السكن مع اهل الزوج أو المستقل أحسن؟؟؟ تم الاجابة

عنوان الموضوع : السكن مع اهل الزوج أو المستقل أحسن؟؟؟ تم الاجابة
مقدم من طرف منتديات العندليب

السلام عليكم...أول مرة اكتب في هذا الركن انشغالي عسى اجد عندكم النصح و الارشاد....أنا يا جماعة مريت بتجربة زواج فاشلة انتهت للاسف بالطلاق...رغم ان كل الضروف المادية للحياة من مسكن مستقر و لوازم متوفرة عندي الا ان الاستقرار النفسي بسبب المشاكل و عيوب الزوج واهله كان منعدما.كنت ابقى في البيت و يغلق علي الباب و لا اخرج الى مكان و لا يجيني احد..فأمضي وقتي كئيبة احدث نفسي و احاول اشغال فراغ الوقت و الذي مرضني نفسيا و شبح الوحدة كذلك..المهم قدر الله و ماشاء فعل..الآن بعد سنوات تقدم لي شخص آخر لابأس به على العموم في منطقة اخرى عن منطقتنا خيرني في مسألة السكن ان اقيم مع اهله او اسكن وحدي....بصراحة صرت خايفة ان تتكرر معاناتي ووحدتي في منطقة لا اعرفها لو اسكن لوحدي...و في نفس الوقت اخاف من المشاكل لقدر الله مع عائلته لو اسكن معهم...وساعات نقول ربما السكن معهم احسن على الاقل احس انني متزوجة و مع عايلة نكون لهم بنت و يكونو لي اهل...والللله ما عرفت شكون اللي خير..
معظم النساء يفضلن السكن المستقر الا ان تجربتي المريرة و ذكرياتي المؤلمة اعطتني انطباع سلبي عنه...لكن لا اضمن حسن طباع اهل زوجي معي لو اسكن معاهم..الله اعلم...أنا والله متمنية نحظى بأهل جدد و علاقة متينة ..لاني حرمت من هذا في زواجي الاول...و انشالله لو كنت أعمل ايهما يوالمني كثر في رايكم؟؟؟الى المجربات اقتراحاتكم و نصائحكم...و ادعولي نتوفق في حياتي خطراه تعبت بزاااااااااف والله و خايفة من اعادة الزواج و الفشل...ادعولي و ربي يبارك فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي هي حسب الحالة
واستطاعة الزوج وحسب حالة والديه
من غير المعقول والديه كبار بزاف في السن ومراض يعني رح تقدري ترقدي هانية وتخليهم؟ مستحيل اما خلاف هذا فذلك ليس فيه عيب ان كان الزوج مستقل وزيد اللي يحبه يسكنه في غرفة في شقة كيفاش ترقدي وولادك راقدين معاك؟؟؟؟؟؟؟ وزيد متقدريش تكوني على حريتك وخاصة ان كان اخوة الزوج معاكم يعني حجاب في الخارج وواحد في الدار ههههههههههههه شعرك تولي تلقطي فيه بالكوطا نضحك برك
كيما قتلك حسب حالة الزوج

__________________________________________________ __________

>>>> الرد الثاني :

المشاركة الأصلية كتبت بواسطة كاميلا https://3andlib.xplainer.net/images/...s/viewpost.gif شوفي هي حسب الحالة واستطاعة الزوج وحسب حالة والديه من غير المعقول والديه كبار بزاف في السن ومراض يعني رح تقدري ترقدي هانية وتخليهم؟ مستحيل اما خلاف هذا فذلك ليس فيه عيب ان كان الزوج مستقل وزيد اللي يحبه يسكنه في غرفة في شقة كيفاش ترقدي وولادك راقدين معاك؟؟؟؟؟؟؟ وزيد متقدريش تكوني على حريتك وخاصة ان كان اخوة الزوج معاكم يعني حجاب في الخارج وواحد في الدار ههههههههههههه شعرك تولي تلقطي فيه بالكوطا نضحك برك كيما قتلك حسب حالة الزوج

هههههههههه فهمتك عندك الحق في هذي..بصح دارهم كبيرة بزاف ارضي مش شقة..شكرا حبيبتي

__________________________________________________ __________

>>>> الرد الثالث :

جربي و شوفي.اسكني معاهم و عينك ميزانك و لاقدر الله اذا صرا مشكل يستاعل الاستقلال ببيت منفصل ما نظنش حتى راجل يرفض هاذ الفكرة حتى يعيش هو و مرتو مرتاحين.
الحل موجود ان شاء الله و الناس معادن و فيهم الطيبين و ان شاء الله اهلو يكونوا من اهل خير و انت تاني خليهم يحبوك..

__________________________________________________ __________

>>>> الرد الرابع :

المشاركة الأصلية كتبت بواسطة ام البنوتة https://3andlib.xplainer.net/images/...s/viewpost.gif جربي و شوفي.اسكني معاهم و عينك ميزانك و لاقدر الله اذا صرا مشكل يستاعل الاستقلال ببيت منفصل ما نظنش حتى راجل يرفض هاذ الفكرة حتى يعيش هو و مرتو مرتاحين. الحل موجود ان شاء الله و الناس معادن و فيهم الطيبين و ان شاء الله اهلو يكونوا من اهل خير و انت تاني خليهم يحبوك..

نشالله حبيبتي ..سما نسكن معاهم في البداية؟و كيفاه نخليهم يحبوني ؟علابالك انا حماتي الاولى ما تقعدش معايا براحتها تعاملني كالضيفة رغم اني حااااااااولت ديما حااجز حديد بيناتنا..

__________________________________________________ __________

>>>> الرد الخامس :

هو كلش على حساب اهل زوجك اذا كانو في بزاف عندك الحق تتشرطي لأنو مهما طولتي راح تخرجي بدارك
اما اذا كان شيخك و عجوزتك وحدهم لازمك تقومي بيهم

و ربي يجيبلك الخير يارب و يكملك