هل اسافر بدون محرم تم حل المشكلة
عنوان الموضوع : هل اسافر بدون محرم تم حل المشكلة
مقدم من طرف منتديات العندليب
السلام عليكم
انا مغتربة في امريكا و عندي ثلاث سنين ما هبطتش للبلاد و الصيف هذا باذن الله رايحة و راني فرحانة بزاف لكن الشيء لي مقلقني هو السفر بدون محرم
راجلي مايروحش معايا لكن من بعد يلحقني و نرجعو مع بعض و السبب هو الخدمة تاعو وحتى كي عطاوه عطلة غير ٢٥ يوم و جاتني بزاف نغيب كل هاذ المدة و نصرف قريب ٥٠٠٠ دولار و نبقى ٢٥ يوم برك و في الوقت ذاتو مانيش حابة نغضب ربي
حوست في النت على فتاوى السفر من غير محرم و طبعا لقيتها حرام لكن لقيت فتوى تقول اذا وصلك محرم للمطار و استقبلك واحد اخر حلال لكن عندي مشكلتين اولها اني مش متاكدة من الفتوى و المفتي و الثانية اني لازم نركب زوج طيارات يعني يركبني راجلي في شيكاغو و نهبط في المانيا و نبقى ساعتين و نزيد نركب للجزائر و يستقبلني بابا
مع العلم ان ٢٥ يوم قليلة خلاص يومين يروحو في المروح و يومين في المجي يعني بقاو ٢١ يوم و اولادي لازم يتعرفو على اهلنا ثما اصلا هوما مايعرفوش زوج من اولادي غير من الس ك ا ي ب و الثالث ماهوش متفكرهم خلاص
من فضلكم لي يعرف كاش امام يسقسيهولي و راني كتبت الحالة تاعي بالتفصيل باش تعاونوني و لي يعرف موقع موثوق تاع الفتاوى يكتبهولي وجزاكم الله خيرا
ارجو من المشرفين ما يحولوش الموضوع لانو هذا القسم يدخلوه ناس بزاف يمكن نلقى لي يعوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://fatwa.islamweb.net/fatwa/index.php
__________________________________________________ __________
>>>> الرد الثاني :
يا اختي انا والله ما نعرف في الفتوى بصح اذا عندك اولادك شوية يعرفو صلاحم يكون هو المخرم تاعك وتقبلي مروري
__________________________________________________ __________
>>>> الرد الثالث :
شكرا اخواتي اختي انغام المنى ابني الكبير عمرو ٥ سنوات
__________________________________________________ __________
>>>> الرد الرابع :
السلام عليكم
و الله غير راني حاسة بيكي اختي انا بعيدة على دارتا غير ب 600 كلم و المشكل هادا مؤرقني يا وين انتي
يمكن راح يكون فيه تعقيب على واش راح تقولك مي هاذا مجرد راي لا فتوى و لا نصيحة و لا اي شيء
لوكان تحطيت انا في بلاصتك 3 سنين ما شفتش والديا و اولادي ما يعرفوش الاهل و يوافق زوجي اني نروح وحدي تروح ما نكذبش عليكي
__________________________________________________ __________
>>>> الرد الخامس :
انا تاني تحطيت في نفس المشكل العام اللي فات و سال زوجي اكثر من مفتي . و سالنا كريم ابو زيد اللي يجي في قناة guide us tv ادا كنت تعرفيه راهو شخص دو علم ماشاء الله و يفتي في امور تخص الجالية المسلمة في امريكا قالنا لا يجوز مهما كانو ظروفك للاسف .
انا سافرت مع زوجي و اضطريت نقعد 3 اشهر و من بعد زاد جا ليا قعد 4 ايام و روحنا .قالي نخسر حق التيكي و يعوضني ربي خير
درك لازم عليا نهبط نخدم وحد الاوراق و ياخدولي الوقت اكثر من شهر و كما قلتي زوجي مايعطوهش اكثر من 3 اسابيع.
و الله راني حايرة في روحي بصح زوجي غير متساهل فالامر هدا.
ربي يسرلك امرك اختي.
