قصتي مع الفايسبوك مشكلة

عنوان الموضوع : قصتي مع الفايسبوك مشكلة
مقدم من طرف منتديات العندليب

سلام من جديد يا اهل الخير ............حبيت نحكيلكم قصتي مع الفايسبوك

بصراحة والله ما كنت نعرف هدا الفايسبوك ولا نعرف نخدم بيه وفي يوم صحباتي كامل قالولي نورمال
يعني راهي صداقة بريئة ونورمال ورانا كامل خواة

ودرت فايسبوك صدقوني كنت غير مع صحباتي لحد مادخلوو عندي اصدقاء ولينا اخواة كلام في قمة الاحترام ولي
وكي نشوف حاجة مش نورمال نقطع المهم وشاركت

في قروب وكنا في قمة الاحترام وهم كاما لي استاذ ولي متخرجة غير انا ثانوية ليسونسيال ديما ينصحوني المهم وفي يوم واحد من القروب كان عندي من الاصداقاء

صداقتي بنوع اخار رفضت رفص مطلق وشفت بلي زاد احترمو لي ولا يقدرني اكثر وانا زاد احترامي فيه لانو مزداش قالي ولا جبد هدرة كيما هكك

المشكل انو عرفو المود باص تاعي ودخلو في غيابي وشافوني واش نحكي انا والحمدلله عمري ما قلت هدرة زايدة ومقتنع لي قلقني كيفاه كنت واثقة فيهم يصرا هكا وزاد بدا يحكي واش كنت نحكي انا والبنات


تقلقت بزاف وكرهت روحي معرفتش واش ندير بصح اخذت قرار بلي والله ما نزيد ندخل الفايسبوك وانتم يا اخوتي واش رايكم سامحوني راني صريحة بزاف . بالك راح تكرهوني ولا تتقلقو مني .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي انت حرة واش ديري المهم وف الحاجة لتناسبك

انا ماندخلش للفايسبوك خلاص

__________________________________________________ __________

>>>> الرد الثاني :

شكون لعرفو Mot De Passe تاعك ؟؟؟؟؟؟؟؟؟

و نصيحة ليك من اختك لكبيرة أخطيكككككككككك منو راهو يدير غير المشاكل

__________________________________________________ __________

>>>> الرد الثالث :

مدام اختي الفاضلة تعرفين المشكلة و كيف حصلت و تعرفين مسبب المشكلة خلاص الحل بين يديك انا لا اعرف كم عمرك لتتحملين مسؤولية أخطاءك المهم من ذلك راجع نفسك و تخطي الامر وكل شيء جدير باذكر و صالح اذا كان يرضي الله و لا ينفع دايرو كخويا و لا كي اختي المهم كوني واقعية لا مثالية اعانك الله في دنياك ........................................... المخلص فادي 12 اريد رد منك

__________________________________________________ __________

>>>> الرد الرابع :

شكرا جزيلا انا واش قلقني كيفاه هادم الناس يحبو يعرفو اسرارك ويحب يحكي بيها انا القرار هزيتو وخلاص بلي منزيدش ندخل للفايسبوك لا ندير مشاكل ولا نزيد ندخل في حاجات مش مليحا انا اصلا ندمت عليه وربي يعلم بصح حبيت منكم النصح والله يا خواتي

__________________________________________________ __________

>>>> الرد الخامس :

السلام عليكم اختي نصيحة من عندي اخطيك من الفايسبوك والله يجيبلك غير المشاكل وكاين الناس لي ما ترحمش