ساعدوني محتاجة لدعائكم مشكلتي

عنوان الموضوع : ساعدوني محتاجة لدعائكم مشكلتي
مقدم من طرف منتديات العندليب

السلام عليكم
هذه اول مشاركة لي حبيت نفرغلكم قلبي لانني ادرك انكم لن تبخلوا عليا بنصائحكم و دعواتكم مانطولش عليكم
انا فتاة 24 سنة جامعية متخرجة و لكن بدون وظيفة وهذا الشئ مقلقني كثيرا و اي خطوة اقوم بها ما نتوفقش فيها يعني نلقاها مقفولة في وجهي و اصبحت اخاف من المستقبل و الله حالتي اصبحت سيئة جدا اصبت بالارق لانني لا انام من كثرت التخمام و التفكير مع انني جد مؤمنة و الرزق على رب سبحانه و لكن احيانا اصاب بانهيار اصبحت لا اتكلم كثيرا و احب الجلوس وحدي مع انني ثرثارة و احب مخالطة الناس و اصبحت ابكي كثيرا و خاصة عندما يسالونني عن العمل و ايضا عندما اقرا سورة البقرة مع العلم انني اقرءها كثيرا لما فيها من فوائد و تيسير الامور و اصلي صلاة الحاجة و ادعي كثيرا و مع كل هذا حالتي تسوء اكثر فاكثر قالولي بيك عين و لازمني رقية شرعية
اسمحولي طولت عليكم في انتظار نصائحكم
ارجوكم لا تنسوني بالدعاء في ضهر الغيب ادعولي رب يسرلي اموري و يرزقني بوظيفة و يفرجها عليا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا أختي الخدمة ماشي هي كلش و رزق من عند ربي مين يحب ربي تجيك للدار وهذا عن تجربة خلي ايمانك بربي كبير وزيد ديري في بالك بلي راكي في عطلة مفتوحة ريحي روحك اخرجي مارسي هوايات والخدمة جاية جاية باذن الله
ربي يفتح عليك ان شاء الله

__________________________________________________ __________

>>>> الرد الثاني :

السلام عليكم

اللهم يا رب العالمين يسر امورهاااااااا

__________________________________________________ __________

>>>> الرد الثالث :

الحل يا أختي هو قيام الليل و الله دعيت كثيرا لربي اثناء قيام الليل ان اجد عملا لما انتهي من دراستي و الحمد لله تخرجت عام 2010 و مسني الادماج و الحمد لله و هذا كله من فضل ربي

__________________________________________________ __________

>>>> الرد الرابع :

حبيبتي ربي ينولك اللي في خاطرك ويجيبلك الخدمة والترساااااااااااااااام انشاءلله تترسمي ومن بعد يجي سعيد الحظ ولد الحلال اللي يهنيك وتجيبي وليدات بصحيحتهم وتعيشي متهنية وخدامة ووليداتك دايرين بيك ومتنسايش تعرضيني ههههههههههههههه

__________________________________________________ __________

>>>> الرد الخامس :

السلام عليكم اختي
علها مهمومة ودايرة في روحك كامل هاكا على جال خدمة يا اختي قارني روحك مع ناس محتاجين ناس مرضى مالفراش ما ينوضونش تحمدي ربي الف مرة فالثانية الحمد لله راكي بمستوى جامعي والخدمة تجي تجي وكان ماجاتش ربي يبعثلك وليد الحلال ديري دارك وتتهناي ماكانش حاجة بعيدة على ربي وما توسوسيش روحك كملي في صلاتك وفالدعاء ويجي نهار وإن شاء الله قريب ربي يفرج وتتفكري معاناتك وتندمي وشوفي مشاكل الناس وهمومهم تهون عليك مشكلتك ورانا ندعولك ربي يفرج عليك إن شاء الله