اقترب موعد زفافي و اريد ايجاد حل مشكلة
عنوان الموضوع : اقترب موعد زفافي و اريد ايجاد حل مشكلة
مقدم من طرف منتديات العندليب
السلام عليكم سبق و أن طرحت وضوعي الآتي في قسم مشكلتي
و قد غلق من طرف سيادتكم و أنا أحترم هذا القرار
المحتوى :
السلام عليكم مشكلتي عويصة بعض الشيء و لقد سبق و انن طرحت جزءا منها في أخذ آرائكم بإخبار خطيبي انني أزور طبيبة نفسية و آخذ العلاج بصفة يومية
أنا فتاة في العشرينات عاملة كنت أعيش كباقي القتيات حياة عادية لكن شاء القدر و ان تحدث مشكلة عائلة من النوع الرفيع التي تركت بصصمة فريدة من نوعها في حياتي
من ذلك اليوم الذي خرجت منه أختى من البيت و تزوجت انسان دون رضى الوالدية أصابتني صدمة كبيرة جدا لم أستحما مع أنو أنا حساسة بزااااف
المهم أصبحت أزور طبيبة نفسية و ساعدتني كثيرا و لولاها لكنت الآن في الشارع
الحمد لله ا
المهم أنا أتناول الدواء منذ سنتين تقريبا
تقدم لخطبتي شاب كنت أحبه و يحبني و صارحته بقصة الطبيبة فقبل بي لان علاقتي به كانت من قبل انتحدث لي الصدمة لكنه راهو يطلب مني نحبسو و التخلي عنو لاني في نظروو راني عادية
الطبيبة ايضا قالتلي كي تتزوجي و تبعدي على العائلة تقدري تستغناي عنو لان مادامك في هداك المنزل ماتنسايش واش صرا
مع العلم ان خطيبي له سكن خاص و في الصيف ان شاء الله ندرو العرس
المهم انا كي لبهلولة رحت حبست الدواء فجأة صرا فيا الباطل راسي ماوليتش نقدر نرفدو الليل نبات قاعدة كي سقسيت الفاماسي الس نشري عليه قالي راكي باغية تقتلي روووحك ماشي هاك ابداي تنقصي غير بالعقل
اسم الدواء هو
دبرتين 20 depritine20mg
ليزنكسيا10 lyzanxia
دبرتين نأخذ حبة يوميا و ليزنكسيا نصصف حبة يوميا
مع العلم مكانش اللي علابالو بالطبيبة و الدواء إلا أنا و خطيبي و الفارماسي فقط
دركا راني نحوس عليكم تنصحوني و مانيش باغية نزيد نرجع للطبيبة لانو راني في عامين تعطيني نفس الوصفة
خصوصا اللي تكون عندو خبرة في مجال الطب و الأدوية
و أجركم على الله
لكن لي رجاء من الإخوة الأعضاء أن يساعدوني في إيجاد طبيب أو طبيبة نفسية جيدة من الولايات التالية غليزان مستغانم أو شلف
أرجو ترك اسم الطبيب أو رقم الهاتف نتاع الطبيب و سأكون ممنونة لكم
لان عرسي في الصيف و يجب أن ألقى حلا لمشكلتي مع العلم أن حالتي ليست عويصة
و شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الا بذكر الله تطمئن القلوب.........تقربي الى خالقكي و اكثري الدعاء و قراءة القرآن و قيام الليل......شافاكي الله......
__________________________________________________ __________
>>>> الرد الثاني :
allah y3inek ya khti
__________________________________________________ __________
>>>> الرد الثالث :
هي ساهلة علاه راكي مصعبتها على روحك قولي لطبيبة الي تسويفي عندا بلي رايحة تتزوجي و محتاجة طبيب يكون في الولايات الي قتيهومنا و هي تمدلك واحد مليح لانو الطبة يعرفو بعضاهم خير و اذا ماكيش دايرا ثقة في طبيبتك هاذيك حاجة وخدخرا في الشلف كاين واحد مي مانضملكش كيفاش داير نشوف البلاكة تاعو معلقة برك .راح نسقسيلك و اذا كاش مالقيت واحد راح نمدلك اسمو و النوميغو تاع التيليفون .
__________________________________________________ __________
>>>> الرد الرابع :
لازم تحطي في بالك انه بعد الزواج لازم تنساي قصة الطبيب النفساني
لازم تعالجي نفسك بنفسك
راح يكون عندك بيت وزوج واولاد
راكي لاباس عليك هكا لازم تقنعي نفسك
في بعض البيوت راه عندها مشاكل صح وماهومش مكبرين الحكاية
اتمنى انك تكثري الاستغفار ولا تقنعي نفسك انك اقوى
وبالنسبة للدواء لازم ماتحبسيهش ضربة واحدة لانه راه بمثابة مخدر حبسيه بشوية الى ان توقفيه تماما
راح تحبي ترجعي ليه لكنك اقوى انا متاكدة انك راح تغلبي نفسك بالقران والدعاء
الله يشفيك
__________________________________________________ __________
>>>> الرد الخامس :
الأراااااااااااااااااااااااااااااااااااااااااااااا ااااااااااااادة تصنع المعجزات
لازم تكون عندك ارادة و لازم تكون شخصيتك قوية ماشي الريح لي يجي يطيرك و لا يطيحك
لازم تكوني قوية باه تقدري تتحملي المسؤولية
البيت و الزوج و الاولاد
لازم تكوني صلبة كيما لحديد و حنينة كيما لحرير و باردة كيما الجليد و سخونة كيما الشمس و تلمعي كيما الذهب و قاسية كيما الألماس و شفافة كيما الماء
هكذا لازم تكون المرأة
نحي من بالك بلي راكي مريضة هادا اسمو توسويس و وسوسة شيطان
شهدي و استغفري
و اسمحيلي اختي
الاطباء النفسانيين للمرضى عقليا الله غالب عليهم
ماشي للاصحاء لي لاباس عليهم
كملي عند الطبيبة و هي تنقصلك لأنو عامين مدة كبيرة
راكي شغل تتناولي مخذرات و لما تنحيها مرة وحدة راح ينهار جسمك
ما تفتيش على روحك من راسك راك حا تهلكي نفسك بالاكي
روحي للطبيبة نتاعك و قوليلها راني مقررة و عازمة و عندي ارادة كبيرة باه نحي التوسويس و الدواء
و ختي ديريها مليييييييييييييييييييييح في بالك
الراجل يحب المرأة تكون صحيحة و معافاة ماكانش راجل يقبل مرتو كل مرة تتحول و لا كل مرة تقولوا راني مريضة و ترقد فالفراش راه وراها مسؤولية كبيرة ديري في حسابك
نحي عليك التوسويس و ربي يهنيك
