ساعدوني .... هذه مشكلتي مشكلة

عنوان الموضوع : ساعدوني .... هذه مشكلتي مشكلة
مقدم من طرف منتديات العندليب

السلام عيكم

اخوتي اخواتي انا اول مرة نشارك المعاكم في هذا القسم ارجوا ان تقبلوني كعضوة

مشكلتي : عندي اخ لي يدرس الخارج ومن مدة قرر انو يرتبط بإمراءة عربية غير جزائرية ونحنو غي موافقين خاصة امي في بداية الامر بالنسبة ليها الأمر لامجال فيه لنقاش ( بيني وبينكم كانت في حالة ما تنام الليل ) خافت تديلها ولدها ولكن حاليا راهي ضاغط على روحها خافت عليه هو لا يدير حاجة في روحه وقالت نوافق ودبر راسه ولكن انا واأخوتي وإخوتي غير موافقين ملي شفنا أمي في هذاك الوضع ومنحبوشي حتى نتكلمو في الموضوع اومكان حتى واحد موافق نا وحد من الناس منحضرشي عرسه كان ااتزوجها ...... قلولو واش رايكم في هذه الحالة

وربي يستركم ..... سمحوني على تكسار الراس .:confused


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة عيوشة https://3andlib.xplainer.net/images/...s/viewpost.gif السلام عيكم اخوتي اخواتي انا اول مرة نشارك المعاكم في هذا القسم ارجوا ان تقبلوني كعضوة مشكلتي : عندي اخ لي يدرس الخارج ومن مدة قرر انو يرتبط بإمراءة عربية غير جزائرية ونحنو غي موافقين خاصة امي في بداية الامر بالنسبة ليها الأمر لامجال فيه لنقاش ( بيني وبينكم كانت في حالة ما تنام الليل ) خافت تديلها ولدها ولكن حاليا راهي ضاغط على روحها خافت عليه هو لا يدير حاجة في روحه وقالت نوافق ودبر راسه ولكن انا واأخوتي وإخوتي غير موافقين ملي شفنا أمي في هذاك الوضع ومنحبوشي حتى نتكلمو في الموضوع اومكان حتى واحد موافق نا وحد من الناس منحضرشي عرسه كان ااتزوجها ...... قلولو واش رايكم في هذه الحالة وربي يستركم ..... سمحوني على تكسار الراس .:confused

اختي مرحبا بيك نصيحة اكثروا من الاستخارة و عسى ان تكرهوا شيء وهو خير لكم حكو مع الاخ و تاني تعرفوا على الطفلة مليح اسأل الله ان يفرج كربكم و يرزق اخوك الزوجة الصالحة

__________________________________________________ __________

>>>> الرد الثاني :

علاش مسكين؟؟؟واذا كانت ناس ملاح وبنت فاميليا وعاجباتو...يعني متقبلوش؟؟؟؟وااااااش فيها اذ كانت ماشي جزائرية..المهم راهي عربية مسلمة....احنا واحد جارنا تزو ج بوحدة مكسيكية واش تقولي في هاذي؟؟؟؟ودركا راهي تعلمت تهدر بهدرتنا وطيب ماكلتنا....قالك راهي عروسة ماشاء الله....ياختي هذا زوااااااااااااااج يعني عشرة عمر وخوك من حقو يخير وحدة اللي تعجبو ويحبها متقدروش تفرضو عليه حاجة ماراهوش حابها....ياك هو اللي خيرها ويتحمل مسؤولية اختياره....

__________________________________________________ __________

>>>> الرد الثالث :

أدا كانت مسلمة أو مسيحية فهي حل له وهو حل لها
والباقي بينهما..

__________________________________________________ __________

>>>> الرد الرابع :

لا يوجد اي مشكلة راها عربية مسلمة.يوجد اولاد عمي.واحد تزوج المانية و اخر تزوج كندية.و امهم لم ترفظ اطلاقا.

__________________________________________________ __________

>>>> الرد الخامس :

السلام عليكم

الله يهديكم هدا راه باغي الحلال وهادي راها عربية باركوله وارضاو عليه وفرحوه بحضوركم للعرس