حدثت لي مشكلة بسبب قسم مشكلتي تم حل المشكلة

عنوان الموضوع : حدثت لي مشكلة بسبب قسم مشكلتي تم حل المشكلة
مقدم من طرف منتديات العندليب

السلام عليكم جميعا
اولا لأم اكن اتمنى ان أصل يوما إلى أن اكتب عن أمر يحدث بيني وبين عضوة لكن للأسف أضطررت لهذا
الذي حدث انني تلقيت دعوة من اختي جيل لأساعد إحداهن في مشكلتها او انصحها واظنها تعرف نفسها من تكون
لما قرأت مشكلتها اردت التواصل معها وفعلا حدث التواصل وتكلمنا عن مشكلتها
اللي صرا إنو اختنا هاته وثقت بي وحكت لي مشكلتها وانا ساعدتها بالنصح وكأنها اختي الصغرى ووثقت بها جدا
الاخت الكريمة يبدو أنها لم إعتادت على تحكم صديقها بها اعطته رقم هاتفي او اخذه من عندها او لا ادري كيف عرف بعلاقتي بها
الاخير يتصل بي يوميا ليلا ويزعجني ويرد التعرف نبهته وهددته ولا جدوى
تقولون لي مريم غيري الرقم ترتاحي
رقمي قديم ومعروف عند اهلي وصديقاتي وماشي انا نبدل طريقي على جال ناس يديرونجوني لانو واجدة لأي مشكل والحمد لله ربي معايا
نقول للاخت هذي خسارة الثقة اللي وثقتها فيك وانا إعتبرتك أختي وهذا السيد باغي يتعرف يبدا بامو واختو وبيك إنت لما يبقالو الوقت يجي عندي نوصلو وين يخلصها مليح لانو إذا ما توقفش راحا نقدم شكوى فيه
للاسف ما خليتيليش حتى مجال وين نبعثلك ماراكيش تتصلي ورقمك راحلي والسي خونا إنت إختفيتي وه كل يوم يعيطلي واش يحوس عندي مش فاهمة
من الأحسن تقوليلو انا صعيبة بزاف وب 100 راجل ممكن حكتلو او عارف اني وحدي عقلو راح لبعيد صدقيني معايا يخلصها غالية بزاف
هذا حق اللي دير ثقة
اختي جيل بارك الله فيك وعارفة إنت بحسن نية لكن هي ربي يسامحها
شكرا لكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يهدي ما خلق
هدو لي يسميوهم حلابين
جي تدير الخير تندم
على كل حال، الحمد لله كي راكي بخير الأخت مريم

__________________________________________________ __________

>>>> الرد الثاني :

اختي لي الشرف اني ننصح المتزوجة المخطوبة ...ونتعاطف معها لكني مايكونش لي الشرف اني ننصح او نتعاطف مع وحدة عندها مشكل مع صاحبها----لانك قلت صديقها----لان ببساطة علاقة غير شرعية غير مبارك فيها......وفخار يكسر بعضه....ولوكان توصل بيناتهم للل....المهم نعطيك حل كيعيطلك حلي التلفون وخليه رايحة تخسريه ومع الوقت يكره...ويحبس وراهي كينة اوبسيون نتاع لا ليست روج....اي رقم غير مرغوب فيه مايمرش....وكاينة اوبسيون يمر الا النوامر الي كاتبتهم في لا ليست .....وربي معاك

__________________________________________________ __________

>>>> الرد الثالث :

مريم واش صااااااااااااااااااااااار انا عندي مدة انسحبت من المنتدى وهذيك ربي يجازيها على الثقة لي درناها فيها ما توقعتش تعمل هاك
خسارة و لوكان سقسيتيني نقلك ما تمديش نيميروك تاع التلفون مهما يكون والله راني ندمت لي عاوناها وقتلك تعاونيها

__________________________________________________ __________

>>>> الرد الرابع :

حسبنا الله و نعم الوكيل

__________________________________________________ __________

>>>> الرد الخامس :

معليش مريم أختي ، اتقي شر من أحسنت إليه يوما

أظنني تعرفت إلى نفس الفتاة ،ولكن رقم الهاتف يا

مريومة الغالية ، حتى لو كانت فتاة ملازمش نغلطو

نمدولها .المهم نتي نويت خيرا وربي يجازيك ،فعلا

تلك الفتاة إختفت وكأنها طيفا ،ربي يهديها وخلاص

راه صرالك كيما جا يسعى ودر تسعة ههههههه

كان الله في عونك في التخلص من إزعاج المكالمات