انا الي غالطة ولا خطيبي مشكلة

عنوان الموضوع : انا الي غالطة ولا خطيبي مشكلة
مقدم من طرف منتديات العندليب

مساء الخير حبيت نشكيلكم وتحكمو بيناتنا
عرس اخت خطيبي غدا وخطيبي ما عرضش خويا الي في عمرو 24 سنة مع انو انا درت 3 انواع قاطو والله جوز ولوز وشراتلها ماما سنية تهبل واختي دارتلها عطر من لملاح واخي الي عليه المشكل مداير مع صاحبو مشروع يكرو حوايج لعراس عطالو الطاولات باطل وهكاك معرضوش للعرس كي لمتو زعف وهز روحو وقالي نسيت وراني عرضت باباك يجي معاه قتلو خويا راجل يتعرض باسمو ماشي يتبع في بابا وزيد راهو شبعان ماشي يمشي على كرشو زعف خلاص وحنا متفاهمين يجبلي من لعشا تاع اختو لدار على خاطر حنا جيران قتلو بلا نحرجك انا ما نحكموش وكن نحكمو نطيشو قالي بديتي في الحرب والعرس ما بقالو غير ايام اتفكري وكوبيت انا انا اي غلطت ولا هو
وشكراا لكل من ير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي
إسمحيلي نقولك إنت غلطت هو صح غلط ما عرضش خوك خليهم بيناتهم الرجال ممكن خوك يلقاه وبضحكة يولي الامر عادي إنت علاه كبرتيها وما تحكميش العشا وتقوليلو في وجهو نرميه لا إسمحيلي اختي نقولك إنت غلطت خليهم هو وخوك رجال مع بعض ما دخليش روحك بيناتهم صح دار غلطة لن خليه هو يعالجها وعمرك ولا ديري هذي الغطلة دخلي روحك في مسألة بين الرجال حتى لو كان هذا خوك ولو يجيب العشا عادي شديه ماشي من باب الاكل او جيعانة ماكانش اللي يجعان كامل رانا ناكلو الحمد لله لكن ما باب تربيتك واش يقولول اهلو لما ترديها عيب في حقو ما تبهدلهش امام اهلو واللي بين خوك وبينو يدبرو روسهم رجال من راي احكي معاه عادي لو عيطلك وكوني عاقلة ورزينة موفقة

__________________________________________________ __________

>>>> الرد الثاني :

سلام اختي عندك الحق اختي كي زعفتي و من حقك انو يعرض اخوك لكن كيما يقولو مول العرس معذور دايما هارج و معظم المدعويين ينساوهم انا من رايي انو يروح يعتذر من اخوك و يطيب خاطرو و يديه للعرس و انت ما تكبريهاش بزاف و حاولي تصلحي بينهم و ما تمديش اهمية كبيرة لهذه الامور لانها بعد الزواج تلقايها امور تافهة

__________________________________________________ __________

>>>> الرد الثالث :

هذا خطيبك ولا زوجك دايرين عقد شرعي؟
اذا كنتو متزوجين ممكن تلوميه لكن مش تكوبي عليه الهاتف هاذي كبيرة!!
وفي هذه المناسبات الإنسان ينسى خوه ووالديه فما بالك بواحد آخر


__________________________________________________ __________

>>>> الرد الرابع :

السلام عليكم اختي في الاول ممكن خطيبك غلط مي نتي بش تكوني امراة في المستوى حاولي نتي تصلحي خطا خطيبك امام اخوك و ربي يكون معاك مي حاولي ومتخسريش شريكك اختي الفاضلة
والسلام

__________________________________________________ __________

>>>> الرد الخامس :

أولا راهي عيب في حقو هو كي ما عرضش خوك,

لكن اختي ردة فعلك عنيفة فوق الحق,