انقذوني من مشكلتي تم حل المشكلة

عنوان الموضوع : انقذوني من مشكلتي تم حل المشكلة
مقدم من طرف منتديات العندليب

انا امربمشكلة فانا تخرجت هذه السنة وعمري 24سنة وامر بفترة جد صعبة وضغوط فالمشكل يكمن في انه يوجد شخص في حياتي احبتي واحببته وهو ليس من ولايتي تقدم لخطبتي واهلي عارضوا بسبب انني جامعية وهو والو يعني ما راناش في نفس المستوى واذا تزوجنا راح يغير مني لاني خير منو مع انو خدام سائق شاحنة في شركة وانا ما شفت منو غير الخير والسبب الثاني البعد ما نقدر نعرف عليه والو وراح نبعد على اهلي وكاش ما صار لي اي مشكل اشكون يساعدني وكل واحد بدا يحط لي اسباب المهم انو دارنا عارفين بلي نحبو بعض وحتى هو ما قطعش لياس و جا واحد خطبني من الجيران وهو متخرج رجعتو حتى اني كرهت الدنيا و غير كيف خطبني واحد من لافامي ورجعتو لانني ضد زواج لافامي وكي يقولولي على الزواج نقولهم اغلقواالموضوع ما راحش نزوج نهائيا وليت نكره الخرجة نخاف كاش ما يشوفوني ويجو يخطبو وعلى بالي راح نرجعهم وليت نكره كي يحكو على الزواج ولا يقولو فلانة راح تزوج خاصة كي يقولو جاها براني وما يفوتش نهار ما نفكرش 1000000مرة في المشكل حتى بديت نمرض ويضيق نفسي ونصفار جامي مريت بمرحلة كيما هذي مارانيش قادرة نتخيل روحي نزوج بغيرو وهو اكثر مني حالو مع انني من يوم لي حبينا بعض وانا مع الاستخارة يوميا حتى لدرك راني عايشة في دوامة مش عارفة وش ندير كيفاش نقبل شخص وانا نحب اخر انا في راي راح نظلمو / راح تقولو لي احكي مع امك وماخليتش بصح مانفعش ولات تقلق حتى انو حكا مع عمي وقالو غير الطفلة ما تقوليش عليها مش عارفة وش ندير يما مش قادرة تبعدني عليها وانا مانتخيلش روحي مع غيرو مع انو ناس ملاح و جونتي وخدام وبدارو برك مش جامعي و براني؟ ردوا عليا و انقذوني راني تايهة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي اولا السلام عليكم
الزواج مكتوب من عند ربي الانسان مابيدوا والوا غير يستخير ويخليها على ربي اختي وسعي بالك وماتقلقيش روحك وربي سبحانه فيه غير الخير ربي اسهلك امورك وزيد انت اهلك ماهمش قابلين اوكان نجوا لصح كيفاش امدوا بنتهم لواحد في مكان بعيد ومايعرفوا عليه والوا والله غير صعيب راهم اخموا بعقلهم وانتي حنونة اتخمي بقلبك واذا كان هدا السيد مليح وفيه الخير ربي اقدمولك صلي صلاة الاستخارة وفوضي امرك لربي سبحانه

__________________________________________________ __________

>>>> الرد الثاني :

الحل هو الإتجاه إلى الله بالدعاء والإستخارة و تذكري دائما
أنه الله ينظر إلى عباده واللي فيه خير الله يجيبو وتقلقي روحك بزاف

__________________________________________________ __________

>>>> الرد الثالث :

استخيري الله أختي "جسور المحبة "
(عسى أن تكرهوا شيئا و هو خير لكم ) هذا كلام الإله سبحانه و تعالى ..... و مرحش يلحقنا غير واش كاتب ربي سبحانو .... عيشي حياتك بشكل عادي و أكثري من الدعاء و الاستخارة و الي فيها الخير تجيك بإذن الله تعالى

__________________________________________________ __________

>>>> الرد الرابع :

انا راي انك اتجهى ربي سبحانو بكثرةالدعاء والصلاة ومتخممش ومتقلقيش روحك رايح تجى على صحتك وعسى ان تكرهو شئ وهو خيرا لكم وكلش بمكتوب

__________________________________________________ __________

>>>> الرد الخامس :

السلام عليكم
كما قال الاخوة عليك بالدعاء والاستخارة
وليس هذا فقط بل عليك كذلك بمحاولة اقناع والدتك أو ارسال من يقنعها من الاشخاص الذين تثق فيهم الوالدة
كما عليه هو كذلك أن يحاول من خلال ارسال أهل الرأي من معارف عمك
ولكن
استوقفني في كلامك أمر مهم عليك أن تقف أمامه طويلا هو بعد المسافة وعدم معرفتك له بما يكفي
عليك أن تعي أن هذا زواج وليس مجرد رحلة سياحة لمدينة أخرى ولذلك عليك أن تجمعي عنه أكبر قدر ممكن من المعلومات وهذا هو مربط الفرس في اقناع عائلتك حاولي أن تحثيهم على السؤال عنه ومعرفة أصله وفصله فقد يقتنعون به أو قد ترفضين رغم رغبتك في الزواج منه
فالأمر يحتاج الى روية ودراسة قبل اتخاذ القرار فهذه عشرة
بالتوفق ان شاء الله