هل اقطع صلة رحمي انصحوني مشكلة

عنوان الموضوع : هل اقطع صلة رحمي انصحوني مشكلة
مقدم من طرف منتديات العندليب

السلام عليكم

ارجو ان اجد عندكم حل لمشكلتي
انا فتاة من عائلة محترمة ولها مشاكل الرحم ووقعت انا ضحيتها في شهر جانفي الفارط تخطبت من زوجي لي كان يقرا معايا وفي نفس الشهر حلت الافراح على عائلتي يعني انا وبنت خالتي وخالي كامل تخطبنا في نفس الشهر ولاكتظاظ الافراح كا شهر دار واحد فينا الحنة نتاعو كان حالي اولا ثم بنت خالتي ثم انا عندي جد واحد الي هو اب امي وليس لي جد ولا جدة ولا عم من ابي ماتوا ربي يرحمهم حتى اني منعرفهمش وعمري ماشفتهم المهم جدي الذي هو من امي حضر في جماعة ابنو وبنت خالتي ولما لحق وقت جماعتي رفض الحضور راح بابا توالوا قالوا ارواح تحضر تلفو يعني طردو من البيت وقالو منستعرفش بيك انت وولادك بحجة ان ابي لا ذهب الى بيت جدي في الاعياد لكن وربي راه شاهد بابا ديما يلقاوه في الشدايد المهم جازت جماعتي بحضور اخوالي واولاد عماتي وحسيت روحي محقورة من طرف جدي الذي احمل انا وهو نفس اللقب يعني جدي ولد عم بابا تصوروا القرابة
وفي لحظة غش وغضب مني قلت لجدتي اني لن احضر عرس خالي وانه لم يعد لي جد فانا لم اعرف ولم احس بقيمة الجد ابدا قامت مستهزءة وقاتلي ماعندي مانديرلك
وبعد الحنة نتاعي راحت ليهم امي ولومت عليهم وكي جات للبيت جات مضغوطة لدرجت انها مرضت وباتت في السبيطار ولما جاء جدي لسبيطار امام الناس برك لم يدخل حتى باش يشوف بنتو زاد كذب عليا وقالهو قاتلي عليا ***** حاششششششششششششششششششششششششششششششششاكم يا ناس انا مستوايا وثقافتي ميسمحوليش نقول قول كيما هذا
جات ليا جدتي وقاتي انو جدك دعاك من شدة غضبي قلت لها ربي يعرف ***** وجدي مهوش نبي ولا ولي صالح تقبل دعوتو قامت من غضبها وخرجت من الدار
وانقطعت علاقتي بهم منذ ذلك اليوم
انصحوني واش ندير في عائلتي ليس هناك من يدعو للرحمة وكلهم اخذوا موقف مني على اساس كذبة جدي وجدتي لي مترحمش القاسية
هل اقطع ناس لايعترفون بي
في منامي دائما نشوف جدتي وجدي يقولولي سامحينا وانا حلفت مانسامحش
دبروا عليا وجزاااااااااااااااااااكم الله خير عني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله وبركاته
شوفي يا أختي قطيعة الرحم هاذي انسيها
وما تزيديش تهدري عليها
وجدك هذا انسان كبير وواجب عليك تحترميه
وما تقوليش قال ودار وعمل ووووو اخطيك من هاذو
قال رسول الله - صلى الله عليه وعلى آله وسلم - : لا يحل لمسلم أن يهجر أخاه
فوق ثلاث ليال يلتقيان فيعرض هذا ويعرض هذا
وخيرهما الذي يبدأ بالسلام متفق عليه.
كوني خيركما ادهبي عند جدك واطلبي سماحه وعفوه
واعلمي انك خير منه
اعلم انها صعبة لكن ارضي رب العباد ولا تهتمي بالعباد
والله المستعان

__________________________________________________ __________

>>>> الرد الثاني :

المشاركة الأصلية كتبت بواسطة naamane3 https://3andlib.xplainer.net/images/...s/viewpost.gif السلام عليكم ورحمة الله وبركاته شوفي يا أختي قطيعة الرحم هاذي انسيها وما تزيديش تهدري عليها وجدك هذا انسان كبير وواجب عليك تحترميه وما تقوليش قال ودار وعمل ووووو اخطيك من هاذو قال رسول الله - صلى الله عليه وعلى آله وسلم - : لا يحل لمسلم أن يهجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام متفق عليه. كوني خيركما ادهبي عند جدك واطلبي سماحه وعفوه واعلمي انك خير منه اعلم انها صعبة لكن ارضي رب العباد ولا تهتمي بالعباد والله المستعان

شكرا على المرور لكن يا اختي جدي نفاني واخوتي من دارو وقد سبق له وان فعلها مع خالي نفاه 14 سنة وكي يروح ليه يتلفو انا خايفة نروح ويتلفني كيما تلف ابنو وبابا

__________________________________________________ __________

>>>> الرد الثالث :

يا اختي صلة الرحم واجبة و تزيد في العمر و في الرزق
و المسامح كريم
و نصيحة ليك ما تزيديش ترجعي لكلام و الا تقابحي جدك و الا جداتك مهما كان نتي صغيرة و هوما اكبار و ادا حبيتو حاجة ماشي نتي اللي تواجهي كاين امك و باباك كبار و يعرفو يهدرو
ما تزيديش تدخلي روحك مع جدك و جداتك حتى ادا الموضوع خاص بيك خلي والديك يدبرو راسهم

__________________________________________________ __________

>>>> الرد الرابع :

المشاركة الأصلية كتبت بواسطة wafa16 https://3andlib.xplainer.net/images/...s/viewpost.gif يا اختي صلة الرحم واجبة و تزيد في العمر و في الرزق و المسامح كريم و نصيحة ليك ما تزيديش ترجعي لكلام و الا تقابحي جدك و الا جداتك مهما كان نتي صغيرة و هوما اكبار و ادا حبيتو حاجة ماشي نتي اللي تواجهي كاين امك و باباك كبار و يعرفو يهدرو ما تزيديش تدخلي روحك مع جدك و جداتك حتى ادا الموضوع خاص بيك خلي والديك يدبرو راسهم

شكرا على المرور العطر

__________________________________________________ __________

>>>> الرد الخامس :

السلام عليكم ورحمة الله احسست بعد ان ركزت كثير في قصتك ني اشاهد فيلم باب الحارة

من كثرة الزعاف والغضب الذي يسود عائلتكم .........ليس هكذا يتصرف العقلاء ولا يجب الرد على الاكبر بهذه الطريقة

لأن إحترام الكبير واجب إذا لم يشأ أن يحضر جدك فهذا شأنه المهم لديك والديك

انصحك ان تبتعدو عن المشاحنة والغضب ..........وربي يصلح احوالك