ربيني يااما ربيني يابابا مشكلة
عنوان الموضوع : ربيني يااما ربيني يابابا مشكلة
مقدم من طرف منتديات العندليب
بسم الله الرحمان الرحيم
منيش حابتكم تشوفوني كيما اي شخص بعيد عن الواقع او شخص بعيد عن الحياة اليومية ميهمش اذا كنت راجل ولا مراة المهم اني بنت قسنطينة قسنطينة الي ملاته الزبالة والفوضى قسنطينة بنت الخروب بنت الحمة وزيغود بنت بلادي الي توسخت ومزالت تتوسخ مشي بسبب الفقر.مناش اليوم افقر من اجدادنا البارح الجوع والاستعمار . ومشي بسبب الجهل .مناش جاهلين اليوم كيما كانو اباءنا الي بزاف منهم ميعرفوش يقراو ويكتبو اليوم اجدادنا الي ماحلموش يقراو
ولكن بسبب قلة التربية نعم قلة الادب الناس قبل مانلوم ملى المسؤولين نسال نفسي منين جاء هذا المسؤول جاء مننا واحد مننا كي اصغر واحد من اولادنا مايحتارمش الي كبير عليه ومايرحمش الي ضعيف عليه
اليوم الولد يسب يماه يسب امو جداه يسب ام صاحبو وهو يضحك معاه يسب اخت صاحبو باسوء الالفاض واشنع الصفات وهو يضحك معاه
ربيني ياما ربيني يا بابا ربيني يابابا ربيني ياما
علاه منعرفوش نديرو الصف علاه منربيوش روحنا علخاطر حنا قاريين علخاطر حنا شباب نحوسو على العزة والكرامة نحوسو نعيشو حراير واحرار انفض على روحك لغبار ربي روحك وربي بنك ربيوني وترباو لكان انا مراة كيما نحب داري تكون نظيفة نحب ولادي يلعبو في حومة نضيفة مفيهاش سجاج نخاف بني يطيح عليه مفيهاش ريحة البول اكرمكم الله ربيني يابابا ربيني يا اما
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اذا كنت غالطة قولوهالي في وجهي درك
__________________________________________________ __________
>>>> الرد الثاني :
السلام عليكم
انقولهالك في وجهك ذرك
ما كيش غالطة
ولكن
يجب أن تعملي كفتاة واعية على التغيير وتحثي من هم حولك من أجل التغيير لأن ما يبدأه فرد قد يصل الى الجميع
لذلك لا تتدخري جهدا في الحث الجميع على الانتباه لأخطائهم وذلك برؤيتهم لك تتغيرين مع توجيه النصح لهم دون تجريح.
بارك الله فيك
__________________________________________________ __________
>>>> الرد الثالث :
لست اجرح لكن الحقيقة جارحةارجو من الله ان يكنس كل شخص اما باب دارو وتحت البالكو تاعو وتحت الطاقة تامو وين يلعبو اولادو
__________________________________________________ __________
>>>> الرد الرابع :
يا أستاذة أنا لا أقول أنك تجرحين ولكن أحثك أن تنصحي من هم حولك بطرق اللين والتسامح وباستعمال ذكائك حتى لا ينزعج منك الآخرين، والموضوع الذي ذكرته صحيح 100 في 100 وإن شاء الله ستتغير الأمور الى الأحسن
ومادمت تعملين في مجال التدريس فالفرصة أمامك أن تنقلي أفكارك للتلاميذ وهم بدورهم ينقلونها الى آبائهم وجيرانهم، تخيلي لو تحثي جميع التلاميذ على النظافة أمام منازلهم وتطلبين منهم يوم الجميعة مثلا يقومون بحملة تنظيف أمام بيتهم كيف سيكون الحال
__________________________________________________ __________
>>>> الرد الخامس :
https://3andlib.xplainer.net/images/smilies/dj_17.gifاشكرك على الرد انا لم اسئ فهمك ولم اكن ادافع عن نفسي ولكني اكملت المناقشة ارجو التفاعل بابسط الطرق وانا ادعو اخواني الرجال الرجالة تاع الصح الي يقدر يقول الحق بلا سفاهة ولا كلام العيب الرجال المتزنين الى استرجاع مفهوم النهي عن المنكر بالقول لا بالنضرات اخواني قولو للمسئ اسات وللمحسن احسنت https://3andlib.xplainer.net/images/smilies/mh5858.gifhttps://3andlib.xplainer.net/images/smilies/mh5858.gifhttps://3andlib.xplainer.net/images/smilies/mh5858.gif
هذو الشباب الي يكسرو ويخربو ولادنا خوتنا هذو البنات الي يمشيو شبه عاريات بناتنا خواتاتنا لكان كل واحد قال كلمة الحق بعيدا عن الوقاحة انا نقدر ننصح اختي ونقدرنربي بنتي واينكم الحرلير ويالحرار
