.gif السلام عليكم؛ خطبة بالدارجة ! لا أتصور هذا ! مرة أحد كبار السن اعتلى المنبر و خطب بنا سرح ذهني طوال الخطبة لأنني لا أتحمل الدارجة عند سماع الدروس و المواعظ، العكس؛ نرى أن كبار السن أيضا يفهمون اللغة العربية الفصحى ـ أتكلم عن العاصمة ـ مواضيع إمامنا رائعة و مناسبة للأحداث و المناسبات .

يا اخي ، المقياس هو اغلبية المصلين و ليس اقليتهم ـ ايهما افضل ؟ خطبة بلغة بسيطة و يفهمها اغلبية المصلين أو بلغة راقية و يفهمها الاقلية فقط ؟؟

انا حقيقة افضل التركيز على المضمون و ليس على الشكل ـ يا خويا المهم يوصلي الدرس و نصيحة و نستوعبها و يا لوكان يهدرلي بالالمانية ولا اليونانية و لا البرتغالية ، و الله اعلم ا