ما عنديش كرامة...ماعنديش عزة نفس
عنوان الموضوع : ما عنديش كرامة...ماعنديش عزة نفس
مقدم من طرف منتديات العندليب
سلام
عندي مشكلة نحسها كبيرة بزاف وبديت نقلق من روحي بسبتها
وديمة نقول درك نتبدل وما نتبدلش
ماعلاباليش علاش ما عنديش كرامة
دايما الناس اللي يغلطو معايا انا اللي نرجعلهم و بلاما يعتذرو
في العيد انا اللي نعيط ولا نبعث ميساج وكاين اللي مايجاوبونيش ونزيد نبعثلهم في العيد اللي وراه
نقول كي نتلاقاهم نلومهم ونجبد روحي عليهم بصح مانديرهاش
شحال من انسان جرحني بالكلام ونبقى نعامله مليح
نقرر ونحلف اني مانديرش حاجة معينة ونولي نديرها
في الدار انا هي البونيشة اللي دير كلش
وماكاش في دارنا عدل بيني وبين خاوتي
وبالرغم من كل هدا نحاول نتفهم
بصح كرهت
نتمنى نكون رقم واحد عند اي انسان
ونتمنى تولي عندي شوية كرامة
الانسان مالازمش يسامح في كل الحالات
قولولي على طريقة تقسي القلب
قولولي كيفاش نطبق قراراتي
وكيفاش نتبدل مع الناس اللي حاسبيني غبية ( عندي غباء اجتماعي - اما من ناحية الثقافة والعلم فانا والحمد لله كنت دائما من المتفوقين )
الطيبة هي الغباء عينه مع الناس هادو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أختي الله يبارك فيك خطكش نتي مشاء الله قلبك بيض ماشي حقد و يقولك المسامح كريم أختي ما تتقلقيش مشي مليح وديجا نهار صح تبعدي على هذو الناس تما يحسو بيك كين ربي
__________________________________________________ __________
>>>> الرد الثاني :
والله يا اخي غير نحس في روحي شيفونة - نشافة
اللي يجي يمسح فيا
قولولي برك طريقة تعاملكم مع الناس كيفاش
كيفاش تحطولهم حد
__________________________________________________ __________
>>>> الرد الثالث :
سلام....
لا احبذ مصطلح الكرامة
لانه مصطلح افلام و مسلسلات
انا اعرف هذه المقولة
"خالط الناس و اصبر على اذاهم خير من ان تبقى وحيدا و في كلاهما خير"
__________________________________________________ __________
>>>> الرد الرابع :
السلام اختي الغالية
ما تقلقيش روحك وما تصفيش روحك كيما هك
اكيد الناس اجناس وكاين الي يستغلوا طيبة الفرد .........
وكوني اكيدة انك كي تعيطيلهم انت وتبعثيلهم مسجات وهما ما يردوش اكيد العيب فيهم
(...........بناتنا كلام اخر نتما يو صلك ما نيش حابة نكتبو)
وبالنسبة للعائلة اكيد شعورك خاطئ لانه اكيد ليس لا يوجد عدل بل هناك او لويات
يعني يبجلوا واحد على واح مش لانوا خرمنوا بصح لانها كاين اولويات
والكل حسينا هذا الشعور يبدوا انك انت صغيرة العائلة
ونحب نقلك انك رقم واحد عندي انا بطيبتك وبنيتك .........https://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gif.اختك امينة
__________________________________________________ __________
>>>> الرد الخامس :
انت كيما انا اختى متقلقيش ربى خير
