عنوان الموضوع : انصحوني مشكلتي
مقدم من طرف منتديات العندليب
السلام عليكم و رحمة الله و بركاته
انا عايشة في دار العايلة عندي ندة ششهر و عجوزي ماهيش تهدر معايا
و السبب ما نعرفوش حكمتها سقسيتها قتلها وا كاين قاتلي ما كان والو
كي تشوفهم عادي وكي يخرجو تشنف و تتخنز فيا حاولت شحال من مرة
باش نهدر معاها و نقصر معتهت بصح لا حياة لمن تنادي كرهت من النضرة انتاعها
و نقرتها جاينا سيدنا رمضان كيفاش ندير انصحوني و كبرولي قلبي بارك الله فيكم
و صح رمضانكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ساعفيها برك و اتقربيلها ديريلها واش تحب ..............
ربي معاك
رمضان كريم
__________________________________________________ __________
>>>> الرد الثاني :
السلام عليكم اختي
انا نظن عجوزتك سامعة هدرة او شافت تصرف منك إنت ما نتبهتيش باللي شافتك من ٍاي حاولي بكل الطرق ترضيها عليك والحمد لله باينة مأصلة لانك مقلقة لما راهي زعفانة منك ساعفيها اختي إعتبري هذي امك راهي مقلقة منك هل يا ترى لو يماك تخليها زعفانة عارفة لالا إمالا حوالي ودخلي راجلك بيناتكم يسألها وحشميها بأغلى الناس عندها المهم تقربي منها تبقى مرا كبيرة ويجي نهار تكبري كيما هي ربي يوفقك
__________________________________________________ __________
>>>> الرد الثالث :
عليك ان تصبري عليها حتى و لو تنرفزت عليك عامليها بالحسنى و قدمي لها ما تطلب و ليس واجبا عليك ان تتكلمي معها دعيها و شانها حتى تعود اليك بعدما تتاكد ان معدنك طيب
__________________________________________________ __________
>>>> الرد الرابع :
ان الله مع الصابرين كاينين خرين هكا نتي ديري لعليك وخلي كلش على ربي الله يكون معاك ويعطيك الصبر
__________________________________________________ __________
>>>> الرد الخامس :
اختي انت ابقاي هكذا يعني تقربي منها و هدري معها عادي حتى و ان جاوبتك من فوق خشمها المهم ما تربحيش العيب معاها و باه متغلطيش و ان شاء الله تتصلح الامور يجي نهار و تكره من الخزرة و يجي نهار و تسحقك و تهدر معاك
جربي اشريلها هدية و او حاجة تحبها و قولي كي شفتها قلت نديها لخالتي ( عجوزتك )
