كيف أبني حياتي مجددا تم الحل
عنوان الموضوع : كيف أبني حياتي مجددا تم الحل
مقدم من طرف منتديات العندليب
بعد طلاقي وليت خايفة أني نخرج للشارع حاسة كانني درت حاجة عيب مع ان الناس كامل تشهد بأخلاقي و الحمد لله و الله أن نفسيتي مدمرة عمري 20 سنة و عدت حاسة ان عمري 40 كيفاش نعاود نبني حياتي من جديد ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي لعزيزة انتي برك راكي توسوسي في روحك اخرجي عادي و انساي الماضي
ارمي كل حاجة تفكرك في الماضي
اعملي او اكملي دراستك عاادي
لست الفتاة الاولى او الاخيرة اللي تطلقت
و هدرت الناس ميش رايحة تدخلك للجنة ولا النار
تحيااتي
__________________________________________________ __________
>>>> الرد الثاني :
انا نعرف وحدة نفس القصة وكان عندها بيبي كملت دراستها وراها استاذة وعاودة تزوجت وكانه شي ماصار
الحمد لله انك خرجتي من هذه التجربة بلا بيبي تحيري فيه
وحنا نقولو *** اللي طلقني و انا صغيرة فضل عليا *** صافي دار مزية
ارمي كل شي وراك الحياة مازال تستنى فيك
__________________________________________________ __________
>>>> الرد الثالث :
السلام عليكم
أختي
حطي إيمانك
بربي هو القادر
على كل شيء
كوني قوية
ولا تضعفي
الحياة تستمر
لا تتوقف الحياة
بهذا الطلاق
ولكن عزيزتي
أعرفي كيف تمشي
وخصوصا انت في سن صغير
وانت تعرف المجتمع كيف ينظرون
للمراة المطلقة
إن شاء الله ربي
أيكون معاك يارب
وإن شاء الله ربي يرزقك
بواحد أيصونك
ويحفض كرامتك
من كل سوء يارب
__________________________________________________ __________
>>>> الرد الرابع :
السلام عليكم أختي
ما شاء الله عليك صغيرة وجاية للدنيا متقوليش هكذا يمكن تجربة كانت صعبة عليك حسيتي روحك أكبر من سنك وتان متشوفيش للناس صدقني مراحش يجو معاك ولو كنت أحسن واحدة راح يلقاو شيء يزعفوك ويقلقوك به
باش تبني حياتك لازم تشغلي وقتك وأصنعي هدف لنفسك
متلا تعلمي حاجة حرفة في يديك ونميها وحبيها شوفي أي شيء تمنيتي ديريه ومساعدكش وقت ديريه دوك راح تخرجي من حالة لي راكي فيه وتنساي وتقربي من ربي سبحانو وطلبي من ويعاونك والله رايحة تنجحي وراح يبعتلك نصيب أحسن من لي راح مي طنشي لهدرة الناس ردي بالك تأخذيها بعين إعتبار لأنو مراحش تقدري تعيش وتكملي
ياك طفلة إذا متزوجتش يقولو مزال وإذا ربي مرزقهاش بحمل يقولو مزال يعني يدخلو في كل شيء
ربي يفتح عليك يارب ويفرج عليك ويعوضك إن شاء الله
__________________________________________________ __________
>>>> الرد الخامس :
السلام عليكم
الطلاق حلال من عند ربي مدرتيش الشيء لي يغضب ربي الحمد لله صدقيني المهم تكوني راضية عن نفسك و ايمانك قوي هذا اهم شيء اما الناس عمرها ما تبني بيوت الهاي في روحك خلي عندك ارادة اذا واصلة لمستوى كملي دراستك و ديري الثقة في ربي والله غير يجيبلك الحاجة لي انتي تحيري فيها
وفقك الله اختي
