فجئة وجدت نفسي في مشكلة كبيرة

عنوان الموضوع : فجئة وجدت نفسي في مشكلة كبيرة
مقدم من طرف منتديات العندليب

السلام عليكم




كل ميلود وانتم بخير


مشكلتي اني بينما انا جالس في رحمة ربي في الجامعة جاو ليا زوج بنات يقراو معايا بداو يحكولي على وحدة صحبتهم انها تحبني بزاف بزاف بزاف بزاف كيما قالو باينة بلي انا فرحت بزاف بهاذ الهدرة وبقاو يحكولي على الاشياء الي اديرها على جالي و وراولي وحد الكراس كاتبة فيه عن كل مرة شافتني فيه فمثلا في احد الصفحات كاتبة تاريخ اللقاء و اني ابتسمت لها و قاتلي صباح الخير ورديتلها و مرة اني سالتها على الاستاذ وهكذا و بداو يحلفولي البنات انها جامي حبت واحد قبلي و انها عاقلة بزاف وهكذا لحد الان كل شي هايل





الا ان جاء الخبر الغريب الطفلة هاذي الي تحوس عليا مافيها حتى نقطة تع زين و سمرا بزاف ز فيها شوية حب وماهيش زينة قع انا دهشت مالقيت ماندير و بعد شوي جات الطفلة وهيا حشمانة وقعدت معايا و البنات راحو و انا استقبلتها مليح و بدات تهدر وانا مضم الوقت ساكت و حكاتلي انها خبرت ماماها عليا و انا مصدوم لاني على بالي انو وحدة كيما هيا ماتناسبنيش قع وراني في حيرة كبيرة كبيرة كبييييييييرة لعدة اسباب



1. لان الطفلة حبتني من قلبها و مانيش حاب نجرح مشاعرها

2. حاس انو هاذ الطفلة كيما الي كنت متمنيها في العقالة و التربة ويخصها غي الزين


3. اشعر بالانانية


4. راني نتخيل في روحي مكانها



في الاخير حبيت نمد نصيحة لكل الشباب باه ماتضرالهمش نفس القصة الي صراتلي تجنبو المداسرة تع البنات وماتبتسموش معا الجميع لانك ربما لا اراديا ستجل نفسك معشوق احدى البنات وانت لاتدري وراكم عارفين انو حرام الواحد يلعب بقلوب الناس



في الاخير راني نحوس على الاسلوب الاحسن باه نليكيدي هاذ المخلوقة بدون ان اجرح مشاعرها القصة هاذي صرات نهار الاربعاء انصحوني ارجوكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حاولت ندير الموضوع في قسم مشكلتي وماعرفتش

__________________________________________________ __________

>>>> الرد الثاني :

انت حاول يمكن انها تعجبكم ما يغركمش الشكل في البنات لانو ياما اشكال مليحة و عقلية ما كانش و ياما اشكال عادية و عقليات روووعة و اذا ما دخلتش خاطرك حاول انك تهدر معاها باسلوب حسن و تقلها انكم مش متناسبين بالصح اياك انك تعلقها فيك اكتر و امباعد تقلها مانتوافقوش لانو حتى هيا حالتها تبكي مسكينة و ربي يجيب اللي فيه الخير

__________________________________________________ __________

>>>> الرد الثالث :

ملقيت منقول ربي يهدي

__________________________________________________ __________

>>>> الرد الرابع :

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه

__________________________________________________ __________

>>>> الرد الخامس :

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .