العلاقات الطويلة الامد الفاشلة ؟ مشكلة

عنوان الموضوع : العلاقات الطويلة الامد الفاشلة ؟ مشكلة
مقدم من طرف منتديات العندليب

السلام عليكم و رحمة الله و بركاته
اخواني الكرام اخواتي الفضليات اود رايك بصراحة شديدة و قناعة تامة منكم في موضوعي هذا

لـــــــي صديق خطب بنت المهم تعرف بها و احبها نوعاما و في يوم من الايام تجاذبا حديثا صريحا فأسرت له انها كانت قبله على علاقة مع شخص من دولة اخرى لمدة ما يربو على سنتين وتحدثا عبر وسائل الاتصال هاتف و فيسبوك و ***** تعرف عليها من الفيسبوك ((اللعين)) المهم انها وعدها بالزواج و كان معها صريح صراحة كبرى و تقول انها احترمها و احبا بعضا و لكن في الاخير بعد الــ24 شهر صارحها ان احد والديه رافضين .
و كانو قبل ذلك قال لها انهم موافقون سبب الرفض غامض جدا المهم ودعا بعضيهما و انتهت العلاقة .
الآن و بعد ان حضر الفتى نفسه و مهرها يقول لــي اريد ان اتركها لانى اراه بمفهومي ليست الا خائنة لو كانت اعطت قيمة لنفسها لما تعدت العلاقة اسبوع اسبوعين شهر لكن ان تصل الى هكذا مدة و يكلمها صوتا و صورة كخطيب في اي وقت و يرسل لها صباحا: صباح الحب وصباح الغرامم و صباح العشق و مساءا ايضا و يتكلما لساعات يوميا و تهاني و اماني في كل المناسبات ............الخ
هو قال لها هل ندمت تقول له لم اندم و لم اخجل و ما زلت احترمه جدا لم يوفق الله بيننا فقط . قال لي ان هذه الاجابة احرقت اعصابه حرقا
السؤال اخوتي اخواتي هو يأخذ براي كثيرا لانى من اعز اصدقائه هل انصحه بنسيان ماضي البنت لانه لم يكن موجودا هو اصلا في عالمها ام اؤيد رايه
و هل الحب او الرغبة في الزواج تبرر علاقة طويييييييييلة الامد و الادهي تخرج فاشلة يقول لها الشاب في النهاية باي باي ماما رافضة او بابا رافض ؟

اعينونا باجابة واضحة بارك الله فيكم لأن الامر جدي جدا.
https://t1.gstatic.com/images?q=tbn:...Y9FtiBT76C_JVg


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشي شرط خويا طفلة كانت تعرف واحد قبلو معنتها كان يقولها صباح الفل و الياسمين و يقولها كلام العشق و الغرام ماشي شرط كل وحدا كانت تبغي واحد خلاتو يقلها هدرة كيما هكا هي قاتلو كان يقولي هاذا الكلام هي قاتلو كنت نهدر معاه كل يوم بلاك عرفاتو عامين و ماهدرتش معاه بزاف.انا مانيش ندافع عليها لانو انا اصلا مانبغيش العلاقة كي طول الواحد عجبها عجباتو باب الدار ساهل و زيد راه عندي باب ماناش دايرين ليزار مي خويا كاين ظروف واحط يتحط فيهم والله يكونو فوق قدرة الواحد.و زيد اذا الانسان كان محترمها و هي محترماتو علاه يظل يشكك فيها و زيد هي كانت قادرة ماتقولوش و هو ماراحش يعرف و زيد هي كانت جريئة مع انو حاجة كيما هكا كون اصلا ماقاتهالوش مي قول لصاحبك كاين بنات يبانو ملائكة و هوما كانو دايرين رايهم امالا وحدا كيما هكا راهي ناس ملاح و زيد واش ضمنو الي راح يخطبها ماتكونش دايرا عشرة قبلو و زيد هي كانت تعرف الواحد هذا قبلو و انا ماضنيتش هو ماعرفش قبلها و زيد كون قاتلو راني ندمانة كون زاد شك انو كانت حاجة انوغمال هو اذا يعرفها بلي ناس ملاح والله ماهيش سبة و انا هاذي الطفلة عجبتني عندها جراة كبيرة و زيد وحدا كيما هكا كامل مايخافش منها لانو ماتخافش منو و انا متاكدة انو بلاك ماكان يقلها حتى كلمة ملي صاحبك راه يخمم فيها و ربي يقدم الي فيها الخير ان شاء الله

__________________________________________________ __________

>>>> الرد الثاني :

أولا الله سترها بصح هي فضحت نفسها ربي يهديها ..... ثانيا من خلال هاذ التصرف أفهم أن البنت نيتها

ليست سيئة و الدليل لست أدري ثقة بالنفس أم غباء أم مازلت تحبه أن تصارح بالعلاقة فرحانة بروحها

المهم عندي مش شرط لما تدخل الفتاة في علاقة طويلة دليل على سوء اخلاقها احيانا نيتها احيانا الظروف

لان طبيعة الفتيات تختلف من فتاة الى اخرى ....و مدام العلاقة مجرد كلمات مكتوبة بامكانه تجاوزها

و يسرتها ربي يستر عليه

__________________________________________________ __________

>>>> الرد الثالث :

فضحت نفسها بنفسها فوقعت في مشكل قد يلاحقها على مر السنين حتى لو ارتبطت به سيظل يذكرها بذلك

__________________________________________________ __________

>>>> الرد الرابع :

علاه قلتو فضحت روحها أنا من عندي نستعرف بيها و كان جات نيتها غير صادقة متقولوش من أصلو
كيما يقولو مضربهاش على يدها باش تقولو على ماضيها هي صارحت بارك الله فيها
و هو علاه يشوف ليها بهاذيك الطريقة
و كان هو في بلاستها و كان يعرف وحدة و عاش معاها فترة طويلة من العشق و الغرام و تفارق معاها؟؟؟؟؟؟؟؟؟؟؟؟
يادرا يدير كيما هي؟؟؟؟؟؟
نقولك بلي ميصارحهاش كيما صارحاتو
مثل بكري يقول مكاش شجرة و مهزهاش ريح
الماضي يكون للطرفين

__________________________________________________ __________

>>>> الرد الخامس :

بصراحة لا يجب ان ننسى اننا جزائريين و الرجل فينا عمره ما ينسى ان زوجته كان لها ماض ولو بالكلام تريد رايي زواج فاشل و مشاكل من الاول احسن له يبحث عن غيرها ولا يحاول ابدا سؤالها عن ماضيها و يبدا معها من الصفر وهي احسن لها ان لا تكرر ما فعلته مع خطيب اخر لان مثل هده الصراحة مهما كانت عن طيبة نفس ستلاحقها من زوجها الى اخر عمرها و الى اولاد اولادها نحن جزائريون و نفتخر