اعطيوني حل لمشكلتي قريب نهبل

عنوان الموضوع : اعطيوني حل لمشكلتي قريب نهبل
مقدم من طرف منتديات العندليب

السلام عليكم انا سيدة عمري 29سنة عندى 3ذكور وزوجي هو اساس المشكل مع انو مثقف ويبلغ من العمر39سنة ويعمل استاذ في المتوسطة المهم مشكلتي هو انو زوجي معندوش شخصية ثابتة كل يوم مزاجو نوع نهار مليح معانا ونهار يكون كتوم ونهار يهاوشنا ويقول راني ندمان على حياتي ونهار يقول راني سعيد وكي منهدرش معاه زعمة ندير النافة يزيد الحال ويعود ميعرفش يتعامل مع حتى واحد صحابو مثلا يجيو يعيطولو ميخرش ليهم يصوني بورتابل ميرفدش المهم راح يهبلني علاه راه صاريلو هكذا ساعات نقول لعود راه مهبول ساعات مورال هابط لدرجة ماياكل ما يهدر وساعات يقلب اللوم عليا يقولي علاه زوجت بيك كون متزوجتش بيك كون راني لاباس وساعات يقولي انت حياتي وكون تخطيني منعرفش نمشي في هذي الحياة اي نوع هذا العبد انا عيت 11سنة وانا هازة هبالو كل عام نقول هذا العاو يسقم بصح والو اعطيوني حلول انصحوني كيفاه ندير معاه واشكركم واسمحولي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

....................
ربي يهنيك اختي

__________________________________________________ __________

>>>> الرد الثاني :

ربي يكون في عونك أختي الكريمة

أنصحك باللجوء إلى الله والإكثار من ذكره ودعائه وقراءة القرآن في البيت دائما
وخاصة الدعاء بصدق ويقين وإخلاص
وربي يريّح بالك أختنا الكريمة


__________________________________________________ __________

>>>> الرد الثالث :

ولا اختي لازم تعرفي سبب التغير متى بدأ التغير اكيد حدث شيء فقط رويدا رويدا تكتشفي السبب

وانت في موضعك تكلمتي على أنه اتهمك بالخيانة إذا كانت في الهاتف عليك ان تتخلصي من الهاتف إذاكانت في شيء آخر يجب تغلقي الباب الذي هو يشك منه

ويهدأ

كذالك كاين حاجة مهمة بزاف لازم تعرفيها وانا اطرح عليك السؤال وارجو الإجابة أختي

هل هو يعتقد أنك تخونيه حتى الحين أو أنه يعتقد أنك خنتيه من قبل لكنه مزال يتذمر


إذا كان أعتقد وفات لازم تثبتي انك لم تفعلي وانك تحبيه وحاوريه بالحسنى


إذا كان يعتقد أن الخيانة مزالت فعليك أن تجعلي الحد في الشيء الذي شك فيه مثل هاتفك أو اي شيء آخر

كذالك يجب ان تقفي بجنب زوجك إذا انت قلتي انك تعتقدين انه جن فماذا سيقول الناس لا اختي
عليك ان تقفي بجنبه
وهذا اظطراب نفسي يحدث للإنسان العاطفي وذو مشاعر حساسة عليك مراعات شعوره اختي ولا تسمحي في زوجك واعذريه

لأنه دخل الشك في عقله

وانت كوني بجنبه ولا تلوميه لأن اقرب الناس اليه هم من فعلو ذالك وانت قلتها

وهو الحين مظطرب من يصدق انت ام اهله

إذا بقي معك يعني اهله يضحكو عليه ويعني انه صدقك


وإذا صدق أهلك فيعني أنه سمح فيك وهو لا يريد ذالك


صدقيني أختي كوني بجنبه ولا تغظبي من افعاله

كذالك تنصحك بالرقية ممكن اصابتكم عين او سحر

وانا مازلت أتابع موضوعك اختي

__________________________________________________ __________

>>>> الرد الرابع :

لا حول ولا قوة الا بالله يا اختي لجوء الى الله كثري استغفار وقيام الله وادعيله ربي ان شاء الله ترجع المياه الى مجاريها ربي يكون في عونك ويكبرلك القلب وهدا ابو اولادك غير بشويا سايسيه مسكين بلاك يكون عنده مشاكل في الشغل التدريس صعيب انا جاري نفس المشكل مع زوجته حتى يقوللها نطلقك ونجيب وحدة تخدم وعندها الدراهم لكن من يكون الجيب فارغ ماعندهش النقود ربي يجيب الخير اختي كثري من استغفار ونية

__________________________________________________ __________

>>>> الرد الخامس :

ربي يكون معاك اختي