عنوان الموضوع : اطفالنا ف خطر تم الاجابة
مقدم من طرف منتديات العندليب
السلام عليكم
اليوم حبيت نطرح موضوع سرقة الاطفال لانى انا واحدة من الامهات اللى كل يوم شادة قلبها وخايفة على اولادها كى يخرجو من البيت سواء للدراسة او لاى غرض اخر وعلاه لحقنا لهذه الدرجة من انعدام الامن اين خوف الله اين الدولة لماذا غابت بصفة رسمية عن هذا المشكل كل يوم نسمعو انخطف طفل البارحة فقط سمعنا فى بلدية من بلديات ولاية البليدة طفل انخطف فور خروجه من المدرسة التى دخلها لاول مرة عمره 6 سنوات السنة الاولى ابتدائى بعد يومين نسمع ان الطفل وجد لكن كيف وجد ميتا وبدون اعضاء تخيلو الموقف والله قلبي يتقطع خوفا كل يوم ويزداد يوما بعد يوم اين الرحمة
الله يجيرنا من الاصعب واى ام او اب تعرض ابنه للاختطاف ربي يربط على قلبهم والله يصبرهم ويعوضهم امييييييييييين
الان كيف نتعامل مع الظاهرة هل توجد حلول كيف نعالج الامر الخ من الاسئلة التى تبقى تدور فى مخيلتنا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لهاذ الدرجة الموضوع عندكم ماشي حساس
__________________________________________________ __________
>>>> الرد الثاني :
السلام عليكم اختي
مسكين يا ربي ربي يصبر اهلو الوقت صعيب بما إنك ام أحرصي على ولادك الوقت صعيب بزاف خاصة ضرك بدات تظلام بكري ما تخليهمش يخرجو وللمدرسة كان ممكن إديه و جيبيه إنت او باباه او عمو المهم احرصي عليهم خير من تولي فندامة الدنيا ولات صعيبة الله يهدهم يبيهو في اجساد الناس يا رب سترك
__________________________________________________ __________
>>>> الرد الثالث :
اي و الله مع اني مازال ما تزوجتش و من درك نخمم الا ربي سبحانه رزقني بالاولاد كيفاش ندير
على خاطر انا موسوسة بزاف من الحكايات تاع السرقة هادو
و علابالي نعقد ولادي من خوفي,, الاحسن انو كي يبداو يخرجو برا يكون معاهم عبد كبير يا لوكان يراقبهم ن بعيد
حتى كي يدخلو يقراو مع الاول لازم واحد معاهم,,, و تاني لازم نربو ولادنا و نعلموهم ما يوثقوش في عباد ما يعرفوهمش خااااااصة لي يطمعومه بالدراهم و و و و
و الله موضوع حساس ربي يسترنا من الوقت لي رانا فيه
__________________________________________________ __________
>>>> الرد الرابع :
و الله رانا كامل يدينا على كروشنا من الخوف
و قلوبنا هبطو عند رجلينا من الخلعة
و الله كل يوم راسي يدي و يجيب الف مرة فالدقيقة
تتوخر بنتي نص دقيقة نمووووووووووووووووووت بالخلعة و يقتلني الخوف
ما شي فقط من هاجس الاختطاف
من أصحاب السيارات لي ولاو يصوقو كي الدواب حاشاكم
لا عاملين حساب اطفال و لا حساب الكبار
و الشباب و الاطفال لي يعطوهم اوليائهم السيارات و ماهومش عارفين انهم يستعملوها كسيارات سباق يمشيو غير180 حتى في وسط المدينة
ولد سلفي كان قاعد قدام باب الدار جا واحد ماشي بسرعة كبيرة انحرف جا طول في جيهتو كون عمو ما جبدوش كون يا لطيف اللطف كون راحو رجليه مسكين
و الشواذ اللهم بعدهم عنا و احفظ اطفالنا
اصبح الاطفال مهددين منهم بصفة مرعبة و في كل مكان الواحد يخاف حتى يغفل على صغيرو ثانية
نخافو نبعثوهم للدكاكين يشريو حتى حبة حلوى
نخافو نخليوهم قدام باب الدار
واش هاذ الزمان يا لطيف الملطف
كبادنا رح يتحرقو على وليداتنا
__________________________________________________ __________
>>>> الرد الخامس :
المشاركة الأصلية كتبت بواسطة aihemsara https://3andlib.xplainer.net/images/...s/viewpost.gif
اي و الله مع اني مازال ما تزوجتش و من درك نخمم الا ربي سبحانه رزقني بالاولاد كيفاش ندير
على خاطر انا موسوسة بزاف من الحكايات تاع السرقة هادو
و علابالي نعقد ولادي من خوفي,, الاحسن انو كي يبداو يخرجو برا يكون معاهم عبد كبير يا لوكان يراقبهم ن بعيد
حتى كي يدخلو يقراو مع الاول لازم واحد معاهم,,, و تاني لازم نربو ولادنا و نعلموهم ما يوثقوش في عباد ما يعرفوهمش خااااااصة لي يطمعومه بالدراهم و و و و
و الله موضوع حساس ربي يسترنا من الوقت لي رانا فيه
شكرا اختى على مرورك
ماشى مسالة انك موسوسة الله غالب الوقت قال هكذا لازم تكونى موسوسة ولا اكتر ربي يرزقك الزوج الصالح والذرية الصالحة الطيبة ام شاء الله
