عنوان الموضوع : ادخلو من فضلكم مشكلتي
مقدم من طرف منتديات العندليب
السلام عليكم اليوم حبيت نحكيلكم على وحدة صحبتي قريبة ليا ونحبها بزاف عندها 7 شهور ملي تعرفت على واحد فالانترنت وهو من العاصمة وهي من الاول كانت دايراتو صديق ومن باعد ولات تحبو ويحبها بصح المشكل تاعها هي محتارة الا تكمل فالعلاقة و الاتصال معاه ولا لا و هي شحال من مرة تخلق مشكل باش يبتعد عليها و يتفارقو بصح هو يعاود يتصل بيها ويقعد يحلفلها و يقولها ما نقدرش نبعد عليك ومن بعد يرجعو لبعضاهم وهو قالها كي تكملي قرايتك نجي نخطبك وهي مزالها عام و تكمل قرايتها و هي راهي تسقسي هل دير الثقة فيه و تستنى حتى وين تتخرج ويجي يخطبها ولا تقطع علاقتها بيه عاونوي كيفاش ندير معاها راهي هبلتي ما عرفت حتى حل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قولتيها اختى ما زالت صغيرة يعنى لا تنضج افكارها بعد و طبيعى تتعلق به و يتعلق بها لان القلب لحمة قوليلها كاين امور اهم من هذه القصص و اذا ربى كاتباه ليها حتى واحد مايديه ليها و لو بعد حين المهم تكون صافية مع ربى و مع نفسها
__________________________________________________ __________
>>>> الرد الثاني :
المشاركة الأصلية كتبت بواسطة amolas45 https://3andlib.xplainer.net/images/...s/viewpost.gif
قولتيها اختى ما زالت صغيرة يعنى لا تنضج افكارها بعد و طبيعى تتعلق به و يتعلق بها لان القلب لحمة قوليلها كاين امور اهم من هذه القصص و اذا ربى كاتباه ليها حتى واحد مايديه ليها و لو بعد حين المهم تكون صافية مع ربى و مع نفسها
شكرا ليك اختي على النصيحة راني ديما موراها و هي تاني حبت تقطع هاد العلاقة بصح هو قاعد شاد فيها هي ما عرفت واش دير
__________________________________________________ __________
>>>> الرد الثالث :
إدا راه يقول بلي يحبها ، لزمها تاستيه ، تختابره تشوف إدا كان يحبها صح ولا لا
إدا هو يحبها تكمل معاه أم إدا جبرت بلي راه غير فرتس تفوته
__________________________________________________ __________
>>>> الرد الرابع :
لازم ااختى تفعس على قلبها و تكون نيتها صادقة مع ربى و مع نفسها وتكثر من الدعاء و الاستغفار اول حاجة تقطع كل وسائل الاتصال به مهما كانت و تشغل نفسه بامور اخرى كالدراسة الطبخ هوايات جديدة كاين بزاف المهم مع الاول صعيب الحال و بعدين اكيد الله سبحانه و تعالى راه يعانها بصح الصدق فى التوبت اختى و ربى يهدى سرها
__________________________________________________ __________
>>>> الرد الخامس :
المشاركة الأصلية كتبت بواسطة yarmoracen https://3andlib.xplainer.net/images/...s/viewpost.gif
إدا راه يقول بلي يحبها ، لزمها تاستيه ، تختابره تشوف إدا كان يحبها صح ولا لا
إدا هو يحبها تكمل معاه أم إدا جبرت بلي راه غير فرتس تفوته
هي راهي متاكدة بلي راهو يحبها و الدليل بعثلها تصاورو مع دارهم و يماه و جداتو هي المشكل تاعها راهو بعيد عليها يعني هيا من ولاية و هو من ولاية
