المورال 0 تم الحل

عنوان الموضوع : المورال 0 تم الحل
مقدم من طرف منتديات العندليب

الكونكور على الابواب..12-08-2016 ..
دفعت الدوسيي
خدمت 7 اشهر كاستاذة في الثانوي في اطار حاملي الشهدات..يعني ما نيش مستخلفة..
شهادة عمل ما كانش في الدوسيي تاعي..عطاوني شهادة تكليف بالتدريس قوبلت بالرفض
متخرجة سنة 2016..ليسانس تاريخ كلاسيك

كنت علمية وكنت حابة ندير حاجة ميديكال
الله غالب هذا مكتوب....
من لي كنت صغيرة نحب القراية....وفي الباك تاعي كنت نجيب 15 و 16 معدل...بصح في الباك اوفيسيال جبت 11.54....وهذا كل بسبب قلة التركيز..باك2016....ربي يهدي الي عسو علينا.. ...الحس...ما خلاونيش نخدم.
المهم نحس في مستقبلي ضاااااااااااااااع
كرحت قريت تاريخ..قلت لدارنا نبدل حاجة سيونتفيك....قنعوني...وقريت 4 سنين..صح كنت نطلع في عوامي بالدورة العادية
بصح كنت نقرا ليلة الرعد.......وهذي ماهيش عوايدي
قلت لدارنا حابة نعاود الباك....زادو قنعوني وما عاودتش
اليوم راني مخطوبة..نقول لخطيبي حابة نعاود الباك...يقولي علاه باه ديري طبيبة ولا فارمسيانة ولا.........
---مع العلم هو طبيب---يقولي ما نحبش مرتي تخدم طبيبة تبات في لوبيتال....نحب مرتي استااااااااذة....احسن خدمة للمرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ضرك مصيري ارتبط بالتدريس
ع خاطر ما نقدرش نخالف راي زوجي
راح نفوت كونكور...المورال0....مانيش قادرة حتى نحضرلو
وباه نحكم بوست.....اذا اعتمدو الشفافية....مستحيل ننجح
اذا نجحت في المقابلة علاها 3 نقاااااط فقط
مانيش ماجور دو برومو
ماعنديش الخبرة...متخرجة جديدة
نحس في مستقبلي ضاع
حسيت قرايتي راحت
نحب نحقق طموحاتي
الوظيفة ولات تعتمد على المحسوبية والمعريفة والرشوة----والله ما دفعت دورو حرام--
حابة نحضر للمسابقة

والله حابة نعاود الباك.....بصح ضرك ولا نظام جديد..وحسا روحي نسيت كلش----
دبرو عليا واش ندير
ممكن تعتبروه ماهوش مشكل اصل
بصح انا هذا واش شاغل بالي في اللحظة هذي
جزاكم الله خيراا

__________________________________________________ __________

>>>> الرد الثاني :

والله ماني عارف واش نقولك

ربي يجيب لي فيها الخير

__________________________________________________ __________

>>>> الرد الثالث :

بالتوفيق لك اختي الكريمة و تذكري ان الله عز وجل موجود و لن يتخلى عنك ان اكثرت من الدعاء

__________________________________________________ __________

>>>> الرد الرابع :

إن شاء الله خير

__________________________________________________ __________

>>>> الرد الخامس :

قولي
لا اله الا انت سبحانك اني كنت من الظالمين
وصلي ختي واستخيري
راني ندعيلك ربي يسهلك ان شاء الله ويعطيك لي تتمناي