غيضتني عمري رايحة نفد مشكلتي
عنوان الموضوع : غيضتني عمري رايحة نفد مشكلتي
مقدم من طرف منتديات العندليب
السلام عليكم
يا خاوتي راح نفد قلقانة خلاص من روحي السبة خويا واختي
انا الوسطانية عندي عام ملي بديت نخدم كي تخرجت من الجامعة
خاوتي نودهم و نتفكرهم بحوايج كي نخلص بصح جامي لقيت الضحكة في وجوهم
انا نخلص 15000 دج عقد ادماج اختي قالتلي تديلي 3500دج بلا مزية منك ؟؟ وعلاه هدا واجب عليا
وخويا 1000 دج وماش عاجبو الحال بالمناسبة اخي يشتغل بمرتب مليون وهو طالب بالجامعة
خبط عليا الباب وخرج واختي انا في عمري 24 سنة وهي 17 سنة من قبيل وهي تصرخ في وجهي
فهموني انا نخدم باه نفرق الدراهم ومنحكمش دورو عند راسي؟؟
غدوة نتزوج منلقاش حتى واحد يعوني + انا والله نمدلهم بفرحة وزاهيتلي كي عدت نخدم بصح هم مفهمتش عقليتهم
والله غايضتني روحي خلاص انا حنينة عليهم وهم ميقولوليش حتى كلمة مليحة
واش ندير ياربي خاوتي مش رحميني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي يا اختي المثل العربي يقول
بالبِر يٌُستعبد الحُر
عاونيهم و زيدي عاونيهم
و شوفي كيفاش يتبدلو
__________________________________________________ __________
>>>> الرد الثاني :
علبالكم قلتلهم عقوبتي كحلة .........معنديش الزهر مع خاوتي
__________________________________________________ __________
>>>> الرد الثالث :
نقلك حاجة يا اختي والله كي تتزوجي تولي تضحكي على روحك خصوصا إذا كان زوجك إنسان مليح لأن مليون ونص والله ما هي دراهم ماعليش عاوني أخوتك وبلاك ربي يسهلك بزوج صالح الدراهم ما دومش
__________________________________________________ __________
>>>> الرد الرابع :
عزيزتي ما تفدي ما والو
هذو خاوتك المفروض تعاونيهم بلامزية وما تسنى منهم شئ
وان شاء الله رح يرجعلك اضعاف مضاعفة في زواجك موحال ينساو وقفتك معاهم
وزيدي الا راكي حابة تجهزي نفسك اختاري حاجات تشريهم بارفاسيليتي
هك يكون عندك لعذر وتساعديهم بلي تقدري عليه وتجهزي نفسك
الله المستعان
__________________________________________________ __________
>>>> الرد الخامس :
السلام عليكم
ياختي مكش ملزمة تصرفي عليهم انما هادي هبة منك او تصدق بمالك على اهلك شكون قالك مديلهم اللهم لكان طلبو منك و كانو صح محتاجين و الله غالب عليهم و كومام مش بالسيف
و زيد خوك ياك مش عريس يوجد حتى تعاونيه راه خدام و عندو لابورس
ووالديك ما يمدولهمش؟ هادي حقرة؟
لاحول و لا قوة الا بالله راكي مغبونة هات و انا سيدك وش هاد الظلم
اسمحيلي بصح انفعلت فبلاصتك استغفر الله و نكرر اسمحيلي اختي
