لوكان جيتو في بلاصتي وش ديروا راني حايـرة ؟؟ مشكلة
عنوان الموضوع : لوكان جيتو في بلاصتي وش ديروا راني حايـرة ؟؟ مشكلة
مقدم من طرف منتديات العندليب
الســــــلام علــــيكم يا جمـــاعة الخـــير والخمـــير
مشكلتي تتمثل في ولد عمي ....
عندي 15 يوم ملي جا خطبنـــي ... خدام لاباس بيــه ... دارهم ناس ملاح , يعني ولد عمــي نعرف عليه كلشي ....
انا في الاول ما كنتش دايرتها في بالي ولا عمري حطيت عيني عليــه ,,, يعني اولاد عمومي كامل كي خاوتـي ...
وكنت رافضة زواج الاقاربـ ... المهم لما جا خطبني في الاول جاتني صدمـة وبعدين تأقلمت مع الوضع ,.
مشكل العائلة نحيـــتو .... المشاكل مع العايلة تاني نحيتهم خاطر حنا الحمد لله متفاهمين مع العائلة كامل ....
انا رفضتـ ,,,,علاه ...؟
- اولا يسكنـ في الدوار لكن عندهم التاويل يعني بسيارتهم ودارهم ..ما يخصو والو ,,, انا منيش نشوف للمادة خاطر الحمد لله متخلعنيش .... يعني محبيتش الدوار وهو قالي اصبري معايا شوي وندير دار في جهة اخرى ...
- كاين واحد نعرفو بصح ما نحكي معاه في التليفون ما نتلاقى بيه ما والو يعني جا هدر معايا وقالي اصبريني لعام الجاي حتى نحكم خدمة ويعدل امورو و يجي هو مش من سطيف ....
- ولي نشاورو يقلي اقبليـ بابن عمكـ، مكاش واحد لي قالي متقبليشـ ... حتى امي وابي عاجبينو وقالي واحد تعرفي اصلو احسن من واحد متعرفيهش ....
ضرك انا رانــي حايرة .,,, كيفاش ندير صليت صلاة الاستخارة بصح ما بانلي والو ....
استخرت وشاورتـ ومزالني حايرة .... وهو ماهوش طالقني خلاص قالي وراك وراك والزمن طويل https://3andlib.xplainer.net/images/...s/confused.gif
المهم جيت طرحتلكم مشكلتـي ونشوف رأيكم و نصيحتكم علابالي هادي حياتي وانا لي نقررها لكن حبيت نعرف ارائكم
نتمنى كل واحد منكم يحط روحو في بلاصتي ويقرر ....
بارك الله فيكم وشكـــرا ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا يا اختي مفهمتش قصتك مليح اذا كاين شخص اخر في حياتك وواعدك بالزواج تخليه وتروحي لولد عمك؟؟ والله معرف قصتك مفهمتهاش مليح مدى ارتباطك بالشخص الثاني؟؟؟ المهم نصيحتي ليك اقبلي بولد عمك لانو خطبك على سنة الله والرسول واقطعي علاقتك بالشخص الثاني واعتذريلو (لخاطر يقول ك جاها خير مني باعتني ) ربي يسهلك في حياتك كامل
__________________________________________________ __________
>>>> الرد الثاني :
المشاركة الأصلية كتبت بواسطة sarah1424 https://3andlib.xplainer.net/images/...s/viewpost.gif
انا يا اختي مفهمتش قصتك مليح اذا كاين شخص اخر في حياتك وواعدك بالزواج تخليه وتروحي لولد عمك؟؟ والله معرف قصتك مفهمتهاش مليح مدى ارتباطك بالشخص الثاني؟؟؟ المهم نصيحتي ليك اقبلي بولد عمك لانو خطبك على سنة الله والرسول واقطعي علاقتك بالشخص الثاني واعتذريلو (لخاطر يقول ك جاها خير مني باعتني ) ربي يسهلك في حياتك كامل |
بارك الله فيك اختي ع النصيحة ..
وش مفهمتيش قصتي راهي واضحة
الشخص الاخر يعني منحبوش اعجــاب بركـ ... لكن مش واجــد ....
شكرا لك وربي يحفظكـ
__________________________________________________ __________
>>>> الرد الثالث :
اختي ابن عمك تقدم لك و الحمد لله
و عائلته نا س ملاح و راكم متفاهمين معاهم و كل شيء لاباس و الحمد لله
إذا اتكلي على الله و اقبلي و ما يكون غير الخير ان شاء اللله
__________________________________________________ __________
>>>> الرد الرابع :
لا يمكنني ابداء لراي في هذا الموضوع
ولكن اتمنى لك السعادة و الهناء
ربي يهنيك يوفقك للخيار الصحيح
اكثر من الصلاة و الدعاء
__________________________________________________ __________
>>>> الرد الخامس :
أختي قصتك واضحة بالنسبة ليك لاني انا منعرفش مدى علاقتك بشخص وعدك بالزواج يعني اكيد اتكلمتي معاه وبعد اعجابك قلك اصبري عليا ونزيدك يا اختي نعرف انسان قربي ليومنا هذا متزوجش لانو اعجب بوحدة وطلب منها الانتضار وهي وافقتك لكن ك جاها واحد خير منو راحت وخلاتو هو جاتو صدمة وكره النساء كامل وعاد يقول لا ثقة في النساء يحبو الواجد ويحبو المادة نتمنى تراعي مشاعر هذا الانسان اذا كان صادق وانت ادرى بنفسك وبحالتك انا نتمنالك كل خير ربي يسهلك
