البرج اللي في راسي رح يطير مشكلة
عنوان الموضوع : البرج اللي في راسي رح يطير مشكلة
مقدم من طرف منتديات العندليب
السلام عليكم
بعد ما قلتلكم مشكلتي في موضوع واش ندير مع مكتوبي
والمشكلة باختصار هو تدخل خالة زوجي في موعد العرس بعد انتظاري له مدة 3 سنوات
الان خالته طقت في دماغها تروح للخارج للبنان وقاتلهم منجيش منا حتى للربيع https://3andlib.xplainer.net/images/...s/confused.gif وعجوزتي تتحجج باختها لازم تكون اختها معاها ؟
انا راه مازالي شعرة ونفد وخفت انا وامي نقولوا لابي لحد الان مزلت مهدرتش معاه امي يعني حطيناها هدرة برك وللان مزلت منيش مآمنة بالشيء اللي يصرا
لا ادري زوجي قالي العرس يندار في الموعد راحت والا مراحتش ودرك امه تقوله كيفاش تعوج هدرتنا
بقالي حل وحيد يا يديروا العرس يا نبطل درك كون يزيد يتأجل نولي 4سنين راني وليت مخللات https://3andlib.xplainer.net/images/smilies/1.gif راني من الزعاف نضحك رح دخلني في عقلي هاد الحماة واختها وبنتها https://3andlib.xplainer.net/images/...s/confused.gif
وكون يسمع ابي رح يقولهم يا عرس يا مكانش وانا منيش حابة نخسر زوجي اللي منشوفش في الدنيا غيره وتحملت عليه كل شيء https://3andlib.xplainer.net/images/smilies/frown.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لازم الوالد و الإخوة يكونوا على عِلم
__________________________________________________ __________
>>>> الرد الثاني :
وين رهي كلمت الرجال
__________________________________________________ __________
>>>> الرد الثالث :
يا اختي زوجك لي يتصرف في هذا الموقف لازم تكون عندو كلمة العرس عرسو هو لا امو ولا خالتو
اسمحيلي مانيش نخيب في القلوب مي هدي اسمها سيطرة وخالتو يمكن من الناس (المرفهين) وهدا الصنف يحبو الناس يمشوا بأمرهم وحسب جداولهم
درير العرس بلا خالتو انا خوالي وخالاتي بعاد علينا معظم اعراسهم ما يساعفناش الحظ نحضروهم ومامتناش هههه (امزح)
ربي يسهلك وتتزوجي في اقرب وقت ديري موقف لكن دون الضغط على زوجك او خلق مشكلة لا تعلمين عواقبها
و الاهمممم هذه المواقف و التواريخ يحددها الرجاااال يعن والدك مع زوجك و والده او اخوته
__________________________________________________ __________
>>>> الرد الرابع :
غير على خالتو برك
هههه انا كنت في الخدمة الوطنية و خويا دار العرس
و ماقالوليش اصلا بلي رايحين يديرو العرس
رجعت للدار لقيت خويا في دارو الجديدة مع زوجته الحامل ههههه
__________________________________________________ __________
>>>> الرد الخامس :
انا راني شاكة يمكن تكزن والدته هي للي دير في السبايب باختها
مفهمتش ختها هادي واش رح دير كي تجي !! مرايحة دير والووووو
