اريد ان تصبح لدي قيمة تم حل المشكلة

عنوان الموضوع : اريد ان تصبح لدي قيمة تم حل المشكلة
مقدم من طرف منتديات العندليب

السلام عليكم ورحمة الله تعالى وبركاته
بدون اي مقدمات اريد سرد قصتي انا شاب ابلغ من العمر 24 سنة حبست تعليمي منذ 2016 يعني في السنة التاسعة اريد مواصلة تعليمي لاني كرهت انا نحس روحي ماعنديش قيمة ملغري انا راني خدام ولاباس بيا وعندي رزق المشكل انه صراولي ظروف وصلوني للموت انا مت وحييت والله العظيم ظروف قاسية مريت بيها اللي كنت خاطبها خداعة حكمت عليها حوايج كبار حاشاكم رذيلة وفسق كي كشفتها على حقيقتها رغم اني حبيتها بجنون سحرتني دارتلي سحور قريب وصلني للقبر سحر عن طريق الاكل بالشهورا وانا نطايش في المستشفيات ويقولولي نفس الكلام معندك والو وجسمي كان مارايح وينحف المهم في آخر المطاف شفاني ربي بالرقية والحمد لله
بكل اختصار كنت مع وحدة لا اخلاق ولا دين ولا تربية ولا حتى ضمير
اريد نصحكم انا خايف من ان اكمل دراستي لاني توقفت من مدى انا حاب نكمل دراستي لاني اريد وايضا خطيبتي الحالية شرطت عليا نبدا حياة جديدة ونطور ونرفع مستوايا
ارجو ردودكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اولا الحمد لله على شفائك وتخلصك من الفتاة الاولى
ثانيا : شوف يا اخي المستوى حاجة والدراسة حاجة اخرى لازم اولا تفرق بيناتهم وذلك قد تجدهم يدرسون ولكن بدون مستوى اخلاقي ثقافي ...الخ وقد تجده لم يكمل دراسته ولكن عندو مستوى معرفي افضل من واحد درس لذلك اولا اذا حبيت تواصل دراستك هذا رائع مسألة ارادة فقط اكمل دراستك بالمراسة وانا اعرف الكثيرين يدروسون معي الان في الجامعة درسو بالمراسلة
اما عن القيمة انت لدير قيمة لنفسك لما تقيم روحك يقيموك الناس
واتمنى لك التوفيق وان يجمع الله بينك وبين خطيبتك على الخير

__________________________________________________ __________

>>>> الرد الثاني :

السلام عليكم
كي قريت العناون قلت واش من قيمة يحوس عليها والحمد لله ظهرت القيمة العلمية
احسنت وشيء جيمل ان تفكر في بداية المشوار من جديد العمر عمروا ماكان فيه مشكل خاصة انك قلت عندك مدخول والحمد لله
العام الجاي ادخل اقراء بالمراسلة وحسن المستوى تاعك وان شاءلله كان بقات عندك نفس العزيمة ضرك توصل للباك وتدخل للجامعة ولله ماهي مستحيلة كاين لي عملوها وزيد انا كي قريت في الجامعة قروا معايا ناس عمرهم 50 سنة
ان شاءلله ربي يفتحها في وجهك

__________________________________________________ __________

>>>> الرد الثالث :

المشاركة الأصلية كتبت بواسطة شهد حنان https://3andlib.xplainer.net/images/...s/viewpost.gif اولا الحمد لله على شفائك وتخلصك من الفتاة الاولى ثانيا : شوف يا اخي المستوى حاجة والدراسة حاجة اخرى لازم اولا تفرق بيناتهم وذلك قد تجدهم يدرسون ولكن بدون مستوى اخلاقي ثقافي ...الخ وقد تجده لم يكمل دراسته ولكن عندو مستوى معرفي افضل من واحد درس لذلك اولا اذا حبيت تواصل دراستك هذا رائع مسألة ارادة فقط اكمل دراستك بالمراسة وانا اعرف الكثيرين يدروسون معي الان في الجامعة درسو بالمراسلة اما عن القيمة انت لدير قيمة لنفسك لما تقيم روحك يقيموك الناس واتمنى لك التوفيق وان يجمع الله بينك وبين خطيبتك على الخير

شكرا جزيلا اختاه على الرد ربي يعيشك انا قلت المستوى لاني مرت بيا ظرووف نسيت فيها نفسي والله العظيم انا مستوايا ضعيف وثقافتي محدودة وانا علابالي مليح لذا انا اريد ان ارفع مستوايا وخاصة في اللغات كما سبق وقلت حبست في السنة التاسعة

__________________________________________________ __________

>>>> الرد الرابع :

المشاركة الأصلية كتبت بواسطة طيب وابن حلال https://3andlib.xplainer.net/images/...s/viewpost.gif السلام عليكم كي قريت العناون قلت واش من قيمة يحوس عليها والحمد لله ظهرت القيمة العلمية احسنت وشيء جيمل ان تفكر في بداية المشوار من جديد العمر عمروا ماكان فيه مشكل خاصة انك قلت عندك مدخول والحمد لله العام الجاي ادخل اقراء بالمراسلة وحسن المستوى تاعك وان شاءلله كان بقات عندك نفس العزيمة ضرك توصل للباك وتدخل للجامعة ولله ماهي مستحيلة كاين لي عملوها وزيد انا كي قريت في الجامعة قروا معايا ناس عمرهم 50 سنة ان شاءلله ربي يفتحها في وجهك

انا عندي عزيمة كبيرة وهي مستمدة من خطيبتي لانه هي اللي تشجع فيا وشرطت عليا اني نكمل قرايتي بالمراسلة والحمد لله لم تشترط ماديات
في بادء الامر حسيت اني ما نستاهلهاش لانها متعلمة جدا ومثقفة وحسيت اني مش من نفس مستواها حوايج تهدرهم ونحشم نقولها واش هوما ونحرجها تولي هي متهدرش كيم هي متعودة

__________________________________________________ __________

>>>> الرد الخامس :

ربي يفتحها في وجهك
ادخل لمركز التكوين المهني واذا لم تعجبك الفكرة اقرا ودير مترشح حر في ال bac
كاين مهن اخرى ................ حل بيتزيريا ............... والرزق على ربي .....
ربي يفتحها في وجهك و يكون في عونك ................