واش ندير مع مكتوبي تم الحل
عنوان الموضوع : واش ندير مع مكتوبي تم الحل
مقدم من طرف منتديات العندليب
السلام عليكم
قرب عرسي بعد طول انتظار 3 سنوات لان زوجي كي خطبني لم يكن يعمل في منصب دائم وبعد عام من الشوفة توالتها الخطبة الحمد الله اصبح له منصب دائم والدايم ربي قالي نلم روحي شوية قتله معليش الدنيا ماش رح طير
في هذه الفترة حدثت اشياء بينتلي نوعا ما عايلته اخته كيفاش امه كيفاش شيخي كيفاش خاصة وان العايلتين يروحوا ويجيو لبعضاهم في الاعياد والاعراس
من قبل تاجلت شوفتي بسبب انه عجوزتي تحججت باختها التي تستجم في الشرق الاوسط من بعد الخطبة كيفكيف غيروا الموعد
المهم الملاحظات والكلام المسموم اللي صرا كامل راه في قلبي معليش منعمرش راسي ندير روحي منفهمش على خاطر زوجي ربي يعيشهولي ويخليه ليا ونعم الناس
دركا قرب العرس وتم تحديد مبدئيا التاريخ بعد مجيء خالته من لبنان كي سمعت بالتوقيت مععجبهاش وقاتله ليه ولعجوزتي غيروا هاد الموعد ديروا العرس في الربيع القادم https://3andlib.xplainer.net/images/...s/confused.gif https://3andlib.xplainer.net/images/smilies/sdf.gif
هنا انا راسي حبس وتزيد المخلوقة عجوزتي تقولي في العيد كي عيدتلها اول عيد في الهاتف في الربيع خير https://3andlib.xplainer.net/images/...s/confused.gif
مفهمتش خالة زوجي هي دايرة عليا عجوزة او هي دايرة عليهم عجوزة ؟
تقولولي واش راي زوجك رايه طبعا كان بالرفض المخلوق 3 سنين درك كي قربت يزيد ياجل قالي يصرا واش يصرا ولالا خالة زوجي حابة تاجله علاش في رايكم؟ مبزمان هي تروح تستجم في لبنان عند بنتها يوصل الربيع بش تجي تسمى انا يتاجل عرسي بسبب تحواس لالا خالتي https://3andlib.xplainer.net/images/...s/confused.gif
ومن داك المخلوقة مش عاجبها الحال ودايرتلهم حالة نتم مفهمتش هل عجوزتي لا حول ولا قوة لها ام هوما في زوج متفاهمين على راسي
معجبهمش الحال كي سقساتني قلتلها ما فلانة اهدري خير مع امي وشيخي يهدر مع ابي حشمت برك نقولها هادي هدرة لازم تكون بين الرجال حنا معندوا مدخلنا
يعني واش رايكم بديت نخاف من المشاكل كي قرب عرسي كل ساعة يتونعلي عبد يحب يمشي رايه خايفة يؤثروا عليه كيما يقولوا اخوتنا المصريين الزن على الودان امر من السحر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
ربي يجيب الخير
من المفروض الكلمة الاولى و الاخيرة لخطيبك
وماياجلش العرس من اجل خالتو وسببها التافه
و اذا ماحضرتش العرس .. ماراحش كل شي يتوقف لانها مكاااااااش
__________________________________________________ __________
>>>> الرد الثاني :
جابلي ربي هي لعروسة لازم الوقت اللي يساعدها هي
__________________________________________________ __________
>>>> الرد الثالث :
ربي ييسرلك اختي حاولوا تفروها بين الرجال
__________________________________________________ __________
>>>> الرد الرابع :
ابقي بعيدة على المشاكل وخليه هو يفريها وقوليلو اللي تشوفو ديرو
__________________________________________________ __________
>>>> الرد الخامس :
خللي مكتوبك على ربي سبحانه هو ادرى باللي فيه الخير ليك
و مادام راجلك معاك و في صفك واش تحوسي اكثر من هاك ... حطي يدك في يدو و تخطو العراقيل و حتى علاقتكم راح تقوى اكثر و ان شاء الله ربي يوفقكم و يهنيكم و يرزقكم الذرية الصالحة
