بعد 11سنة اتهمني بلخيانة مشكلة
عنوان الموضوع : بعد 11سنة اتهمني بلخيانة مشكلة
مقدم من طرف منتديات العندليب
السلم عليكم
انا سيدة عمري 29سنة متزوجة منذ 11سنة وعندي 3ذكور وكنت انا وزوجي عايشين عادي وفي الصيف الماضي سراو مشاكل بيني وبين اهل زوجي واهليحتى لحقنا للمحاكم ومنبعد كان حكم المحكمة لصالحي وتنازلت بدون ما يطلبو مني السماح وكي كنت في بيت اهلي راحو اهل زوجي الي بيتي وهاوشو زوجي واتهموني بلي راني خاينة ومنيش حاسباتو راجل وعايروه ومرض زوجي وهو وحدو في البيت وغدوة جاء لعند اهلي وهاوشني ودخلو فيها خاوتي رجالة وكانو رجالة معاه وتهمني بلخيانة وهدر في عرضهم في بيتهم وع ذالك مادارلو والو حلو لباب وقاللو اخرج بنتنا راهي عندنا وبعد 5ايام جاب جماعة وجاء يطلب السماح استقبلوه دارنا وتكلمو معاه وقاللو هذا شي عيب ابنك راجل وانت تقول هذا لكلام معليهش انا كنت رافضة باه نرجع ومع خاوتي قنعوني رجعت
بصح كي رجعت لقيتو خلاص هبل ومرض في راسو يضال يحكي واش قاللو اهلو واش عايروه وعاد ميخرش برا يقول الناس راهي تحكي عليا وميروحش قهوة وانا ميخلينيش نخرج حتى لطبيب او اهلي ويضال يحكي على المراة الشريفة وصحابو لي كانو يجيو يهزوه بطومابيل عاداهم يعيطو في البورتابل يكوبي عليهم يجيو لدار ميخرش يبعث وليدي يقولو راه راقد وانا نهدرلو على اي واحد يقولي علاه تسمي الراجل قدامي ويهاوشني وكان عندو صاحبو قريب بزاف منو وانا قريبة من زوجتو هو لي لازم منتكلموش عليه وكي يجي يعيط ينوض يكسر ويخبط مفهمتش هذي الحالة انا تعبت راه وحداني خفت تطور الامور معاه ويصبح مهبول انصحوني ارجوكم اهلو كلهم متهاوشين معاهم اهلي من هذيك التهمة عاد واحد ما يجي لدارو انا وحدي منقدرش نخرج ونصحتو قتلو شوف طبيب مبغاش قتلو شوف راقي مابغاش باه نتصل بصاحبو دار حراصة شديدة كي يعيطلو في البورتابل يسبريمه في هذيك الساعة واش ندير واش نعمل عيت وانا نخمم راني في تعاسة حقيقية والله يجازي لي كان السبب واسمحولي طولت راني اختصرت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله يا اختي ربي يفرج عليك الراجل اذا شك صعيب حاله لكن انتي حاولي تهدئيه وتبينيله انك عمرك ما خنتيه وزيد اياك اختي تتصلي باحد اصدقائه باش يساعدك هو هكذاك وراه شاك وتزيدي انتي تتصلي وين توليو...
قلبي يتقطع من وضعيتك وخاصة حال ابناءك لاني مررت بتجربة مماثلة..
ربي يفرج عليك وان شاء الله الاخوة ينصحوك اكثر مني...
__________________________________________________ __________
>>>> الرد الثاني :
ربي يكون معاك و ان شاء الله يزول عليكم هذا الهم، حاولي بكل الطرق أن ترقيه، وشيئ طبيعي أن يرفض الرقية، لذا عليك ان تحاولي رقيته ربما به شيئ من سحر أو عين، والله المستعان.
__________________________________________________ __________
>>>> الرد الثالث :
اشكرك اختي حلاوة87 مع انكي مريتي بنفس التجربة واش عملتي فيدني ارجوكي
__________________________________________________ __________
>>>> الرد الرابع :
اختي مررت بالتجربة لكن لست انا وانما امي مع ابي وكل مرة يقول لينا ممكن راها تخوني لسبب سوء فهم لكن امي ديما ساكتة وتقوله ربي شاهد ولكن هي تاني بينتله باللي مخانتهش..كانت ماكثة بالبيت متروحش لاي مكان الا معاه وكان احيانا يسمح ليها بالخروج مع اخي وترفض تقوله انت ولا منخرجش...وكانت تدير القران في غرفة نومها وبصوت مخفض وتقوله نلقى راحتي كي نسمع القران وهي فقط لاجل ان تبعد عنه الوساوس..والحمد لله حدة الشك نتاعه نقصت..للكن هذا اثر على نفسيتنا احنا الاولاد لذلك اختي كي زوجك يصرخ حاولي انو ولادك ميسمعوش...
__________________________________________________ __________
>>>> الرد الخامس :
أختي برايجية لازم تثبتي لزوجك بحبك له وكذالك أن تعطيه قيمة له ولرجولته لأه أصبح الحين يشك في نفسه من كلام الناس و خصوصا من أهل هداهم الله
عليك أن تعامله بالحسنى وتقتربي منه وتثبتي انك لا زلتي تحبيه
كذاك اتقي الشبهات في الهاتف أو اي شيء آخر يشك فيك
من فضلك خبرينا بسن زوجك وعمله
انا انتظر ردك اختي
