عنوان الموضوع : أشيروا علي ماذا أفعل ؟
مقدم من طرف منتديات العندليب
السلام عليكم .
أنا فتاة تجاوزت الثلاثين و حتى لدركا ما تزوجتش ،في الاول ماكنتش فاهمة علاه ،بصح دركا راني اصبحت نشك بلي السبب هو التصفاح ...
نعم انا ماما و عن جهل داتني كي كنت صغيرة عند امراة صفحتني و هاد المعلومة سمعتها من خالتي ،لاني انا و ماما ما نحكوش في هاد المواضيع ،حاولت نفهم علاه غير انا لي متزوجتش في صحاباتي رغم انو كاين اللي انا خير منهم بزاف ..مانحكيش على الزي لاني متوسطة الجمال بصح من ناحية الاخلاق و الله ياخاوتي كنت من الجامعة للدار و مازلت دركا من الخدمة للدار و الكل يشهد و يضرب المثل باخلاقي و تربيتي و عمري ما خرجت مع واحد ..المشكل اني نلاحظ الاعجاب في عيون الناس بصح واحد ما يطبطب على دارنا ..
انا محتارة كيفاه نحي هاد التصفاح من جهة مستحيل نحيه عند المرأة لي صفحتني لأني رايحة نحي السحر بالسحر و من جهة مانقدرش نروح عند راقي وحدي و ثاني مانقدرش نفاتح دارنا في موضوع كيما هادا لانو حنا متربيين على الحشمة بزاف و الرقاة لنعرفهم و يديروا الرقية في الماء نشك في أنهم من التقاة لان اغلبيتهم يرقو من اجل الربح يعني بالدراهم.
انصحوني واش ندير و ادعولي ربي يرزقني برجل صالح كيما نتمنى عاجلا غير اجل.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حملي كتاب
الصارم البتار في مواجهة السحرة الأشرار
وأرقي نفسك به فهو كتاب مفيد جدا في هذا المجال
__________________________________________________ __________
>>>> الرد الثاني :
عادي رقي الماء بنفسك أقراي على الماء أيات الرقية
و حطي في الماء 7 ورقات سدر
و أغتسلي بيه و من بعد أرميه في التراب مش في الحمام
و برك و بإذن الله تشفي
و ربي يرزقك الزوج الصالح عاجلا غير آجل
و أكثري من الإستغفار و قراءة القرآن و الدعاء
__________________________________________________ __________
>>>> الرد الثالث :
السلام عليكم
سمعت المفتي بنفسي .....أن على الإنسان أن يرقي نفسه بنفسه و إستشهد بالرسول صل الله عليه و سلم
و الله أعلم
__________________________________________________ __________
>>>> الرد الرابع :
السلام عليكم
ماذكرته في الاعلى ينم عن جهل قبلا استغفر الله لست اقصدك انت بل الجهل العام في امر كهذا
اما عما قلت فلا دخل للسبب الذي ذكرته بعدم زواجك صدقيني فالزواج مقدر
لكن الامر موجود وعليك ان ترقي نفسك بالقران ما استطعت فراجعي الرقية الشرعية
واسال الله تعالى ان يرزقك الزوج الصالح وجميع بنات المسلمين
__________________________________________________ __________
>>>> الرد الخامس :
لم افهم شيئ واش هو هذا التصفح ؟؟
