لست صاحبة العضوية مشكلة

عنوان الموضوع : لست صاحبة العضوية مشكلة
مقدم من طرف منتديات العندليب

السلام عليكم في الحقيقة أنا لست صاحبة العضوية و لكني صديقة مقربة للياسمين الحرة منحت لي كلمة المرور من أجل أن أكتب مشكلتي ذ
مشكلتي أيها الاصدقاء مع بيت زوجي هم الحمد لله لا يتدخلون في شؤوني انا اسكن معهم و انا عاملة و زوجي كذلك مرتبنا نحن الاثنين يكفينا ...
ارجو ان تفهموني و تجاوبوني
زوجي عندو الدين واحد ثلاثيم مليون
اب زوجي عامل يخلص 26000.00 دج
فررنا انا و زوجي نمدو للدار 5000.00 دج الى حين يكمل الدين هادوك 5000.00 دج يمدهم للباباه هدا في الشهور الأولى . راجلي كي شاف باباه يخسر دراهم بزاف أي يصرف برك ولا يمدلو هادوك 5000 و يديه للسوق يشريو قاع مستلزمات الشهر : مقرون ، سباقطي ، صابون تاع المشينة ن القهوة و السكر ................إلخ و الله أشراو كلش و هكداك بقى الصرف أداهم بابات راجلي ... للحد الساعة عادي
شيخي يشري غير الحليب تاع الشكارة 05 شكاير و يوم الجمعة دايمن مكاش الحليب لاخاتر شيخي خدام هاد اليوم يتوجب علينا أنا و لا راجلي نشرو و دايمن اعجوزتي تمعني كو راجلها ماعندوش الدراهم .. هادي من جهة
من جهة أخري شيخي يقضي الخضرة .. أعجوزتي الشاطرة تخبي النص لاخاتر هي مريضة ليسطوما و احنا إذا حبينا ناكلو نشرو .... عجب
و البارحة كنت صايمة و كان عندي خدمة لراسي
كي دخلت لدار نلقاها قاع مخربة كوزينة خاصة لقيت عجوزتي تعجن غير شافتني دخلت للكوزينة راحت خلاتني و حدي صايمة و شغل لراسي راحت تتفرج مسلسل فاطمة و كانت الثلاجة فارغة والــــــــــــو حتى حبة بصلة مكاش و هي كانت مخبية بطاطا و زرودية باش تطيبهم تاكلهم في الغدا و الله العظيم ماخسرت كلمتها تقولي هاكي طيبي واش حبيتي راك صايمة و الوقت فات
.................
.....................
....................
انا حكيتلكم حبيت نشوف ردودكم كيفاه نتعامل مع عجوزتي و الله انا نشري كاش فاكهة دايمن نسبق فيها هي حبة بطاطا عزتها عليا ............
واش رايكم كيفا نتعامل معاها ...
شكرا لك ياسمين عل منحي الفرصة انا انتظر


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حاولي تهددري معاها و تتفاهمو
احكي لزوجك دون اثارة مشاكل
و اذا ممكن استقلو في بيت وحدكم هكدا احسن

__________________________________________________ __________

>>>> الرد الثاني :

اختي نشكىك على وضع ثقتك فينا
انا من رايي اتفاهمو مع بعض بالتي هي احسن بلاك المصروف ما كفاهمش حابتكم تزودو

__________________________________________________ __________

>>>> الرد الثالث :

الله غالب يا اختي..........ما تحبكش.....معذرة.
اقترح عليك .مرة على مرة شريلها حاجة كادو ........و تسقم روحها بادن الله
من وزاوية اخرى ...نلاحظ العجوزة هادي وفية لزوجها....هههو تخمم على جيبو...
ان شاء الله الاخوات يعطوك حل

__________________________________________________ __________

>>>> الرد الرابع :

ديري النية يسلكك ربـــي

__________________________________________________ __________

>>>> الرد الخامس :

ملاحظة لو سمحت
المراة الخدامة في المحيط نتاعنا
ادات شيعة .....ماترحمهاش عندها صوارد.....اضرب فيهم قبل ما تعلقهم دهب