دبرو عليا والله حرت ؟؟؟؟؟ تم الاجابة

عنوان الموضوع : دبرو عليا والله حرت ؟؟؟؟؟ تم الاجابة
مقدم من طرف منتديات العندليب

بحكم أني عاملة جمعت بعض المال وأنا أريد أن أذهب إما للعمرة أو الحج

سجلت العام الماضي فالحج مع بابا لكن مخرجتش فالقرعة وهذا بعد جهد لأنه قالولي مازلت صغيرة

ودرك حابة عمرة بصح المشكلة في أمي وخالتي وأختي كامل قالولي ديري ذهب

وأحنا عندنا في عنابة لازم نديرو محزمة تاع ذهب وراهي لي رخيصة فيهم تسوا خمسين مليون

والله غاضوني الصوارد نحطهم في حاجة هكا

ولازم نزيد نشري خواتم و حوايج أخرين تاع ذهب

و أنا مشريت والو

درك واش ندير خدمت عامين باش لميت الصوارد كون نشري الذهب راحت العمرة وكون

نروح عمرة لازم نخدم عامين ولا أكثر وندير الذهب


والمشكلة كامل في المحرم أنا كون جيت نقدر نروح وحدي كون

رحت بصح رايحة نخلص عمرة ليا ولبابا وكان كفاو الصوارد ندي معايا ماما

علابيها جاتني غالية ومخساراش فيهم هوما قراوني وصرفو عليا


واش ندير والله حرت

للعلم لست من هواة الذهب وكان شريتو نشريه باه نحط فيه صواردي برك

ماعندي حاجة فيه أنا تكفيني حاجة قليلة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

إذا مازال باه تتزوجي عامين على الأقل روحي للعمرة الآن ومن بعد كي ترجعي ربي يفتح عليك وزيدي شاوري والديك هما المعنيان بالأمر بما انهم راح يروحو معاك للعمرة وربي يوفقكم وادعولي معاكم

__________________________________________________ __________

>>>> الرد الثاني :

السلام عليكم اختي والله لو انا في مكانك ما نبدل العمرة بمال الدنيا اختي الدهب مقدور عليه وإنت كيما قال الأخ إذا ماظال باه تتزوجي ربييرزق ودير اللي باغياتو والله العمرة مكان تتمن كل الناس تروحو كاين مشتاق يشوفها وإنت قادرة تروحي وراكي تختاري من رأي روحي للعمرة خير وإنت أدرى موفقة صحا فطورك

__________________________________________________ __________

>>>> الرد الثالث :

اول حاجة العمرة أحسن وربي يسهلك في نيتك


ثاني حاجة

الدهب حتى لوكان كنت في تلمسان ماشي مشروط عليك تاع
50 مليون

واش الحاجة المهمة انتي يليق تفهمي بلي اللي حاب يدير الدار لوكان بالقليل ربي يجعله فيها بركة

بصح حنا عقليتنا اللي وصلتنا

نفكروووا في حوايج بديهيات نجموااا نستغنوااا عليهم بصح نخافووووا من هدرة الناس

يا واش دارت يا راجلها واش يخدم


ربي يهديهم

انـــــــــــــا راجل غدوة نتزوج ونحب نديره بالطعام واللبن وحاجة بسيطة كاين اللي يسالني

خافوووا ربي فكروووا بعقولكم

ربي يسهلك

__________________________________________________ __________

>>>> الرد الرابع :

أنا من رأيي روحي للعمرة انت و الوالد الكريم هذه فرصة
انا في 2006 كتب ربي عمرة لزوجي و مكانتش لا على البال و على الخاطر و كنا في ضائقة مالية اقترحت عليه باش نبيع شوية ذهب باش يمشي هو في الأول ما حبش لاكن انا اصريت عليه و اقنعته و الحمد لله راح زار بيت الله ومين جا فتح علينا ربي و شرالي أضعاف هذا الذهب و الآن رانا متمنيين باش نمشو مع بعض اذا كتب ربي
روحي ختي و دعيلنا معاك
ربي يسهل

__________________________________________________ __________

>>>> الرد الخامس :

ربي يفتح عليك